598 രൂപയുടെ പുതിയ പ്രീപെയ്ഡ് പ്ലാനുമായി റിലയൻസ് ജിയോ

598 രൂപ പ്ലാൻ

ജിയോയുടെ പുതിയ പ്ലാനിന് 598 രൂപയാണ് വില. ഈ പ്ലാനിലൂടെ ദിവസവും 2 ജിബി ഡാറ്റയാണ് ഉപയോക്താക്കൾക്ക് ലഭിക്കുന്നത്. അൺലിമിറ്റഡ് ജിയോ ടു ജിയോ വോയ്‌സ് കോളുകളും ഈ പ്ലാനിലൂടെ ലഭിക്കും. മറ്റ് നെറ്റ്‌വർക്കുകളിലേക്ക് വിളിക്കാനായി 2,000 മിനിറ്റ് സൌജന്യ കോളുകളാണ് കമ്പനി ഈ പ്രീപെയ്ഡ് പ്ലാനിലൂടെ ഉപയോക്താക്കൾക്ക് നൽകുന്നത്. ദിവസവും 100 എസ്എംഎസുകളും പുതിയ പ്ലാൻ നൽകുന്നു. 56 ദിവസത്തെ വാലിഡിറ്റിയാണ് പ്ലാനിനുള്ളത്.

പുതിയ പ്ലാനിനായി ഉപയോക്താവ് 598 രൂപ ചിലവഴിക്കുമ്പോൾ ലഭിക്കുന്ന ഏറ്റവും വലിയ ആനുകൂല്യം ഡിസ്നി + ഹോട്ട്സ്റ്റാർ ആപ്ലിക്കേഷനിലേക്കുള്ള സൌജന്യ സബ്സ്ക്രിപ്ഷനാണ്. ഈ സബ്ക്രിപ്ഷന് സാധാരണ നിലയിൽ നൽകേണ്ടി വരുന്നത് 399 രൂപയാണ്. ഡിസ്നി + ഹോട്ട്സ്റ്റാറിലേക്കും മറ്റ് സ്ട്രീമിംഗ് ആപ്ലിക്കേഷനുകളിലേക്കും സൌജന്യ സബ്സ്ക്രിപ്ഷൻ നൽകുന്ന ജിയോയുടെ നിലവിലുള്ള പ്രീപെയ്ഡ് പ്ലാനുകൾ കൂടി പരിശോധിക്കാം.

499 രൂപ പ്ലാൻ

499 രൂപ വിലയുള്ള ജിയോയുടെ പ്രീപെയ്ഡ് പ്ലാൻ കമ്പനി നേരത്തെ ക്രിക്കറ്റ് പായ്ക്കായി പുറത്തിറക്കിയതാണ്. ഈ പ്ലാനിലൂടെ ഉപയോക്താക്കൾക്ക് ദിവസവും 1.5 ജിബി ഡാറ്റയാണ് ലഭിക്കുന്നത്. 56 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ഈ പ്ലാനിലൂടെ കോളിങ് ആനുകൂല്യങ്ങളോ എസ്എംഎസ് ആനുകൂല്യങ്ങളോ ലഭിക്കില്ല. 399 രൂപ വിലമതിക്കുന്ന ഡിസ്നി+ ഹോട്ട്സ്റ്റാറിന്റെ ഒരു വർഷത്തെ സബ്സ്ക്രിപ്ഷനാണ് പ്ലാൻ നൽകുന്നത്. ഈ പ്ലാനിന് 56 ദിവസത്തെ വാലിഡിറ്റിയാണ് ഉള്ളത്.

777 രൂപ പ്ലാൻ

ജിയോയുടെ 777 രൂപ വിലയുള്ള പ്രീപെയ്ഡ് പ്ലാൻ ദിവസവും 1.5 ജിബി ഡാറ്റയാണ് നൽകുന്നത്. ജിയോ നമ്പരുകളിലേക്ക് അൺലിമിറ്റഡ് കോളുകളും മറ്റ് നെറ്റ്വർക്കുകളിലേക്ക് വിളിക്കാൻ 3000 മിനിറ്റ് സൌജന്യ കോളുകളുമാണ് ഈ പ്ലാനിലൂടെ ലഭിക്കുന്നത്. ദിവസവും 100 എസ്എംഎസുകളും പ്ലാൻ നൽകുന്നു. ഈ പ്രീപെയ്ഡ് പ്ലാനും ഡിസ്നി+ ഹോട്ട്സ്റ്റാർ ആപ്പിലേക്ക് സൌജന്യ സബ്സ്ക്രിപ്ഷൻ നൽകുന്നുണ്ട്. 84 ദിവസത്തെ വാലിഡിറ്റിയാണ് ഈ പ്ലാനിനുള്ളത്.

401 രൂപ പ്ലാൻ

ഡിസ്നി+ ഹോട്ട്സ്റ്റാർ സൌജന്യ സബ്സ്ക്രിപ്ഷൻ നൽകുന്ന രണ്ട് പ്രീപെയ്ഡ് പ്ലാനുകളാണ് ജിയോ ആദ്യഘട്ടത്തിൽ അവതരിപ്പിച്ചത്. ഇതിനെ വില കുറഞ്ഞ പ്ലാനായിരുന്നു 401 രൂപയുടേത്. ഈ പ്ലാനിലൂടെ ഉപയോക്താക്കൾക്ക് ദിവസവും 3 ജിബി ഡാറ്റയാണ് ലഭിക്കുന്നത്. ഇതിനൊപ്പം മൊത്തം വാലിഡിറ്റി കാലയളവിലേക്കുമായി 6 ജിബി അധിക ഡാറ്റയും കമ്പനി നൽകുന്നു. പുതിയ പ്രീപെയ്ഡ് പ്ലാൻ ജിയോ നമ്പരുകളിലേക്ക് അൺലിമിറ്റഡ് കോളുകളും മറ്റ് നെറ്റ്വർക്കിലേക്ക് 1000 മിനിറ്റ് സൌജന്യ കോളുകളും നൽകുന്നു. ദിവസവും 100 എസ്എംഎസുകളാണ് പ്ലാൻ നൽകുന്നത്. 28 ദിവസത്തെ വാലിഡിറ്റിയാണ് ഈ പ്ലാനിനുള്ളത്.

2599 രൂപ പ്ലാൻ

ഡിസ്നി + ഹോട്ട്സ്റ്റാർ സബ്ക്രിപ്ഷൻ സൌജന്യമായി നൽകുന്ന ജിയോയുടെ പ്ലാനുകളിൽ ഏറ്റവും വില കൂടിയ പ്ലാനാണ്‌ 2599 രൂപയുടേത്. ഇതൊരു വാർഷിക പ്ലാനാണ്. ഈ പ്ലാനിലൂടെ ജിയോ നമ്പരുകളിലേക്ക് അൺലിമിറ്റ്ഡ് കോളുകളും മറ്റ് നമ്പരുകളിലേക്ക് 12,000 മിനുറ്റ് കോളുകളും സൌജന്യമായി ലഭിക്കും. ദിവസവും 100 എസ്‌എം‌എസുകളും ഈ പ്ലാനിലൂടെ ലഭിക്കും. ദിവസവും 2 ജിബി ഡാറ്റയാണ് ഈ പ്ലാൻ നൽകുന്നത്. ഇത് കൂടാതെ ഉപയോക്താക്കൾക്ക് 10 ജിബി ഡാറ്റ അധികമായും ലഭിക്കും.