വീട്ടിലിരിക്കുന്നവർക്കായി ജിയോയുടെ ദിവസവും 2ജിബി ഡാറ്റ ലഭിക്കുന്ന മികച്ച പ്ലാനുകൾ

കഴിഞ്ഞ ദിവസം സൌജന്യ അതിവേഗ ഡാറ്റാ പ്ലാൻ അവസാനിച്ചതോടെ പല ഉപയോക്താക്കളും സമാന ആനുകൂല്യം നൽകുന്ന പണം നൽകി നേടാവുന്ന പ്ലാനുകൾ അന്വേഷിക്കുന്നുണ്ട്. പ്രതിദിനം 2 ജിബി ഡാറ്റ നൽകുന്ന മൂന്ന് പ്ലാനുകൾ റിലയൻസ് ജിയോയുടെ ഉപയോക്താക്കൾക്ക് ലഭ്യമാണ്. ഈ പ്ലാനുകൾ 249 രൂപ മുതലുള്ള നിരക്കുകളിലാണ് ലഭിക്കുക. ഈ പ്രതിദിനം 2 ജിബി ഡാറ്റ നൽകുന്ന പ്ലാനുകൾക്കൊപ്പം നാല് 4 ജി ഡാറ്റ ആഡ് ഓൺ പായ്ക്കുകളും കമ്പനി നൽകുന്നുണ്ട്.

ജിയോയുടെ ദിവസവും 2 ജിബി ഡാറ്റ ലഭിക്കുന്ന പ്ലാനുകൾ

പ്രതിദിനം 2 ജിബി ഡാറ്റ നൽകുന്ന മൂന്ന് പാക്കുകളാണ് റിലയൻസ് ജിയോ നൽകുന്നത്. 28 ദിവസത്തെ വാലിഡിറ്റിയുള്ള 249 രൂപ പ്ലാൻ മൊത്തം വാലിഡിറ്റി കാലയളവിലേക്കുമായി 56 ജിബി ഡാറ്റ നൽകുന്നു. ജിയോ ഇതര നമ്പറുകളിലേക്ക് 1000 മിനിറ്റ് കോളിംഗും ജിയോ നമ്പറിലേക്ക് അൺലിമിറ്റഡ് കോളിംഗും ഈ പ്ലാൻ വാഗ്ദാനം ചെയ്യുന്നു. പ്രതിദിനം 100 എസ്എംഎസുകളും പ്ലാൻ നൽകുന്നുണ്ട്. ഈ പ്ലാനിലൂടെ ഉപയോക്താക്കൾക്ക് ജിയോ അപ്ലിക്കേഷനുകളിലേക്ക് ഒരു കോംപ്ലിമെന്ററി സബ്‌സ്‌ക്രിപ്‌ഷനും ലഭിക്കും.

ജിയോയുടെ 449 രൂപയുടെയും 599 രൂപയുടെയും പ്ലാനുകൾ 249 രൂപ പ്ലാനിന് സമാനമായ ആനുകൂല്യങ്ങൾ വാഗ്ദാനം ചെയ്യുന്നുണ്ടെങ്കിലും യഥാക്രമം 56 ദിവസം, 84 ദിവസം വാലിഡിറ്റിയാണ് ഈ പ്ലാനുകൾ നൽകുന്നത്. 449 രൂപയുടെ പ്ലാൻ ഉപയോക്താക്കൾക്ക് മൊത്തം വാലിഡിറ്റി കാലയളവിലേക്കുമായി 112 ജിബി ഡാറ്റയും 2000 മിനിറ്റ് മറ്റ് നെറ്റ്വർക്കിലേക്കുള്ള കോളിങും നൽകുന്നു.

2 ജിബി പ്രതിദിന ഡാറ്റ നൽകുന്ന ഏറ്റവും വില കൂടിയ പ്ലാനായ 599 രൂപ പ്ലാൻ മൊത്തം വാലിഡിറ്റി കാലയളവിലേക്കുമായി 168 ജിബി ഡാറ്റയാണ് നൽകുന്നത്. മറ്റ് നെറ്റ്വർക്കിലേക്ക് വിളിക്കാൻ 3000 മിനിറ്റ് കോളിങും ഈ പ്ലാനിലൂടെ ഉപയോക്താക്കൾക്ക് ലഭിക്കും. പ്രതിദിനം 2 ജി പരിധി കഴിഞ്ഞാൽ ഉപയോക്താക്കൾക്ക് 64 കെബിപിഎസ് വേഗതയിലുള്ള ഇന്റർനറ്റ് ലഭിക്കും ബ്രൌസ് ചെയ്യാൻ സാധിക്കുന്ന വിധത്തിലുള്ള വേഗത തന്നെയാണ് ഇത്.

ജിയോയുടെ 4 ജി ഡാറ്റ ആഡ്-ഓൺ പായ്ക്കുകൾ

കൊറോണ വൈറസ് കാരണം ആളുകൾ വീട്ടിലിരുന്ന് ജോലി ചെയ്യുന്ന അവസരക്കിൽ റിലയൻസ് ജിയോ തങ്ങളുടെ 4 ജി ഡാറ്റ വൗച്ചറുകളിൽ ഇരട്ടി ഡാറ്റ വാഗ്ദാനം ചെയ്യുന്നു. ജിയോ ഒരു സ്റ്റാൻ‌ഡലോൺ 251 രൂപ ഡാറ്റാ പായ്ക്കും നാല് ഡാറ്റ ആഡ്-ഓൺ പായ്ക്കുകളുമാണ് വാഗ്ദാനം ചെയ്യുന്നത്. 251 രൂപ ഡാറ്റ പായ്ക്ക് 51 ദിവസത്തെ വാലിഡിറ്റിയോടെയാണ് വരുന്നത്. മൊത്തം വാലിഡിറ്റി കാലയളവിലേക്കായി 102 ജിബി ഡാറ്റയും പ്രതിദിനം 2 ജിബി എന്ന ലിമിറ്റും ഈ പ്ലാനിനുണ്ട്.

ജിയോയുടെ ഡാറ്റ ആഡ് ഓൺ പ്ലാനുകൾ 11 രൂപയിൽ ആരംഭിക്കുന്നു. ഉപയോക്താക്കൾക്ക് 800MB ഡാറ്റയും 75 മിനിറ്റ് മറ്റ് നെറ്റ്വർക്കിലേക്കുള്ള കോളിംഗും വാഗ്ദാനം ചെയ്യുന്ന പ്ലാനാണ് ഇത്. 21 രൂപ ആഡ്-ഓൺ പായ്ക്കിൽ 2 ജിബി ഡാറ്റയും 200 മിനിറ്റ് നോൺ ജിയോ കോളിംഗും ലഭിക്കുമ്പോൾ 51 രൂപ പ്ലാനിൽ 6 ജിബി ഡാറ്റയും 500 മിനിറ്റ് നോൺ ജിയോ കോളുകളും ലഭിക്കുന്നുണ്ട്.

12 ജിബി ഡാറ്റയും 1000 മിനിറ്റ് ഓഫ്-നെറ്റ് കോളിംഗും വാഗ്ദാനം ചെയ്യുന്ന 101 രൂപ പ്ലാനും ജിയോ ഡാറ്റ ആഡ് ഓൺ പ്ലാനുകളിൽ ഉണ്ട്. സ്റ്റാൻ‌ഡലോൺ ഡാറ്റാ പായ്ക്കിന് പുറമെ മറ്റ് നെറ്റ്വർക്കിലേക്കുള്ള കോളുകൾ വാഗ്ദാനം ചെയ്യുന്ന ഐയുസി വൗച്ചറുകൾക്ക് ഒപ്പവും കമ്പനി ഡാറ്റ ആനുകൂല്യങ്ങൾ നൽകുന്നുണ്ട് എന്നതാണ് ശ്രദ്ധേയം. ഡാറ്റ ആഡ് ഓൺ പ്ലാനുകൾ നിലവിലുള്ള പ്രീപെയ്ഡ് പ്ലാനിന്റെ വാലിഡിറ്റി കാലയളവ് വരെ വാലിഡിറ്റിയുള്ള പ്ലാനുകളാണ്.