ജിയോ ഉപയോക്താക്കൾ അറിഞ്ഞിരിക്കേണ്ട 500 രൂപയിൽ താഴെ വിലയുള്ള പ്ലാനുകൾ

മിക്ക ഉപയോക്താക്കളും ഒരു തവണത്തെ റീചാർജിനായി 500 രൂപയിൽ താഴെ മാത്രം ചിലവഴിക്കുന്ന ആളുകളാണ്. അതുകൊണ്ട് തന്നെ ഈ വില നിലവാരത്തിൽ മികച്ച കുറച്ച് പ്ലാനുകളും ജിയോ ലഭ്യമാക്കുന്നുണ്ട്. 500 രൂപയിൽ താഴെ വിലയുള്ള നാല് പ്ലാനുകളാണ് നമ്മളിന്ന് പരിശോധിക്കുന്നത്. ഈ പ്ലാനുകളെല്ലാം സൌജന്യ കോളുകളും ഡാറ്റ ആനുകൂല്യങ്ങളും നൽകുന്ന പ്ലാനുകളാണ്. മറ്റ് നെറ്റ്വർക്കിലേക്കുള്ള കോളുകൾക്കായി മാന്യമായ എഫ്യുപി മിനുറ്റുകളും ഈ പ്ലാനുകൾ നൽകുന്നുണ്ട്.

199 രൂപയുടെ പ്ലാൻ

ജിയോയുടെ ഏറ്റവു വില കുറഞ്ഞ കോംബോ പ്ലാനുകളുലൊന്നാണ് 199 രൂപയുടെ പ്ലാൻ. ഈ പ്ലാനിലൂടെ ഉപയോക്താക്കൾക്ക് 28 ദിവസത്തേക്ക് ദിവസവും 1.5 ജിബി ഡാറ്റ ലഭിക്കും. മൊത്തം വാലിഡിറ്റി കാലയളവിലേക്കുമായി 42 ജിബി ഡാറ്റയാണ് ലഭിക്കുക. മറ്റ് നെറ്റ്വർക്കുകളിലേക്ക് വിളിക്കാൻ 1,000 മിനുറ്റ് കോളുകളും ഈ പ്ലാൻ നൽകുന്നുണ്ട്. ജിയോ നമ്പരുകളിലേക്ക് അൺലിമിറ്റഡ് കോളുകൾ, ദിവസവും 100 എസ്എംഎസ്, ജിയോ ആപ്ലിക്കേഷനുകളിലേക്ക് കോംപ്ലിമെന്ററി സബ്സ്ക്രിപ്ഷൻ എന്നിവയും ഈ പ്ലാൻ നൽകുന്ന ആനുകൂല്യങ്ങളാണ്.

249 രൂപയുടെ പ്ലാൻ

റിലയൻസ് ജിയോയുടെ ദിവസവും 2 ജിബി ഡാറ്റ നൽകുന്ന പ്ലാനുകളിൽ ആദ്യത്തേതാണ് 249 രൂപയുടെ പ്ലാൻ. 28 ദിവസത്തെ വാലിഡിറ്റിയാണ് ഈ പ്ലാനിനുള്ളത്. അൺലിമിറ്റഡ് ജിയോ ടു ജിയോ കോളുകളും മറ്റ് നെറ്റ്വർക്കുകളിലേക്ക് 1,000 മിനുറ്റ് സൌജന്യ കോളുകളും ഈ പ്ലാൻ നൽകുന്നു. പ്രതിദിനം 100 എസ്എംഎസ്, എല്ലാ ജിയോ ആപ്ലിക്കേഷനുകളിലേക്കും കോംപ്ലിമെന്ററി സബ്സ്ക്രിപ്ഷൻ എന്നീ ആനുകൂല്യങ്ങളും പ്ലാൻ നൽകുന്നുണ്ട്.

399 രൂപയുടെ പ്ലാൻ

ജിയോയുടെ 399 രൂപ പ്രീപെയ്ഡ് പ്ലാൻ ഏറ്റവും ജനപ്രിയമായ പ്ലാനുകളിൽ ഒന്നാണ്. 84 ദിവസത്തെ വാലിഡിറ്റിയാണ് ഈ പ്ലാനിനുള്ളത്. ദിവസവും 1.5 ജിബി ഡാറ്റയാണ് ഈ പ്ലാൻ നൽകുന്നത്. ജിയോ നമ്പരുകളിലേക്ക് സൌജന്യ കോളുകൾ, മറ്റ് നെറ്റ്വർക്കിലേക്ക് വിളിക്കാൻ 2,000 മിനുറ്റ് കോളുകൾ, ദിവസവും 100 എസ്എംഎസ്, ജിയോ അപ്ലിക്കേഷനുകളിലേക്ക് കോംപ്ലിമെന്ററി സബ്‌സ്‌ക്രിപ്‌ഷൻ എന്നിവയും ഈ പ്ലാനിലൂടെ ലഭിക്കുന്ന ആനുകൂല്യങ്ങളാണ്.

444 രൂപയുടെ പ്ലാൻ

444 രൂപയുടെ ജിയോ പ്രീപെയ്ഡ് പ്ലാനിലൂടെ വരിക്കാർക്ക് 56 ദിവസത്തെ വാലിഡിറ്റിയാണ് ലഭിക്കുന്നത്. ദിവസവും 2 ജിബി ഡാറ്റയും ഈ പ്ലാനിലൂടെ ലഭിക്കും. ജിയോ നമ്പരുകളിലേക്ക് അൺലിമിറ്റഡ് കോളുകളും മറ്റ് നെറ്റ്വർക്കുകളിലേക്ക് 2,000 മിനിറ്റ് കോളുകളും ലഭിക്കും. ജിയോ ആപ്ലിക്കേഷനുകളിലേക്ക് കോംപ്ലിമെന്ററി സബ്സ്ക്രിപ്ഷനും ദിവസവും 100 എസ്എംഎസുകളും ഈ പ്ലാൻ നൽകുന്ന മറ്റ് ആനുകൂല്യങ്ങളാണ്.