ജിയോ ഉപയോക്താക്കൾക്ക് ഈ പ്ലാനുകളിലൂടെ ദിവസവും 2 ജിബി ഹൈസ്പീഡ് ഡാറ്റ നേടാം

വീടുകളിലിരുന്ന് ജോലി ചെയ്യുന്നതിനും വിനോദത്തിനുമായി ഉപയോക്താക്കൾ ധാരാളം ഡാറ്റ ഉപയോഗിക്കുന്ന ഈ സന്ദർഭത്തിൽ മിക്കവാറും ആളുകൾക്ക് ദിവസേന 1 ജിബി, 1.5 ജിബി ഡാറ്റ മതിയാകാതെ വരും. ഇത്തരത്തിൽ ധാരാളം ഡാറ്റ ഉപയോഗിക്കുന്ന മിക്കവാറും ഉപയോക്താക്കൾക്കും ദിവസവും 2ജിബി ഡാറ്റ തികയാറുണ്ട്. ജിയോ തങ്ങളുടെ ഉപയോക്താക്കൾക്കായി ദിവസവും രണ്ട് ജിബി ഡാറ്റ നൽകുന്ന മികച്ച പ്ലാനുകൾ നൽകുന്നു. ഈ പ്ലാനുകളാണ് നമ്മളിന്ന് പരിശോധിക്കുന്നത്.

2599 രൂപ പ്ലാൻ

റിലയൻസ് ജിയോയുടെ 2599 രൂപ വിലയുള്ള പുതിയ വാർ‌ഷിക പ്ലാൻ ദിവസവും രണ്ട് ജിബി ഡാറ്റ നൽകുന്ന പ്ലാനുകളുടെ പട്ടികയിലെ ഏറ്റവും വില കൂടിയ പ്ലാനാണ്. ഈ പ്ലാനിലൂടെ അൺലിമിറ്റഡ് ജിയോ ടു ജിയോ വോയ്‌സ് കോളിംഗ്, മറ്റ് നെറ്റ്വർക്കുകളിലേക്ക് വിളിക്കാൻ 12,000 മിനിറ്റ് സൌജന്യ കോളുകൾ, പ്രതിദിനം 100 എസ്എംഎസ് എന്നീ ആനുകൂല്യങ്ങളാണ് ലഭിക്കുക. ദിവസവും 2 ജിബി ഡാറ്റ നൽകുന്നതിനൊപ്പം അധികമായി 10 ജിബി ഡാറ്റയും ഈ പ്ലാനിലൂടെ ലഭിക്കും. 399 രൂപ വിലമതിക്കുന്ന ഡിസ്നി + ഹോട്ട്സ്റ്റാർ വിഐപി സബ്ക്രിപ്ഷനും ഇതിനൊപ്പം സൌജന്യമായി ലഭിക്കും.

2399 രൂപ പ്ലാൻ

ജിയോയുടെ മറ്റൊരു വാർഷിക പ്ലാനാണ് 2399 രൂപയുടേത്. ദിവസവും 2 ജിബി ഡാറ്റയാണ് ഈ പ്ലാനിലൂടെയും ലഭിക്കുന്നത്. ഇതിനൊപ്പം ജിയോ ടു ജിയോ അൺലിമിറ്റഡ് കോളിങ്, മറ്റ് നെറ്റ്വർക്കുകളിലേക്ക് വിളിക്കാൻ 12,000 മിനിറ്റ് സൌജന്യ കോളുകൾ എന്നിവയാണ് ഈ പ്ലാനിന്റെ ആനുകൂല്യങ്ങൾ. പ്ലാനിന് 365 ദിവസത്തെ വാലിഡിറ്റിയാണ് ഉള്ളത്. ജിയോ ആപ്ലിക്കേഷനുകൾക്ക് സൌജന്യ സബ്സ്ക്രിപ്ഷനും ഈ പ്ലാൻ നൽകുന്നു.

599 രൂപ പ്ലാൻ

ദിവസവും 2 ജിബി ഡാറ്റ നൽകുന്ന ജിയോയുടെ മറ്റൊരു പ്ലാനാണ് 599 രൂപയുടേത്. 84 ദിവസത്തെ വാലിഡിറ്റിയുള്ള ഈ പ്ലാൻ ഡാറ്റാ ആനുകൂല്യങ്ങൾക്കൊപ്പം ജിയോ നമ്പരുകളിലേക്ക് അൺലിമിറ്റഡ് കോളിങും മറ്റ് നെറ്റ്വർക്കിലേക്ക് 3,000 മിനിറ്റ് സൌജന്യ കോളുകളും നൽകുന്നു. ദിവസവും 100 എസ്എംഎസും ജിയോ ആപ്ലിക്കേഷനുകളിലേക്ക് കോംപ്ലിമെന്ററി സബ്സ്ക്രിപ്ഷനും ഈ പ്ലാനിലൂടെ ലഭിക്കും.

444 രൂപയുടെ പ്ലാൻ

റിലയൻസ് ജിയോയുടെ 444 രൂപ പ്രീപെയ്ഡ് പ്ലാനിലൂടെയും ദിവസവും 2 ജിബി ഡാറ്റയാണ് ഉപയോക്താക്കൾക്ക് ലഭിക്കുക. ജിയോ നമ്പരുകളിലേക്ക് അൺലിമിറ്റഡ് കോളുകൾ, മറ്റ് നെറ്റ്വർക്കിലേക്ക് വിളിക്കാൻ 2,000 മിനിറ്റ് സൌജന്യ കോളുകൾ എന്നിവയ്ക്കൊപ്പം ദിവസവും 100 എസ്എംഎസുകളും ഈ പ്ലാനിലൂടെ ലഭിക്കുന്നു. 56 ദിവസത്തെ വാലിഡിറ്റിയുള്ള ഈ പ്ലാനിലൂടെ ഉപയോക്താക്കൾക്ക് ജിയോ ആപ്ലിക്കേഷനുകൾക്ക് കോംപ്ലിമെന്ററി സബ്സ്ക്രിപ്ഷനും ലഭിക്കും.

249 രൂപയുടെ പ്ലാൻ

ദിവസവും 2 ജിബി ഡാറ്റ നൽകുന്ന ജിയോയുടെ ഏറ്റവും വില കുറഞ്ഞ പ്ലാനാണ് 249 രൂപയുടേത്. ഇതേ വിലയിൽ മറ്റ് ടെലിക്കോം കമ്പനികൾ നൽകുന്ന ഡാറ്റ ആനുകൂല്യങ്ങളെക്കാൾ കൂടുതൽ ആനുകൂല്യം ഈ പ്ലാനിലൂടെ ജിയോ നൽകുന്നുണ്ട്. ജിയോ നമ്പരുകളിലേക്ക് അൺലിമിറ്റഡ് കോളിങ്, മറ്റ് നെറ്റ്വർക്കിലേക്ക് വിളിക്കാൻ1,000 മിനിട്ട് കോളുകൾ, ദിവസവും 100 എസ്എംഎസ് എന്നിവയാണ് ഈ പ്ലാനിലൂടെ ലഭിക്കുന്നത്. ഇതിനൊപ്പം അധിക ആനുകൂല്യമായി ജിയോ അപ്ലിക്കേഷനുകളിലേക്കുള്ള സബ്‌സ്‌ക്രിപ്‌ഷനും ലഭിക്കും.