എയർടെലും ജിയോയും നേർക്ക് നേർ, ഇത്തവണ മത്സരം വോവൈ-ഫൈ സേവനത്തിൽ

ഇതുവരെ ഔദ്യോഗികമായി ജിയോ ഇക്കാര്യം സ്ഥിരീകരിച്ചിട്ടില്ലെങ്കിലും മൂന്ന് സർക്കിളുകളിൽ സേവനം ലഭ്യമാക്കാൻ ജിയോ ഒരുങ്ങി കഴിഞ്ഞെന്ന് റിപ്പോർട്ടുകൾ സൂചിപ്പിക്കുന്നു. കേരളം, മഹാരാഷ്ട്ര, കൊൽക്കത്ത എന്നീ മൂന്ന് ടെലികോം സർക്കിളുകളിലെ എല്ലാ ഉപയോക്താക്കൾക്കും റിലയൻസ് ജിയോ വോവൈ-ഫൈ സേവനം ലഭ്യമാക്കി തുടങ്ങിയെന്നാണ് റിപ്പോർട്ടുകൾ.

ഡൽഹി എൻ‌സി‌ആർ, ആന്ധ്രാപ്രദേശ്, കർണാടക, തമിഴ്‌നാട്, മുംബൈ, കൊൽക്കത്ത സർക്കിളുകളിലാണ് എയർടെൽ എയർ-ഫൈ എന്ന തങ്ങളുടെ വോവൈ-ഫൈ കോളിംഗ് സേവനം എയർടെൽ പ്രഖ്യാപിച്ചത്. കോംപിറ്റബിൾ ഡിവൈസുകളിൽ വോവൈ-ഫൈ ആക്ടീവ് ചെയ്താൽ ജിയോ വോവൈ-ഫൈ ലഭ്യമാകുമെന്നാണ് റിപ്പോർട്ടുകൾ വ്യക്തമാക്കുന്നത്. സേവനം ലഭ്യമാകുന്ന ഡിവൈസുകളുടെ ലിസ്റ്റ് ഇതുവരെ പുറത്ത് വന്നിട്ടില്ല.

കൂടുതൽ വായിക്കുക: ആളുകളെ പോർട്ട് ചെയ്യിച്ചാൽ റീട്ടൈലർമാർക്ക് പണം, പുതിയ തന്ത്രവുമായി എയർടെലും ജിയോയും

ഇന്ത്യൻ ഉപഭോക്താക്കൾക്ക് VoLTE അഥവാ Voice over LTE സാങ്കേതികവിദ്യ അവതരിപ്പിച്ചുകൊണ്ടാണ് റിലയൻസ് ജിയോ ഇന്ത്യൻ വിപണിയിൽ പ്രവേശിച്ചത്. എന്നാൽ വോവൈ-ഫൈയുടെ കാര്യത്തിൽ കമ്പനി അല്പം പിന്നിലായി പോയി. എയർടെൽ ഈ സേവനം പ്രഖ്യാപിച്ചതിന് ശേഷമാണ് ജിയോ സേവനം ആരംഭിക്കുന്നതായുള്ള റിപ്പോർട്ടുകൾ വരുന്നത്. ജിയോ ഇതുവരെ ഔദ്യോഗികമായി വോവൈ-ഫൈ സേവനം ആരംഭിച്ചതായി പ്രഖ്യാപിച്ചിട്ടില്ലെങ്കിലും പല ഉപയോക്താക്കൾക്കും അവരുടെ സ്മാർട്ട്‌ഫോണുകളിൽ ജിയോ വൈ-ഫൈയുടെ സേവനം ലഭ്യമായിട്ടുണ്ടെന്നാണ് റിപ്പോർട്ട്.

ജിയോ വോവൈ-ഫൈ സപ്പോർട്ട് ചെയ്യുന്ന ഡിവൈസുകൾ പരിശോധിച്ചാൽ എല്ലാ വോവൈ-ഫൈ എനേബിൾഡ് ഡിവൈസുകൾക്കും സർവ്വീസ് ലഭ്യമാകുമെന്നാണ് റിപ്പോർട്ട്. ഗാലക്‌സി എം 30, ഗാലക്‌സി എം 30, ഗാലക്‌സി എം 20 തുടങ്ങിയ സാംസങ് ഡിവൈസുകൾക്കൊപ്പം ഐഒഎസ് 13.3 ഉം അതിനേക്കാൾ പുതിയതുമായ ഒഎസിൽ പ്രവർത്തിക്കുന്ന ആപ്പിൾ ഐഫോണുകൾക്ക് വോവൈ-ഫൈ സപ്പോർട്ട് ഉണ്ട്. നേരത്തെ പറഞ്ഞ മൂന്ന് സർക്കിളുകളിലെ ആപ്പിൾ സ്മാർട്ട്‌ഫോൺ ഉടമകൾക്ക് ജിയോ വൈ-ഫൈ സിംബൽ കാണാൻ കഴിയുന്നില്ലെങ്കിൽ വരും ദിവസങ്ങളിൽ നിങ്ങളുടെ സ്മാർട്ട്‌ഫോണിൽ ഒരു കാരിയർ അപ്‌ഡേറ്റ് വരുന്നതുവരെ കാത്തിരിക്കുക.

എല്ലാ എയർടെൽ വൈ-ഫൈ കോളിംഗ് സപ്പോർട്ടുള്ള ഡിവൈസുകളിലും ജിയോ വൈ-ഫൈ സപ്പോർട്ട് ചെയ്യും. അതുകൊണ്ട് തന്നെ വൺപ്ലസ് 7 ടി, 7 ടി പ്രോ, വൺപ്ലസ് 7, വൺപ്ലസ് 7 പ്രോ, റെഡ്മി കെ 20 പ്രോ, റെഡ്മി കെ 20 തുടങ്ങിയ സ്മാർട്ട്‌ഫോൺ ഉടമകൾക്ക് അവരുടെ സ്മാർട്ട്‌ഫോണിൽ ജിയോ വൈ-ഫൈ സേവനം ഉപയോഗിക്കാൻ കഴിയും. ഇനി പുറത്തിറങ്ങുന്ന മിക്ക സ്മാർട്ട്ഫോണികളിലും ആ വോവൈ-ഫൈ സേവനം ലഭ്യമാകാനുള്ള സംവിധാനങ്ങൾ ഉണ്ടാകുമെന്ന് ഉറപ്പാണ്.

കൂടുതൽ വായിക്കുക: റിലയൻസ് ജിയോ ജിയോ ഫൈബര്‍ അപ്‌ലോഡ് വേഗത കുറയ്ക്കുന്നു: റിപ്പോർട്ട്