ജിയോ ഫോണ്‍ ലഭിക്കാന്‍ വൈകും!

ബുക്കിങ്ങ് വെബ്‌സൈറ്റുകള്‍ ലഭിക്കാതെ ആയി

പ്രീബുക്കിങ്ങ് ആരംഭിച്ചത് ഈ മാസം 24ന് വൈകുന്നേരം 5.30ന് ആണ്. എന്നാല്‍ ബുക്കിങ്ങ് തുടങ്ങി കുറച്ചു സമയത്തിനുളളില്‍ തന്നെ തിരക്കു കാരണം വെബ്‌സൈറ്റുകള്‍ ലഭിക്കാതെ ആയി. അതേ തുടര്‍ന്ന് കമ്പനി ബുക്കിങ്ങ് നിര്‍ത്തി വച്ചു.

ഫോണ്‍ ലഭിക്കാന്‍ കാത്തിരിക്കണം

നിലവില്‍ ഫോണ്‍ ബുക്ക് ചെയ്തവര്‍ക്ക് ഫോണ്‍ ലഭിക്കണം എങ്കില്‍ കുറച്ചു കൂടി കാത്തിരിണം എന്നാണ് ഇപ്പോഴത്തെ റിപ്പോര്‍ട്ടുകള്‍ പറയുന്നത്. ഇപ്പോള്‍ തന്നെ ലക്ഷക്കണക്കിന് ഉപഭോക്താക്കളാണ് ജിയോ ഫോണ്‍ ബുക്കിങ്ങ് ചെയ്തിരിക്കുന്നതെന്ന് കമ്പനി പറയുന്നത്. കമ്പനിയുടെ കഴിഞ്ഞ വാര്‍ഷിക യോഗത്തിലാണ് ജിയോ 4ജി ഫീച്ചര്‍ ഫോണിനെ കുറിച്ച് അവതരിപ്പിച്ചത്.

പ്രീ-ബുക്കിങ്ങ് ആരംഭിക്കും

ഇതു വരെ പ്രീ-ബുക്ക് ചെയ്തിട്ടില്ലാത്തവര്‍ക്കായി പ്രീ-ബുക്കിങ്ങ് വീണ്ടും ആരംഭിക്കുമെന്ന് ജിയോ സൈറ്റില്‍ തന്നെ വ്യക്തമാക്കിയിട്ടുണ്ട്. എന്നാല്‍ അതിനായി കുറച്ചു കൂടി കാത്തിരിക്കേണ്ടി വരും.

ഫേസ്ബുക്ക്/ വാട്ട്‌സാപ്പ് ഞെട്ടിക്കുന്ന ചില സത്യങ്ങള്‍!

ആദ്യം ഡല്‍ഹിയില്‍

ജിയോ ഫോണ്‍ ആദ്യം വില്‍പന ആരംഭിക്കുന്നത് ഡല്‍ഹിയില്‍ ആയിരിക്കും. ആദ്യം ഫോണ്‍ ബുക്ക് ചെയ്തവര്‍ക്കായിരിക്കും ആദ്യം ഫോണ്‍ ലഭിക്കുന്നത്. സെപ്തംബര്‍ 10 മുതല്‍ 15 വരെ ആയിരക്കും ജിയോ ഫോണ്‍ ലഭിച്ചു തുടങ്ങുന്നത്. പ്രീബുക്കിങ്ങ് ചെയ്തവര്‍ക്ക് അവരുടെ മൊബൈലിന്റെ അവസ്ഥ അറിയാനായി 18008908900 എന്ന നമ്പറിലേക്ക് നിങ്ങള്‍ ജിയോഫോണ്‍ ബുക്ക് ചെയ്യാന്‍ ഉപയോഗിച്ച് നമ്പറില്‍ നിന്നും മെസേജ് അയക്കുക. അപ്പോള്‍ നിങ്ങള്‍ക്ക് ഫോണ്‍ വിവരങ്ങള്‍ അറിയാവുന്നതാണ്.