ഗാലക്സി എസ്24 മുതൽ ഐഫോൺ 15ന് വരെ കിടിലം ഓഫറുമായി ആമസോൺ; ഈ ഹോളി ശെരിക്കും കളർഫുൾ ആകും

പ്രമുഖ ഇ കൊമേഴ്സ് വെബ്സൈറ്റായ ആമസോൺ ഈ ഹോളി പ്രമാണിച്ച് പ്രത്യേകം ഓഫർ വിൽപന ആരംഭിച്ച കാര്യം അറിഞ്ഞിരിക്കുമല്ലോ. കഴിഞ്ഞ ദിവസം മുതൽ ആരംഭിച്ച ഈ ഓഫർ വിൽപന മാർച്ച് 25 വരെ നീണ്ട് നിൽക്കും എന്നാണ് ആമസോൺ അറിയിച്ചിരിക്കുന്നത്. നിരവധി ​ഗാഡ്ജറ്റുകൾക്കാണ് ഈ ഓഫർ വിൽപനയിൽ ഡിസ്കൗണ്ട് പ്രഖ്യാപിച്ചിരിക്കുന്നത്.

സ്മാർട്ട് വാച്ചുകൾ, ലാപ്ടോപ്പുകൾ, ടാബ്ലെറ്റുകൾ, ക്യാമറകൾ, ഹെഡ്ഫോണുകൾ എന്നിവയ്ക്കെല്ലാം മികച്ച ഓഫറുകൾ പ്രഖ്യാപിച്ചിരിക്കുന്ന ഈ ഓഫർ വിൽപനയിൽ തിരഞ്ഞെടുത്ത സ്മാർട്ട് ഫോണുകൾക്കും ആമസോൺ കിടിലം ഓഫറുകളാണ് പ്രഖ്യാപിച്ചിരിക്കുന്നത്. ബാങ്ക് ഓഫറുകൾക്കൊപ്പം ചില പ്രത്യേക ഓഫർ കൂടി ഉൾപ്പെടുത്തുമ്പോൾ മികച്ച ഡിസ്കൗണ്ടിൽ ഉപയോക്താക്കൾക്ക് സ്മാർട്ട് ഫോണുകൾ സ്വന്തമാക്കാൻ സാധിക്കുന്നതാണ്.

സാംസങ് ​ഗാലക്സി എസ് 24, വൺപ്ലസ് 12, ആപ്പിൾ ഐഫോൺ 15, റിയൽമി 12, ഐക്യൂ നിയോ 9 പ്രോ, ഹോണർ എക്സ്9ബി എന്നീ ഫോണുകൾക്കാണ് ഇപ്പോൾ പ്രത്യേകം ഓഫർ ആമസോൺ പ്രഖ്യാപിച്ചിരിക്കുന്നത്. ഈ ഓഫറുകൾ എന്തെല്ലാമാണെന്ന് വിശദമായി പരിശോധിക്കാം. ഇതിൽ സാംസങ് ​ഗാലക്സി എസ് 24ന്റെ ഓഫറുകൾ പരിശോധിക്കുമ്പോൾ എച്ച്‌ഡിഎഫ്‌സി ബാങ്ക് കാർഡുകൾ ഉപയോ​ഗിച്ചാൽ 5000 രൂപ ഡിസ്കൗണ്ട് നേടാവുന്നതാണ്.

ഇതിന് പുറമെ 5,000 രൂപയുടെ കൂപ്പണും ആമസോണിൽ നിന്ന് ലഭിക്കുന്നതാണ്. ആയതിനാൽ തന്നെ 79,999 രൂപ വില വരുന്ന ഈ ഫോൺ 69,999 രൂപയ്ക്ക് ഇപ്പോൾ ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. വൺപ്ലസ് 12 5ജിയെ ഓഫർ വിശേഷങ്ങൾ പരിശോധിക്കുമ്പോൾ 69,999 രൂപയാണ് ഈ ഫോണിന്റെ ലോഞ്ച് വില. ഉപയോക്താക്കൾക്ക് ഐസിഐസിഐ ബാങ്കിന്റെ ബാങ്ക് കാർഡുകൾ ഉപയോ​ഗിച്ചാൽ 2000 രൂപ ഡിസ്കൗണ്ട് നേടാൻ സാധിക്കുന്നതാണ്.

MOST READ: വളരെ എളുപ്പത്തിൽ സ്വന്തമാക്കാം ബ്ലൂ ആധാർ കാർഡ്; ​ഗുണങ്ങളും നിരവധിയുണ്ട്

ആപ്പിൾ‌ ഐഫോൺ 15 സ്റ്റാന്റേർഡ് മോഡലിന്റെ വിലയാകട്ടെ 79,990 രൂപയാണ്. എന്നാൽ 71,290 രൂപയ്ക്കാണ് ഈ ഫോൺ ഇപ്പോൾ ആമസോണിൽ ലിസ്റ്റ് ചെയ്തിരിക്കുന്നത്. ഇതിന് പുറമെ എച്ച്ഡിഎഫ്സി ബാങ്കിന്റെ കാർഡ് ഉപയോ​ഗിച്ചാൽ 4000 രൂപയുടെ അധിക ഡിസ്കൗണ്ടും ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. അതായത് 67,290 രൂപയ്ക്ക് ഇപ്പോൾ ഈ ഫോൺ സ്വന്തമാക്കാൻ സാധിക്കുന്നതാണ്. റിയൽമി 12 5ജിയാണ് മികച്ച ഓഫർ ലഭിക്കുന്ന മറ്റൊരു ഫോൺ.

14,999 രൂപ വില വരുന്ന ഈ ഫോൺ 12,999 രൂപയ്ക്ക് സ്വന്തമാക്കാനുള്ള അവസരമാണ് ആമസോൺ ഇപ്പോൾ ഉപയോക്താക്കൾക്കായി നൽകിയിരിക്കുന്നത്. ഐക്യൂവിന്റെ നിയോ 9 പ്രോ എന്ന ഫോണിനും മികച്ച ഓഫറാണ് ഇപ്പോൾ ആമസോണിൽ ഉള്ളത്. 36,999 രൂപയാണ് ഇപ്പോൾ ഈ ഫോണിന് ആമസോണിൽ നൽകിയിരിക്കുന്ന വില. എന്നാൽ ഐസിഐസിഐ ബാങ്കിന്റെ കാർഡ് ഉപയോ​ഗിച്ചാണ് ഈ ഫോൺ സ്വന്തമാക്കുന്നത് എങ്കിൽ 2000 രൂപയുടെ ഡിസ്കൗണ്ട് നിങ്ങൾക്ക് നേടെയെടുക്കാൻ സാധിക്കുന്നതാണ്.

ഫിയറി റെഡ്, കോൺക്വറർ ബ്ലാക്ക് എന്നീ കളർ വേരിയേഷനുകളിലാണ് ഐക്യൂ നിയോ 9 പ്രോ ലഭിക്കുക. ഈ അടുത്ത കാലത്ത് ഹോണർ ഇന്ത്യയിൽ അവതരിപ്പിച്ച ഏറ്റവും പുതിയ ഫോൺ ആയിരുന്നു ഹോണർ എക്സ്9ബി. മികച്ച ഫീച്ചറുകളുള്ള ഈ ഫോൺ ഇപ്പോൾ 25,999 രൂപയ്ക്കാണ് ആമസോണിൽ ലിസ്റ്റ് ചെയ്തിരിക്കുന്നത്. എന്നാൽ എസ്ബിഐ ബാങ്കിന്റെ കാർഡുകൾ ഉപയോ​ഗിച്ച് ഈ ഫോൺ സ്വന്തമാക്കിയാൽ 3000 രൂപയുടെ തൽക്ഷണ കിഴിവ് ലഭിക്കുന്നതാണ്.

ഇതോടെ ഹോണർ എക്സ്9ബിയുടെ വില 22,999 രൂപയായി കുറയുന്നതായിരിക്കും. സൺറൈസ് ഓറഞ്ച്, മിഡ്‌നൈറ്റ് ബ്ലാക്ക് എന്നീ കളർ ഓപ്ഷനുകളിൽ ആയിരിക്കും ഈ ഫോൺ ആമസോണിൽ നിന്ന് ലഭിക്കുക. ഈ ഫോണുകൾക്ക് പുറമെ സ്മാർട്ട് വാച്ചുകൾ, ലാപ്ടോപ്പുകൾ, ടാബ്ലെറ്റുകൾ, ക്യാമറകൾ, ഹെഡ്ഫോണുകൾ എന്നിവയ്ക്കെല്ലാം മികച്ച ഓഫറാണ് ഈ ഹോളി സെയിലിൽ ആമസോൺ പ്രഖ്യാപിച്ചിരിക്കുന്നത്. മാർച്ച് 25 വരെ ഈ ഓഫർ നിലനിൽക്കും എന്നാണ് ആമസോൺ അറിയിച്ചിരിക്കുന്നത്.