വിസ്മയമായി സൂര്യഗ്രഹണം, ആദ്യം ദൃശ്യമായത് വടക്കൻ ജില്ലകളിൽ

ചന്ദ്രൻ സൂര്യനും ഭൂമിക്കും ഇടയിൽ വന്ന് സൂര്യനെ ചന്ദ്രൻ മറയ്ക്കുന്നതാണ് സൂര്യഗ്രഹണം. പൂർണ സൂര്യഗ്രഹണം, ഭാഗിക സൂര്യഗ്രഹണം, വലയ സൂര്യഗ്രഹണം, സങ്കര സൂര്യഗ്രഹണം എന്നിങ്ങനെ പല തരത്തിലാണ് സൂര്യ ഗ്രഹണം ഉണ്ടാവുന്നത്. ഇത്തവണ കേരളത്തിൽ കണ്ട വലയ സൂര്യഗ്രഹണത്തിന്റെ പ്രത്യേകത സൂര്യനെ പൂർണമായും ചന്ദ്രൻ മറയ്ക്കുന്ന അവസരത്തിൽ പോലും ചന്ദ്രന് ചുറ്റുമായി ഒരു വലയം പോലെ സൂര്യനെ കാണാം എന്നതാണ്.

രാവിലെ എട്ടുമണിക്കാണ് ഗ്രഹണം ആരംഭിച്ചത്. ഒമ്പതരമണിയോടെ ഗ്രഹണം കൂടുതൽ വ്യക്തമായി കാണാൻ തുടങ്ങി. ഇന്ത്യയിലെ തെക്കൽ സംസ്ഥാനങ്ങളിൽ ചില ഭാഗങ്ങളിലാണ് വലയ ചന്ദ്ര ഗ്രഹണം കാണാൻ സാധിച്ചത്. സൌദി അറേബ്യ, ഖത്തർ, യുഎഇ, സിഗപ്പൂർ, എന്നീ രാജ്യങ്ങൾക്ക് മുകളിലൂടെയാണ് ഗ്രഹണപാത.

കേരളത്തിന്റെ വടക്കൻ ജില്ലകളായ കാസർഗോഡ്, കണ്ണൂർ, കോഴിക്കോട്, വയനാട്, ജില്ലകളിലാണ് വലയ സൂര്യഗ്രഹണം പൂർണമായും ദൃശ്യമായത്. സംസ്ഥാനത്ത് ഉടനീളം സൂര്യന്റെ 90 ശതമാനത്തോളം മറയ്കക്കുന്ന ഗ്രഹണമാണ് ദൃശ്യമായത് എങ്കിലും വലയ സൂരൃഗ്രഹണം തെക്കൻ ജില്ലകളിൽ ദൃശ്യമായില്ല.

21-ാം നൂറ്റാണ്ടിലെ രണ്ടാം ദശകം ഒരു സൂര്യഗ്രഹണത്തോടെയാണ് അവസാനിക്കുന്നത്. ഈ ദശകത്തിലെ അവസാനത്തെ സൂര്യഗ്രഹണം ശാസ്ത്ര സമൂഹത്തിലും പൊതുജനങ്ങളിലും വളരെയധികം കൌതുകം സൃഷ്ടിച്ചു. കാരണം ഇത് ഇന്ത്യയുൾപ്പെടെയുള്ള ലോകത്തിലെ ജനസംഖ്യ കൂടുതലുള്ള ഭൂപ്രദേശത്ത് നിന്ന് ദൃശ്യമാകുന്ന ഗ്രഹണമാണ്. 0.97 തീവ്രതയുള്ള ഒരു വാർഷിക സൂര്യഗ്രഹണ് ഇന്ന് ദൃശ്യമായത് 3 മിനിറ്റ് 39 സെക്കൻഡ് ദൈർഘ്യമാണ് ഇതിന് ഉണ്ടായിരുന്നത്.