വിഐയുടെ 399 രൂപ പോസ്റ്റ്പെയ്ഡ് പ്ലാനിലൂടെ ഇപ്പോൾ 150ജിബി അധിക ഡാറ്റ നേടാം

വിഐ ഫാമിലി പോസ്റ്റ്പെയ്ഡ് പ്ലാനുകൾ കേരളത്തിൽ 649 രൂപ മുതലുമാണ് ആരംഭിക്കുന്നത്. വിഐയുടെ 399 രൂപ പ്ലാൻ ഒരു വ്യക്തിക്ക് മാത്രമായി ഉള്ളതാണ്. മികച്ച ഡാറ്റ, കോളിങ് ആനുകൂല്യങ്ങളും ഈ പ്ലാനിലൂടെ ലഭിക്കും. ഈ പ്ലാനിനെ ‘വി എന്റർടൈൻമെന്റ്' പോസ്റ്റ്പെയ്ഡ് പ്ലാൻ എന്നാണ് അറിയപ്പെടുന്നത്. 399 രൂപയുടെ പോസ്റ്റ്പെയ്ഡ് പ്ലാനിലൂടെ ഇപ്പോൾ ആറ് മാസത്തേക്ക് 150 ജിബി അധിക ഡാറ്റ നൽകുന്നുണ്ട്. ഇതിനൊപ്പം മറ്റ് നിരവധി ഓഫറുകളും ഈ പ്ലാനിലൂടെ ലഭിക്കും.

വിഐ 399 രൂപ പോസ്റ്റ്പെയ്ഡ് പ്ലാൻ

വിഐയുടെ 399 രൂപ എന്റർടൈൻമെന്റ് പോസ്റ്റ്പെയ്ഡ് പ്ലാൻ ഏറെ ജനപ്രീയമായ പ്ലാനാണ്. കുറഞ്ഞ വിലയിൽ മികച്ച ആനുകൂല്യങ്ങൾ നൽകുന്നു എന്നതാണ് ഈ പ്ലാനിനെ ആകർഷകമാക്കുന്നത്. ഈ പ്ലാൻ 40 ജിബി ഡാറ്റയുമായിട്ടാണ് വരുന്നത്. എന്നാൽ ഇപ്പോൾ പുതിയ ഓഫറിന്റെ ഭാഗമായി മൈവിഐ.ഇൻ വെബ്സൈറ്റ് വഴി പ്ലാൻ റീചാർജ് ചെയ്യുന്ന ഉപയോക്താക്കൾക്ക് 150 ജിബി അധിക ഡാറ്റ ലഭിക്കും. ഈ ഓഫർ പരിമിത കാലത്തേക്ക് മാത്രമേ ലഭിക്കുകയുള്ളു. റീചാർജ് ചെയ്ത തീയതി മുതൽ ആറുമാസത്തേക്കാണ് ഈ അധിക ഡാറ്റ ലഭിക്കുന്നത്. 200 ജിബി ഡാറ്റ റോൾ ഓവർ സൌകര്യവും ഈ പ്ലാനലൂടെ ലഭിക്കും.

പുതിയ ഓഫറിലൂടെ ലഭിക്കുന്ന 150 ജിബി ഡാറ്റ റോൾ ഓവർ ഡാറ്റയായി ഉപയോഗിക്കാൻ സാധിക്കില്ല. 399 രൂപ പ്ലാൻ എല്ലാ നെറ്റ്‌വർക്കിലേക്കും അൺലിമിറ്റഡ് വോയ്‌സ് കോളിങും ഒരു മാസത്തേക്ക് 100 എസ്എംഎസുകളും നൽകുന്നു. വിഐ മൂവീസ്, ടിവി ആപ്പ് സബ്‌സ്‌ക്രിപ്‌ഷനും ഈ പ്ലാനിലൂടെ ലഭിക്കും. മറ്റൊരു ഒടിടി സബ്‌സ്‌ക്രിപ്‌ഷനുകളും ഈ പ്ലാനിലൂടെ ലഭിക്കില്ല. ഐ‌എസ്‌ഡി കോളുകൾക്ക് മിനിറ്റിന് 50 പൈസ നിരക്കാണ് ഈ പ്ലാൻ റീചാർജ് ചെയ്തവരിൽ നിന്നും ഈടാക്കുന്നത്.

രാജസ്ഥാൻ, ജമ്മു കശ്മീർ, ബീഹാർ, ഒറീസ, അസം, നോർത്ത് ഈസ്റ്റ് തുടങ്ങിയ തിരഞ്ഞെടുത്ത സർക്കിളുകളിലെ ഉപയോക്താക്കൾക്ക് മാത്രമാണ് വിഐയുടെ 299 രൂപ പോസ്റ്റ്പെയ്ഡ് പ്ലാൻ ലഭിക്കുന്നത്. പുതിയ ഉപയോക്താക്കൾക്ക് മാത്രം ലഭിക്കുന്ന പ്ലാനാണ് ഇത്. എന്നാൽ 399 രൂപ വി പോസ്റ്റ്പെയ്ഡ് പ്ലാൻ കേരളം അടക്കം എല്ലാ സർക്കിളുകളിലും ലഭ്യമാണ്. 299 രൂപ പ്ലാൻ വിഐ സ്റ്റോറുകൾ വഴിയാണ് ലഭ്യമാകുന്നത്. കേരളത്തിലെ പോസ്റ്റ്പെയ്ഡ് ഉപയോക്താക്കൾക്ക് തിരഞ്ഞെടുക്കാവുന്ന വില കുറഞ്ഞതും ആകർഷകമായ ആനുകൂല്യങ്ങൾ നൽകുന്നതുമായ പ്ലാനാണ് 399 രൂപയുടേത്.