ഡാറ്റ, ടോക്ക് ആനുകൂല്യങ്ങളുമായി വോഡഫോൺ-ഐഡിയയുടെ 29 രൂപ പ്ലാൻ

29 രൂപയുടെ പുതിയ പ്ലാനിലൂടെ ഉപയോക്താവിന് 100 എംബി ഡാറ്റ, 100 മെസേജുകൾ, 20 രൂപ ടോക്ക് ടൈം എന്നീ ആനുകൂല്യങ്ങളാണ് നൽകുന്നത്. ഈ പ്ലാനിന്‌ 14 ദിവസത്തെ വാലിഡിറ്റിയാണ് ഉള്ളത്. പ്ലാൻ തിരഞ്ഞെടുക്കുന്ന ഉപയോക്താക്കൾക്ക് സെക്കൻഡിൽ 2.5 പൈസ എന്ന കോൾ നിരക്കിൽ ലോക്കൽ നാഷണൽ കോളുകൾ വിളിക്കാൻ സാധിക്കും. ഈ പ്ലാൻ നിലവിൽ ഡൽഹിൽ മാത്രമാണ് ലഭ്യമായിട്ടുള്ളത്. കേരളത്തിൽ വരും ദിവസങ്ങളിൽ ഈ പ്ലാൻ പ്രതീക്ഷിക്കാവുന്നതാണ്.

98 രൂപ പ്ലാനിൽ ഇരട്ടി ഡാറ്റ

വോഡഫോൺ ഐഡിയ തങ്ങളുടെ 98 രൂപ ആഡ്-ഓൺ ഡാറ്റ വൗച്ചറിന്റെ ആനുകൂല്യങ്ങൾ വർദ്ധിപ്പിച്ചു. ഈ വൌച്ചറിലൂടെ ഇപ്പോൾ 12 ജിബി ഡാറ്റയാണ് കമ്പനി വാഗ്ദാനം ചെയ്യുന്നത്. നേരത്തെ ഈ 98 രൂപ ആഡ്-ഓൺ ഡാറ്റ വൗച്ചർ 6 ജിബി ഡാറ്റ ആനുകൂല്യമാണ് നൽകിയിരുന്നുള്ളു. 28 ദിവസത്തെ വാലിഡിറ്റിയാണ് ഈ പായ്ക്കിന് ഉള്ളത്. ഇതേ വാലിഡിറ്റി കാലയളവിൽ ഇനിമുതൽ ഇരട്ടി ഡാറ്റ ആനുകൂല്യം ലഭിക്കും.

98 രൂപ വൗച്ചറിലൂടെ ഉപയോക്താക്കൾക്ക് എസ്എംഎസ്, കോളിങ് ആനുകൂല്യങ്ങളൊന്നും ലഭിക്കില്ല. ഈ വൌച്ചർ നൽകുന്ന ഡാറ്റ ആനുകൂല്യം ഇതിനകം തന്നെ വോഡാഫോണിന്റെ വെബ്സൈറ്റിൽ അപ്ഡേറ്റ് ചെയ്തിട്ടുണ്ട്. തിരഞ്ഞെടുത്ത ടെലികോം സർക്കിളുകളിൽ മാത്രമാണ് 98 രൂപ വൌച്ചറിന് ഇരട്ടി ഡാറ്റ ആനുകൂല്യം ലഭ്യമാക്കിയിട്ടുള്ളത്. കേരളത്തോടൊപ്പം ആന്ധ്രാപ്രദേശ്, ദില്ലി, കർണാടക, മുംബൈ, യുപി ഈസ്റ്റ് എന്നീ സർക്കിളുകളിൽ ഈ ഇരട്ടി ഡാറ്റ ഓഫർ ലഭ്യമാണ്.

വോഡാഫോൺ കേരളത്തിൽ നൽകുന്ന ഡബിൾ ഡാറ്റ ഓഫറുകൾ

വോഡാഫോൺ ചില പ്രീപെയ്ഡ് പ്ലാനുകളിൽ ഇരട്ടി ഡാറ്റ നൽകുന്നുണ്ട്. പല സർക്കിളുകളിലും അഞ്ച് പ്ലാനുകളിൽ ഇരട്ടി ഡാറ്റ ഓഫർ നൽകുമ്പോൾ കേരളത്തിൽ മൂന്ന് പ്ലാനുകളിലാണ് കമ്പനി ഈ ഓഫർ നൽകുന്നത്. കേരളത്തിൽ ലഭ്യമാകുന്ന ഡബിൾ ഡാറ്റ പ്ലാനുകളിൽ ആദ്യത്തേത് 299 രൂപ വിലയുള്ള പ്ലാനാണ്. 28 ദിവസത്തേക്ക് പ്രതിദിനം 2ജിബി ഡാറ്റ നൽകിയിരുന്ന പ്ലാനാണ് ഇത്. ഓഫറിന്റെ ഭാഗമാവുന്നതോടെ ഈ പ്ലാനിലൂടെ ദിവസേന 4ജിബി ഡാറ്റയാണ് ഉപയോക്താവിന് ലഭിക്കുന്നത്.

കേരളത്തിൽ ഡബിൾ ഡാറ്റ ആനുകൂല്യം നൽകുന്ന രണ്ടാമത്തെ പ്ലാൻ 459 രൂപ വിലവരുന്ന പ്ലാനാണ്. ദിവസേന 2ജിബി ഡാറ്റ തന്നെയാണ് ഈ പ്ലാനിൽ ലഭ്യമായിരുന്നത്. ഓഫറിന്റെ ഭാഗമായി പ്ലാനിലൂടെ 4ജിബി ഡാറ്റയാണ് ഉപയോക്താവിന് ലഭിക്കുന്നത്. 56 ദിവസത്തെ വാലിഡിറ്റിയുള്ള ഈ പ്ലാനിൽ എല്ലാ നെറ്റ്വർക്കുകളിലേക്കുമുള്ള സൌജന്യ കോളുകളും അധിക ആനുകൂല്യങ്ങളായി വോഡഫോൺ പ്ലേ, സീ 5 എന്നിവയിലേക്കുള്ള ആക്സസും ലഭ്യമാകും.

699 രൂപയുടെ പ്ലാൻ ഡബിൾ ഡാറ്റ ഓഫറിന് കീഴിൽ വന്നതോടെ ദിവസവും 4ജിബി ഡാറ്റയാണ് നൽകുന്നത്. 84 ദിവസത്തെ വാലിഡിറ്റിയാണ് ഈ പ്ലാനിന് ഉള്ളത്. 84 ദിവസവും പ്രതിദിനം 4ജിബി ഡാറ്റ വീതം ലഭിക്കുന്നത് മികച്ചൊരു ഓഫർ തന്നെയാണ്. അധിക ഡാറ്റ ദീർഘ കാലത്തേക്ക് വേണ്ടവർക്ക് ഈ പ്ലാൻ മികച്ചൊരു ഓപ്ഷനായിരിക്കും. സൌജന്യ കോളുകളും വോഡഫോൺ പ്ലേ, സീ 5 എന്നിവയിലേക്കുള്ള ആക്സസും 699 രൂപ പ്ലാനിലൂടെയം കമ്പനി നൽകുന്നുണ്ട്.