വോഡാഫോണ്‍ ഇന്ത്യയുടെ പുതിയ ഓഫറാണ് 1ജിബി 3ജി ഡാറ്റ വെറും 53 രൂപയ്ക്ക്.

തമിഴ്‌നാട്ടിലെ ഉപയോക്താക്കള്‍ക്കു മാത്രം

വോഡാഫോണിന്റെ ഈ പ്ലാന്‍ നല്‍കുന്നത് തമിഴ്‌നാട്ടിലെ ഉപയോക്താക്കള്‍ക്കു മാത്രമാണ്. മറ്റു സര്‍ക്കിളുകളില്‍ ഇത് നല്‍കുമോ എന്നത് വോഡാഫോണ്‍ വെളുപ്പെടുത്തിയിട്ടില്ല.

1,501 രൂപയ്ക്ക് ആദ്യ റീച്ചാര്‍ജ്ജ്

ഈ ഓഫര്‍ പ്രയോജനപ്പെടുത്താന്‍ ആഗ്രഹിക്കുന്നവര്‍ 1,501 രൂപയ്ക്ക് ആദ്യം റീച്ചാര്‍ജ്ജ് ചെയ്യേണ്ടതാണ്. അപ്പോള്‍ നിങ്ങള്‍ക്ക് 15ജിബി ഡാറ്റ 28 ദിവസത്തെ വാലിഡിറ്റിയോടു കൂടി ലഭിക്കുന്നു.

അതിനു ശേഷം 1ജിബി ഡാറ്റ 53 രൂപയ്ക്ക്

ആദ്യത്തെ മാസം നിങ്ങള്‍ 1,501 രൂപയ്ക്ക് റീച്ചാര്‍ജ്ജ് ചെയ്തു കഴിഞ്ഞാല്‍, അതിനടുത്ത മാസം മുതല്‍ 1ജിബി 3ജി ഡാറ്റ 53 രൂപയ്ക്ക്, 2ജിബി ഡാറ്റ 103 രൂപയ്ക്ക്, 5ജിബി ഡാറ്റ 256 രുപയ്ക്ക് എന്നിങ്ങനെ ലഭിക്കുന്നതാണ്.

മറ്റു രണ്ടു പ്ലാനുകള്‍

വോഡാഫോണ്‍ വേറെ രണ്ടു പദ്ധതികളും നല്‍കുന്നുണ്ട്. നിങ്ങള്‍ക്ക് 1,501 രൂപയ്ക്ക് ആദ്യ റീച്ചാര്‍ജ്ജ് ചെയ്യാന്‍ സാധിച്ചില്ല എങ്കില്‍ 748 രൂപയ്ക്കും 494 രൂപയ്ക്കും റീച്ചാര്‍ജ്ജ് ചെയ്യാം. 748 രൂപയുടെ പാക്കില്‍ 3ജിബി ഡാറ്റയും 494 രൂപയുടെ പാക്കില്‍ 2ജിബി ഡാറ്റയുമാണ് ലഭിക്കുന്നത്.

ആറു മാസത്തെ ആനുകൂല്യ/കാലാവധി

748 രൂയുടേയും 494 രൂപയുടേയും റീച്ചാര്‍ജ്ജില്‍ ആറു മാസത്തെ ആനുകൂല്യം ലഭിക്കുന്നു, അതായത് ആറു മാസത്തേക്ക് വിലകുറഞ്ഞ ഡാറ്റ പാക്കുകളാണ്. അതില്‍ 748 രുപയുടെ പ്ലാനില്‍ 1ജിബി 3ജി ഡാറ്റ 106 രൂപയാണ് എന്നാല്‍ 494 രൂപയുടെ പ്ലാനില്‍ 122 രൂപയും ആകുന്നു.