പുതിയ രണ്ട് പ്രീപെയ്ഡ് പ്ലാനുകളുമായി വിപണിയിൽ മത്സരം ശക്തമാക്കാൻ വോഡാഫോൺ

രാജ്യത്തെ മുൻനിര ടെലിക്കോം കമ്പനികളിലൊന്നായ വോഡഫോൺ അതിന്റെ ഉപയോക്താക്കൾക്കായി രണ്ട് പുതിയ പ്രീപെയ്ഡ് പ്ലാനുകൾ അവതരിപ്പിച്ചു. 99 രൂപ, 555 രൂപ നിരക്കുകളിലാണ് കമ്പനി പുതിയ പ്ലാനുകൾ അവതരിപ്പിച്ചിരിക്കുന്നത്. പ്രീപെയ്ഡ് റീചാർജിനായി വളരെ കൂടുതലോ വളരെ കുറവോ തുക ചെലവഴിക്കാത്ത മിഡിൽ റേഞ്ച് റീച്ചാർജ് ചെയ്യുന്നവരെ ലക്ഷ്യമിട്ടാണ് ഈ പ്ലാൻ അവതരിപ്പിച്ചിരിക്കുന്നത്. ഈ രണ്ട് പ്ലാനുകളും പുതിയതാണ്, മുമ്പത്തെ പ്ലാനുകളിൽ മാറ്റം വരുത്തി അവതരിപ്പിക്കുന്നവയല്ല.

വോഡഫോൺ 99 രൂപ പ്രീപെയ്ഡ് പ്ലാൻ

99 രൂപ പ്രീപെയ്ഡ് പ്ലാൻ 18 ദിവസത്തെ വാലിഡിറ്റിയും 100 എസ്എംഎസും അൺലിമിറ്റഡ് ലോക്കൽ, വോയിസ് കോളിംഗ് എന്നിവയുമായാണ് വരുന്നത്. 18 ദിവസത്തേക്ക് 1 ജിബി ഡാറ്റയും ഈ പ്ലാൻ വാഗ്ദാനം ചെയ്യുന്നു. കൂടാതെ വരിക്കാർക്ക് 999 രൂപ വിലമതിക്കുന്ന ZEE5 സബ്സ്ക്രിപ്ഷന്റെ അധിക ആനുകൂല്യങ്ങളും വോഡഫോൺ പ്ലേ സബ്‌സ്‌ക്രിപ്‌ഷനും സൌജന്യമായി ലഭിക്കും. നിലവിൽ കൊൽക്കത്ത, ഒഡീഷ, രാജസ്ഥാൻ, തമിഴ്‌നാട്, യുപി ഈസ്റ്റ്, യുപി വെസ്റ്റ്, പശ്ചിമ ബംഗാൾ സർക്കിളുകളിൽ 99 പ്രീപെയ്ഡ് പ്ലാൻ ലഭ്യമാണ്.

വോഡഫോൺ 555 രൂപ പ്രീപെയ്ഡ് പ്ലാൻ

555 രൂപ പ്രീപെയ്ഡ് പ്ലാൻ പ്രതിദിന ഡാറ്റ എഫ്യുപി പരിധിയോടെയാണ് വരുന്നത്. 70 ദിവസത്തെ വാലിഡിറ്റിയുള്ള പ്ലാനാണ് ഇത്. 50 മുതൽ 80 ദിവസങ്ങൾ വരെ വാലിഡിറ്റിയുള്ള പ്രീപെയ്ഡ് പ്ലാനുകൾ ആവശ്യമുള്ള ഉപയോക്താക്കൾക്ക് ഈ പ്ലാൻ മികച്ചതാ ഓപ്ഷനായിരിക്കും. 555 രൂപ പ്രീപെയ്ഡ് പ്ലാൻ പ്രതിദിനം 1.5 ജിബി ഡാറ്റ, അൺലിമിറ്റഡ് ലോക്കൽ, നാഷണൽ കോളിംഗ് ആനുകൂല്യം, ദിവസേന 100 എസ്എംഎസ് എന്നിവ വാഗ്ദാനം ചെയ്യുന്നു. കൂടാതെ, ഉപയോക്താക്കൾക്ക് സൌജന്യ ZEE5, വോഡഫോൺ പ്ലേ സബ്സ്ക്രിപ്ഷൻ എന്നിവയും ലഭിക്കും. ഇപ്പോൾ, ഈ പ്ലാൻ മുംബൈ സർക്കിളിൽ മാത്രമേ ലഭ്യമായിട്ടുള്ളു.

വോഡാഫോണിന്റെ 99 രൂപ, 555 രൂപ പ്ലാനുകൾ പരിശോധിക്കുമ്പോൾ അവ എയർടെൽ പുറത്തിറക്കിയ 149 രൂപ, 598 രൂപ പ്രീപെയ്ഡ് പ്ലാനുകൾ വാഗ്ദാനം ചെയ്യുന്ന അതേ നിലയിലുള്ള ആനുകൂല്യങ്ങളാണ് നൽകുന്നത്. എന്നിരുന്നാലും വോഡഫോൺ പ്രീപെയ്ഡ് പ്ലാനുകൾ എയർടെൽ ഓഫറിനേക്കാൾ വിലകുറഞ്ഞതാണ് പക്ഷേ ഇരു കമ്പനികളുടെയും പ്ലാനുകൾ ഏകദേശം ഒരുപോലെ തന്നെയുള്ള ആനുകൂല്യങ്ങളാണ് നൽകുന്നത്.