ഇരട്ടി ഡാറ്റാ ആനുകൂല്യങ്ങളുമായി വോഡാഫോണിൻറെ പ്രീപെയ്ഡ് പ്ലാൻ

199 രൂപയുടെ പ്രീപെയ്ഡ് പ്ലാൻ സാധാരണയായി 1.5 ജിബി ഡാറ്റ, 100 എസ്എംഎസ്, 28 ദിവസത്തേക്ക് അൺലിമിറ്റഡ് വോയ്‌സ് കോളിംഗ് എന്നിവയാണ് നൽകുന്നത്. എന്നാൽ ഇപ്പോൾ ഈ പ്ലാൻ അതേ വാലിഡിറ്റിയിൽ പ്രതിദിനം 3 ജിബി ഡാറ്റ നൽകുന്നു അതായത് മൊത്തത്തിൽ പുതുക്കിയ പ്ലാനിലൂടെ ഉപയോക്താവിന് 84 ജിബി ഡാറ്റ ലഭിക്കുന്നു.

399 രൂപയുടെ പ്ലാനിൽ പ്രതിദിനം 2 ജിബി ഡാറ്റയാണ് നൽകുന്നത്. 84 ദിവസത്തേക്കാണ് ഈ പ്ലാനിൻറെ കാലാവധി. അതായത് ഉപയോക്താക്കൾക്ക് 84 ദിവസത്തേക്ക് മൊത്തത്തിൽ 168 ജിബി ഡാറ്റ ലഭിക്കും. ഈ പ്ലാൻ അൺലിമിറ്റഡ് കോളിംഗും ദിവസവും 100 സൌജന്യ എസ്എംഎസും നൽകുന്നുണ്ട്.

പുതുക്കിയ പ്ലാനിലൂടെ ഉപയോക്താക്കൾക്ക് വോഡഫോൺ പ്ലേ അപ്ലിക്കേഷനിലും വെബ്‌സൈറ്റിലും സൌജന്യ ആക്സസ് ലഭിക്കും. ഈ ഇരട്ട ഡാറ്റ ആനുകൂല്യം ആക്സസ് ചെയ്യുന്നതിന്, ആദ്യം ഉപയോക്താക്കൾ വോഡഫോൺ ആപ്ലിക്കേഷനിലോ വെബ്‌സൈറ്റിലോ അവരുടെ നമ്പർ രജിസ്റ്റർ ചെയ്യേണ്ടതുണ്ട്. നിലവിൽ ആന്ധ്ര, തെലങ്കാന, ചെന്നൈ, കർണാടക, കേരളം, മുംബൈ ടെലികോം സർക്കിളുകളിലാണ് ഈ ഓഫർ ലഭ്യമായിട്ടുള്ളത്.

ജിയോ ഐ‌യു‌സി ടോപ്പ്-അപ്പ് വൗച്ചറുകൾ പുറത്തിറക്കി ഒരാഴ്ച കഴിഞ്ഞാണ് വോഡാഫോണിൻറെ ഈ നീക്കം. അതുകൊണ്ട് തന്നെ ഈ ഓഫർ റിലയൻസ് ജിയോ പ്രീപെയ്ഡ് ഉപഭോക്താക്കളെ വോഡാഫോണിലേക്ക് ആകർഷിക്കാൻ ലക്ഷ്യമിട്ടുള്ളതാണെന്ന് വ്യക്തമാണ്. ജിയോ ഉപയോക്താക്കളെ ആകർഷിക്കുന്നതിന് എയർടെല്ലിനും വോഡഫോൺ ഐഡിയയ്ക്കും ഇതൊരു നിർണായക സമയമാണ്.

നോക്കിയയുമായി സഹകരിച്ച് സ്റ്റാർട്ടപ്പുകൾ

ഇന്ത്യയിലെ സ്റ്റാർട്ടപ്പുകളെ സഹായിക്കുന്നതിനായി വൈഡ് ഏരിയ നെറ്റ്‌വർക്കിൽ (എസ്ഡി-വാൻ) സോഫ്റ്റ്വെയർ ഡിഫൈൻഡ് നെറ്റ്‌വർക്കിംഗ് വികസിപ്പിക്കുന്നതിന് വോഡഫോൺ ഐഡിയ നോക്കിയയുമായി സഹകരിച്ചുവരികയാണ്. ഈ പാർട്ട്ണർഷിപ്പിൻറെ ഭാഗമായി ഡിപ്ലോയ്മെൻറ്, ഫ്ലക്സിബിലിറ്റി, കൺട്രോൺ എന്നിവ വർദ്ധിപ്പിക്കുന്നതിന് വോഡഫോൺ ഐഡിയ വിപുലമായ നെറ്റ്‌വർക്കിംഗ്, കണക്റ്റിവിറ്റി സൊലൂഷൻസ് ഓഫർ ചെയ്യും.

ഒരു മൾട്ടി-ക്ലൗഡ് സെറ്റപ്പിൽ സുരക്ഷിതമായി ആപ്ലിക്കേഷനുകൾ ആക്സസ് ചെയ്യുന്ന ഡിജിറ്റൽ ബിസിനസ്സിനായുള്ള സോഫ്റ്റ്വെയർ ഡിഫൈൻഡ് നെറ്റ്‌വർക്കാണ് ഇത്. ഇതിലൂടെ നോക്കിയയുമായി സഹകരിച്ച് സർവ്വീസുകൾ വ്യാപിപിക്കും. നോക്കിയയുടെ ന്യൂജ് നെറ്റ്‌വർക്ക്സ് വെർച്വലൈസ്ഡ് സർവീസസ് പ്ലാറ്റ്‌ഫോമിൽ (വിഎസ്പി)ലാണ് ഇത് നിർമ്മിക്കുന്നത്.