ഒരേ വിലയിൽ വോഡാഫോൺ നൽകുന്നത് ജിയോയേക്കാൾ കൂടുതൽ ആനുകൂല്യങ്ങൾ

മുൻനിര ടെലികോം ഓപ്പറേറ്റർമാരായ ജിയോ, എയർടെൽ, വോഡഫോൺ എന്നിവയിൽ ജിയോയ്ക്ക് ഏറ്റവും കുറഞ്ഞ വിലയിലുള്ള പ്രീപെയ്ഡ് പ്ലാനുകളുടെ നിര തന്നെ ഉണ്ടായിരുന്നു. വോഡഫോൺ ഇരട്ട ഡാറ്റ ആനുകൂല്യ പ്ലാൻ അവതരിപ്പിച്ചതോടെ ജിയോയുടെ പ്ലാനുകളെക്കാൾ മികച്ച ആനുകൂല്യം നൽകുന്ന പ്ലാനുകളായി വോഡാറഫോൺ പപ്ലാനുകൾ മാറി. 249 രൂപ, 399 രൂപ, 599 രൂപ എന്നിങ്ങനെയുള്ള പ്ലാനുകളിലാണ് വോഡഫോൺ ഇരട്ട ഡാറ്റാ ആനുകൂല്യങ്ങൾ വാഗ്ദാനം ചെയ്യുന്നത്.

വോഡഫോണിന്റെ ഇരട്ട ഡാറ്റ സ്കീമിന് കീഴിലെ പ്ലാനുകളിൽ ഒന്ന് പ്രതിദിനം 1.5 ജിബി ഡാറ്റ നൽകുന്ന പ്ലാനാണെങ്കിൽ അതിനൊപ്പം അധികമായി പ്രതിദിനം 1.5 ജിബി ഡാറ്റ കൂടി ലഭിക്കും. അതായത് മൊത്തത്തിൽ 3 ജിബി ഡാറ്റ പ്രതിദിനം ലഭിക്കും. എന്നാൽ ഈ പ്ലാനിന്റെ വിലകൾ അതേപടി തുടരും. ജിയോയ്ക്കും വോഡാഫോണിനും ഒരേ വില നിലവാരത്തിലുള്ള പ്രീപെയ്ഡ് പ്ലാനുകളുണ്ട്. ഇവ താരതമ്യം ചെയ്ത് നോക്കാം.

റിലയൻസ് ജിയോ, വോഡഫോൺ എന്നിവയുടെ ശ്രദ്ധേയമായ പ്ലാനാണ് 249 രൂപയുടത്. ജിയോയുടെ 249 രൂപ പ്ലാൻ പ്രതിദിനം 2 ജിബി ഡാറ്റ വാഗ്ദാനം ചെയ്യുന്ന പ്ലാനാണ്. വോഡഫോൺ പ്ലാൻ പ്രതിദിനം 1.5 ജിബി ഡാറ്റ മാത്രമേ വാഗ്ദാനം ചെയ്യുന്നുള്ളു. എന്നാൽ ഇപ്പോൾ ഇരട്ട ഡാറ്റ ആനുകൂല്യത്തിലൂടെ പ്രതിദിനം 3 ജിബി ഡാറ്റ ഈ പ്ലാനിലൂടെ ലഭിക്കുന്നു. ഇതുകൂടാതെ പ്ലാൻ എല്ലാ നെറ്റ്‌വർക്കുകളിലേക്കും അൺലിമിറ്റഡ് കോളുകൾ വാഗ്ദാനം ചെയ്യുന്നു. ഇത് 28 ദിവസത്തേക്ക് വാലിഡിറ്റിയുള്ള പ്ലാനാണ്.

249 രൂപ പ്ലാനിനൊപ്പം വോഡഫോൺ പ്ലേ, സീ 5 എന്നിവയിലേക്ക് സൌജന്യ സബ്സ്ക്രിപ്ഷനും നൽകുന്നു. നേരത്തെ പ്രതിദിനം 1.5 ജിബി ഡാറ്റ വാഗ്ദാനം ചെയ്തിരുന്ന വോഡഫോണിന്റെ 399 രൂപ പ്ലാൻ ഇപ്പോൾ ഇരട്ട ഡാറ്റ സ്കീമിന് കീഴിൽ പ്രതിദിനം 3 ജിബി ഡാറ്റ വാഗ്ദാനം ചെയ്യും. ഈ പ്രീപെയ്ഡ് പ്ലാൻ എല്ലാ നെറ്റ്‌വർക്കുകളിലേക്കും പരിധിയില്ലാത്ത കോളിംഗ് വാഗ്ദാനം ചെയ്യും. ഇത് 56 ദിവസത്തേക്ക് വാലിഡിറ്റിയുള്ള പ്ലാനാണ്.

റിലയൻസ് ജിയോയുടെ 399 രൂപ വിലയുള്ള പ്ലാൻ 1.5 ജിബി ഡാറ്റ, പ്രതിദിനം 100 എസ്എംഎസ്, ജിയോ-ടു-ജിയോ അൺലിമിറ്റഡ് കോളുകൾ, മറ്റ് നെറ്റ്വർക്കിലേക്ക് വിളിക്കാൻ 2,000 മിനിറ്റ് സൌജന്യ കോളുകൾ എന്നിവ വാഗ്ദാനം ചെയ്യുന്ന പ്ലാനാണ്. വില ഒന്നുതന്നെയാണ് എന്നതാണ് ശ്രദ്ധേയം. ആനുകൂല്യങ്ങൾ നേരത്തെ ഒന്നുതന്നെയായിരുന്നു. പക്ഷേ വോഡഫോണിന്റെ ഇരട്ട ഡാറ്റ സ്കീമിന് കീഴിൽ വോഡഫോൺ ഉപയോക്താക്കൾക്ക് ലഭിക്കുന്ന ആനുകൂല്യങ്ങൾ വർദ്ധിച്ചു.

വോഡഫോണിന്റെ 599 രൂപ പ്ലാനും റിലയൻസ് ജിയോയുടെ 555 രൂപ പ്ലാനും പരസ്പരം മത്സരിക്കുന്ന പ്ലാനുകളാണ്. കാരണം ഇത് ഒരേ ആനുകൂല്യങ്ങൾ വാഗ്ദാനം ചെയ്യുന്ന പ്ലാനുകളാണ്. ജിയോയുടെ പ്ലാനിന്റെ വില കുറവാണ്. എന്നാലിപ്പോൾ വോഡാഫോൺ ഈ പ്ലാനിന്റെ ഡാറ്റാ ആനുകൂല്യങ്ങൾ വർദ്ധിപ്പിച്ചുകൊണ്ട് മുന്നേറിയിരിക്കുകയാണ്. പ്ലാൻ ഇപ്പോൾ പ്രതിദിനം 3 ജിബി ഡാറ്റ വാഗ്ദാനം ചെയ്യുന്നു, ഇത് 84 ദിവസത്തേക്ക് വാലിഡിറ്റിയും നൽകുന്നു.