ഐപിഎൽ കാണാൻ ഡിസ്നി+ ഹോട്ട്സ്റ്റാർ സബ്സ്ക്രിപ്ഷൻ സൌജന്യമായി നേടാം

ജിയോ, വിഐ. എയർടെൽ എന്നീ ടെലിക്കോം കമ്പനികളുടെ വരിക്കാരാണ് നിങ്ങളെങ്കിൽ നിങ്ങൾക്ക് റീചാർജ് പ്ലാനിനൊപ്പം തന്നെ ഡിസ്നി+ ഹോട്ട്സ്റ്റാർ സബ്ക്രിപ്ഷൻ സൌജന്യമായി നേടാം. ഇത്തരത്തിലുള്ള മികച്ച പ്ലാനുകൾ മൂന്ന് ടെലിക്കോം കമ്പനികളും നൽകുന്നുണ്ട്. ഈ സബ്ക്രിപ്ഷനിലൂടെ ഐപിഎൽ മാത്രമല്ല ഡിസ്നി+ ഹോട്ട്സ്റ്റാറിലെ മറ്റ് കണ്ടന്റുകളും സൌജന്യമായി സ്ട്രീം ചെയ്യാം. ജിയോ, എയർടെൽ, വോഡാഫോൺ ഐഡിയ എന്നിവയുടെ ഡിസ്നി+ ഹോട്ട്സ്റ്റാർ സബ്ക്രിപ്ഷൻ നൽകുന്ന മികച്ച പ്രീപെയ്ഡ് പ്ലാനുകൾ നോക്കാം.

റിലയൻസ് ജിയോ പ്ലാനുകൾ

ഡിസ്നി+ ഹോട്ട്സ്റ്റാർ സബ്ക്രിപ്ഷൻ നൽകുന്ന ജിയോയുടെ ആദ്യ പ്ലാനിന് 601 രൂപയാണ് വില. ഈ പ്ലാനിലൂടെ 28 ദിവസത്തെ വാലിഡിറ്റിയാണ് ലഭിക്കുന്നത്. പ്ലാൻ അൺലിമിറ്റഡ് വോയിസ് കോളുകളും ദിവസവും 100 എസ്‌എംഎസുകളും നൽകുന്നു. ഓരോ ദിവസവും 3 ജിബി ഡാറ്റയാണ് പ്ലാനിലൂടെ ലഭിക്കുന്നത്. മൊത്തം വാലിഡിറ്റി കാലയളവിലേക്കുമായി ദിവസേനയുള്ള 3 ജിബി ഡാറ്റയ്‌ക്കൊപ്പം 6 ജിബി അധിക ഡാറ്റയും പ്ലാൻ നൽകുന്നുണ്ട്. ഇതിലൂടെ ഡിസ്നി+ ഹോട്ട്സ്റ്റാർ സബ്ക്രിഷൻ നിങ്ങൾക്ക് സൌജന്യമായി നേടാം. മറ്റ് ജിയോ പ്ലാറ്റ്ഫോമുകളിലേക്കുള്ള ആക്സസും ഈ പ്ലാനിലൂടെ ലഭിക്കും.

ജിയോയുടെ 499 രൂപ വിലയുള്ള പ്ലാനും ഡിസ്നി+ ഹോട്ട്സ്റ്റാർ സബ്ക്രിപ്ഷൻ സൌജന്യമായി നൽകുന്നുണ്ട്. ഈ പ്ലാനിലൂടെ അൺലിമിറ്റഡ് വോയിസ് കോളുകളും ദിവസവും 100 എസ്എംഎസുകളും ലഭിക്കും. 28 ദിവസത്തെ വാലിഡിറ്റിയുള്ള പ്ലാനിലൂടെ ദിവസവും 2 ജിബി ഡാറ്റയാണ് ലഭിക്കുന്നത്. മൊത്തം വാലിഡിറ്റി കാലയളവിലേക്കുമായി ഈ പ്ലാൻ 56 ജിബി ഡാറ്റയാണ് നൽകുന്നത്. ഒരു വർഷത്തെ ഡിസ്നി + ഹോട്ട്‌സ്റ്റാർ മൊബൈൽ സബ്ക്രിപ്ഷൻ കൂടാതെ ഉപയോക്താക്കൾക്ക് ജിയോ സിനിമ, ജിയോ ടിവി തുടങ്ങിയ വിവിധ ജിയോ ആപ്പുകളിലേക്കുള്ള ആക്സസും ലഭിക്കുന്നു. ദിവസേനയുള്ള ഡാറ്റ അവസാനിച്ചാൽ ഉപയോക്താക്കൾക്ക് 64 Kbps ഇന്റർനെറ്റ് വേഗതയിൽ ഇന്റർനെറ്റ് ലഭിക്കും.

വോഡഫോൺ ഐഡിയ

വോഡഫോൺ ഐഡിയ ഡിസ്നി+ ഹോട്ട്സ്റ്റാർ സബ്ക്രിപ്ഷൻ നൽകുന്ന 601 രൂപയുടെ പ്ലാൻ അവതരിപ്പിച്ചിട്ടുണ്ട്. ഈ പ്ലാൻ ഉപയോക്താക്കൾക്ക് ദിവസവും 100 എസ്എംഎസുകളാണ് നൽകുന്നത്. പ്ലാനിലൂടെ അൺലിമിറ്റഡ് കോളിങ് ആനുകൂല്യങ്ങളും ദിവസവും 3 ജിബി ഡാറ്റയും ലഭിക്കുന്നു. 28 ദിവസത്തെ വാലിഡിറ്റിയാണ് പ്ലാനിലൂടെ ലഭിക്കുന്നത്. മൊത്തം 84 ജിബി ഡാറ്റയ്ക്കൊപ്പം 16 ജിബി അധിക ഡാറ്റയും ഈ പ്ലാനിലൂടെ ലഭിക്കും. ഡിസ്നി+ ഹോട്ട്സ്റ്റാർ മൊബൈൽ ആക്സസാണ് ഈ പ്ലാനിലൂടെ ഒരു വർഷത്തേക്ക് ലഭിക്കുന്നത്.

വിഐയുടെ 901 രൂപ വിലയുള്ള പ്രീപെയ്ഡ് പ്ലാനും ഒരു വർഷത്തേക്കുള്ള ഡിസ്നി+ ഹോട്ട്സ്റ്റാർ മൊബൈൽ സബ്ക്രിപ്ഷൻ നൽകുന്നു. ദിവസവും 3 ജിബി ഡാറ്റ തന്നെയാണ് ഈ പ്ലാനിലൂടെ ലഭിക്കുന്നത്. ഈ പ്ലാൻ 70 ദിവസത്തെ വാലിഡിറ്റിയുമായിട്ടാണ് വരുന്നത്. കൂടുതൽ വാലിഡിറ്റി വേണ്ട ആളുകൾക്ക് തിരഞ്ഞെടുക്കാവുന്ന മികച്ച പ്ലാനാണ് ഇത്. ഈ പ്ലാനിലൂടെ ദിവസവും 100 എസ്എംഎസുകളും അൺലിമിറ്റഡ് വോയിസ് കോളുകളും വിഐ നൽകുന്നുണ്ട്. ഉപയോക്താക്കൾക്ക് പ്ലാനിലൂടെ മൊത്തം വാലിഡിറ്റി കാലയളവിലേക്കുമായി 48 ജിബി അധിക ഡാറ്റയും ലഭിക്കും.

എയർടെൽ പ്ലാനുകൾ

രാജ്യത്തെ രണ്ടാമത്തെ ഏറ്റവും വലിയ ടെലിക്കോം കമ്പനിയായ എയർടെല്ലും ഡിസ്നി+ ഹോട്ട്സ്റ്റാർ ആക്സസ് നൽകുന്ന മികച്ച പ്രീപെയ്ഡ് പ്ലാനുകൾ തന്നെ ലഭ്യമാക്കുന്നുണ്ട്. "ട്രൂലി അൺലിമിറ്റഡ്" പായ്ക്കുകൾക്ക് കീഴിലാണ് എയർടെൽ ഇത്തരം പ്ലാനുകൾ നൽകുന്നത്. ഈ പ്ലാനുകളിൽ ആദ്യത്തേത് 599 രൂപ പ്ലാനാണ്. ഈ പ്ലാൻ അതിന്റെ ഉപയോക്താക്കൾക്ക് അൺലിമിറ്റഡ് കോളിങ് ആനുകൂല്യങ്ങളും ദിവസവും 100 എസ്എംഎസുകളും നൽകുന്നു. ഈ പാക്കിന്റെ കാലാവധി 28 ദിവസമാണ്. ഉപയോക്താക്കൾക്ക് ദിവസവും 100 എസ്എംഎസുകളും ദിവസവും 3 ജിബി ഇന്റർനെറ്റ് ഡാറ്റയും പ്ലാനിലൂടെ ലഭിക്കും.

599 രൂപയ്ക്ക് 28 ദിവസം മൊത്തത്തിൽ 84 ജിബി ഡാറ്റയാണ് എയർടെൽ നൽകുന്നത്. ഒരു വർഷത്തേക്കുള്ള ഡിസ്നി+ ഹോട്ട്സ്റ്റാർ സബ്ക്രിപ്ഷനും ഈ പ്ലാനിലൂടെ ലഭിക്കും. ഇത് കൂടാതെ അധിക ആനുകൂല്യങ്ങളായി ആമസോൺ പ്രൈം വീഡിയോ മൊബൈൽ സബ്ക്രിപ്ഷൻ ട്രയലും എയർടെൽ നൽകുന്നുണ്ട്. 30 ദിവസത്തെ ട്രയലാണ് ഈ പ്ലാനിലൂടെ നൽകുന്നത്. ഷാ അക്കാദമി, വിങ്ക് മ്യൂസിക്ക് എന്നീ ആനുകൂല്യങ്ങളും ഈ പ്ലാനിലൂടെ ലഭിക്കുന്നു.

എയർടെല്ലിന്റെ അടുത്ത ഡിസ്നി+ ഹോട്ട്സ്റ്റാർ സബ്ക്രിപ്ഷൻ സൌജന്യമായി നൽകുന്ന പ്ലാനിന് 838 രൂപയാണ് വില. ഈ പ്ലാനിലൂടെ ദിവസവും 2 ജിബി ഡാറ്റയാണ് ലഭിക്കുന്നത്. ഈ പ്ലാനിലൂടെ ഇന്ത്യയിലെ എല്ലാ നെറ്റ്വർക്കിലേക്കും അൺലിമിറ്റഡ് കോളിങ് ആനുകൂല്യങ്ങളും ദിവസവും 100 എസ്എംഎസുകളും എയർടെൽ നൽകുന്നുണ്ട്. ഈ പ്ലാൻ 56 ദിവസത്തെ വാലിഡിറ്റിയാണ് നൽകുന്നത്. മൊത്തം വാലിഡിറ്റി കാലയളവിലേക്കുമായി പ്ലാനിലൂടെ 112 ജിബി ഡാറ്റ ലഭിക്കുന്നു. 599 രൂപ പ്ലാനിലൂടെ ലഭിക്കുന്ന ആമസോം പ്രൈം വീഡിയോ ട്രയൽ, വിങ്ക് മ്യൂസിക്ക്, ഷാ അക്കാദമി ആനുകൂല്യങ്ങളെല്ലാം 838 രൂപ പ്ലാനിലൂടെയും ലഭിക്കും.