ജിയോയുടെ 2397 രൂപ, 2399 രൂപ പ്ലാനുകൾ തമ്മിലുള്ള വ്യത്യാസങ്ങൾ എന്തൊക്കെ

ജിയോയുടെ 2397 രൂപ വിലയുള്ള പ്രീപെയ്ഡ് പ്ലാൻ നൽകുന്ന ആനുകൂല്യങ്ങൾ തന്നെ ആദ്യം പരിശോധിക്കാം. എല്ലാ ജിയോ പ്ലാനുകളെയും പോലെ അൺലിമിറ്റഡ് കോളുകളുമായിട്ടാണ് ഈ പ്ലാൻ വരുന്നത്. ജിയോ ആപ്പുകളിലേക്ക് ആക്സസും ഈ പ്ലാനിലൂടെ ലഭിക്കുന്നു. 365 ദിവസമാണ് ജിയോയുടെ ഈ പ്ലാനിന്റെ വാലിഡിറ്റി. മൊത്തം വാലിഡിറ്റി കാലയളവിലേക്കുമായി 365 ജിബി ഡാറ്റയാണ് ഈ വാർഷിക പ്ലാൻ നൽകുന്നത്. ദിവസേനയുള്ള ഡാറ്റ ലിമിറ്റ് ഇല്ല എന്നതാണ് ഈ പ്ലാനിന്റെ പ്രത്യേകത.

ദിവസവും നിശ്ചിത ജിബി ഡാറ്റ നൽകുന്ന പ്ലാനുകളിൽ നിന്നും തികച്ചും വ്യത്യസ്തമാണ് ജിയോയുടെ 2397 രൂപയുടെ പ്ലാൻ. ഈ പ്ലാനിലൂടെ ലഭിക്കുന്ന 365 ജിബി ഡാറ്റ എപ്പോൾ വേണമെങ്കിലും ഉപയോഗിക്കാം. ആദ്യ ദിവസം തന്നെ ഉപയോക്താവിന് ഈ ഡാറ്റ ഉപയോഗിച്ച് തീർക്കാനുള്ള സ്വാതന്ത്രം ഉണ്ട്. ദിവസവമുള്ള ഡാറ്റ ലിമിറ്റ് ബുദ്ധിമുട്ടായി തോന്നുന്ന ആളുകൾക്ക് ഈ പ്ലാൻ മികച്ചതാണ്. വീട്ടിലിരുന്ന് ജോലി ചെയ്യുന്ന ആളുകൾക്കും വീഡിയോ സ്ട്രീമിങിനായി മൊബൈൽ ഡാറ്റ ഉപയോഗിക്കുന്ന ആളുകൾക്കും തിരഞ്ഞെടുക്കാവുന്ന മികച്ച പ്ലാൻ തന്നെയാണ് ഇത്.

ജിയോയുടെ 2399 രൂപ വിലയുള്ള പ്രീപെയ്ഡ് പ്ലാൻ നേരത്തെ തന്നെ ഉള്ള പ്ലാനാണ്. ഈ പ്ലാനിലൂടെയും ഉപയോക്താക്കൾക്ക് അൺലിമിറ്റഡ് കോളിങ് ആനുകൂല്യം നൽകുന്നു. എല്ലാ നെറ്റ്വർക്കിലേക്കും ഈ കോളുകൾ ലഭ്യമാണ്. ദിവസവും 100 എസ്എംഎസുകളാണ് ഈ പ്ലാനിലൂടെ ലഭിക്കുന്ന മറ്റൊരു ആനുകൂല്യം. ദിവസവും 2 ജിബി ഡാറ്റയും ഈ പ്ലാൻ നൽകുന്നു. 365 ദിവസത്തെ വാലിഡിറ്റി തന്നെയാണ് ഈ പ്ലാനിനുള്ളത്. ഈ പ്ലാൻ മൊത്തം വാലിഡിറ്റി കാലയളവിലേക്കുമായി 730 ജിബി ജിബി ഡാറ്റയാണ് നൽകുന്നത്. ദിവസവും 100 എസ്എംഎസുകളും ജിയോ ആപ്പുകളിലേക്ക് കോംപ്ലിമെന്ററി സബ്സ്ക്രിപ്ഷനും ഈ പ്ലാനിലൂടെ ലഭിക്കും.

രണ്ട് രൂപ വ്യത്യാസത്തിൽ ജിയോ നൽകുന്ന രണ്ട് പ്ലാനുകളും പരിശോധിക്കുമ്പോൾ കൂടുതൽ ഡാറ്റ ആനൂകൂല്യം ലഭിക്കുന്നത് 2399 രൂപ വിലയുള്ള പ്ലാനിൽ തന്നെയാണ് ഈ പ്ലാനിലൂടെ ദിവസവും 2ജിബി എന്ന നിരക്കിൽ മൊത്തം 730 ജിബി ഡാറ്റ ലഭിക്കുന്നു. 2397 രൂപ പ്ലാനിൽ ഇതിന്റെ പകുതിയായ 365 ജിബി ഡാറ്റ മാത്രമേ ലഭിക്കുന്നുള്ളു. 2397 രൂപ പ്ലാനിന്റെ ഗുണം ഇതിൽ ദിവസേനയുള്ള ഡാറ്റ ലിമിറ്റ ഇല്ല എന്നതാണ്. ഈ പ്ലാനിലുള്ള ഡാറ്റ എപ്പോൾ വേണമെങ്കിലും ഉപയോഗിക്കാവുന്നതാണ്. മറ്റ് ആനുകൂല്യങ്ങളെല്ലാം ഏറെക്കുറെ സമാനമാണ്. ദിവസേന 2ജിബി ഡാറ്റ വേണ്ടയാളുകൾക്ക് മികച്ചത് 2399 രൂപയുടെ പ്ലാൻ തന്നെയാണ്.