ഷവോമി എംഐ ടിവി 4X വിൽപ്പന നാളെ മുതൽ ഫ്ലിപ്പ്കാർട്ടിൽ ആരംഭിക്കും; വിലയും സവിശേഷതകളും

ഷവോമി എംഐ ടിവി 4X സവിശേഷതകൾ

43 ഇഞ്ച് ഷിയോമി എംഐ ടിവി 4 എക്സ് 20W സ്പീക്കറുകളുമായാണ് വരുന്നത്. സ്മാർട്ട് ടിവി ഡോൾബി + ഡിടിഎസ്-എച്ച്ഡി ഓഡിയോ സപ്പോർട്ട് വാഗ്ദാനം ചെയ്യുന്നു. ടിവി ആൻഡ്രോയിഡ് പൈ ഉപയോഗിച്ച് പാച്ച് വാൾ യുഐയിൽ പ്രവർത്തിക്കുന്നു. കമ്പനി ഡാറ്റ സേവർ എന്ന പുതിയ സവിശേഷത ടിവിയിൽ ഉൾപ്പെടുത്തിയിട്ടുണ്ട്. ഈ ഇന്റർഫേസിന്റെ ഭാഗമായി 7,00,000+ മണിക്കൂർ കണ്ടന്റും ഷവോമി ക്ലെയിം ചെയ്യുന്നു.

നെറ്റ്ഫ്ലിക്സ്, ആമസോൺ പ്രൈം വീഡിയോ, ഹോട്ട്സ്റ്റാർ, യൂട്യൂബ് എന്നിവയടക്കമുള്ള അപ്ലിക്കേഷനുകൾ ഈ ആൻഡ്രോയിഡ് ടിവി സപ്പോർട്ട് ചെയ്യുന്നുണ്ട്.ഇൻബിൽറ്റ് ഡാറ്റ കൌണ്ടർ ഉപയോഗിച്ച് ഓരോ അപ്ലിക്കേഷനും ഡാറ്റ ഉപയോഗം കാണാൻ കമ്പനി ഉപയോക്താക്കളെ അനുവദിക്കും. ഇതൊരു മികച്ച ഫീച്ചറാണ്.

സ്മാർട്ട് ടിവിയിൽ 4 കെ യുഎച്ച്ഡി (3840 x 2160 പിക്സൽ) പാനലും ഉണ്ട്. ആൻഡ്രോയിഡ് പൈ 9.0, ഗൂഗിൾ പ്ലേ സ്റ്റോർ, ക്രോംകാസ്റ്റ് ബിൽറ്റ്-ഇൻ, പ്ലേ മൂവീസ്, ഗൂഗിൾ അസിസ്റ്റന്റ്, ഫയൽ മാനേജർ, മീഡിയ പ്ലെയർ, ടിവി മാനേജർ, ടിവി ഗൈഡ് ആപ്പ്, ലൈവ് ടിവി ആപ്പ്, വിപി 9 പ്രൊഫൈൽ 2, എച്ച് .265, എച്ച് 264 എന്നിവ ഈ എൽഇഡി ടിവി സപ്പോർട്ട് ചെയ്യുന്നു.

ഷവോമി റെഡ്മി നോട്ട് 8

സ്മാർട്ട് ടിവി പുറത്തിറക്കുന്നകിനൊപ്പം ഷവോമി റെഡ്മി നോട്ട് 8ഉം ആമസോൺ വഴി വിൽപ്പനയ്‌ക്കെത്തിക്കുന്നുണ്ട്. ഓഗസ്റ്റ് മാസത്തിലാണ് ഷവോമി ഈ ഫോൺ ലോഞ്ച് ചെയ്തത്. 48 മെഗാപിക്സലിന്റെ പ്രധാന സെൻസറും ക്വാഡ് റിയർ ക്യാമറ സജ്ജീകരണവും 4,000 എംഎഎച്ച് ബാറ്ററിയും ഉള്ള ബജറ്റ് സ്മാർട്ട്‌ഫോണാണ് ഇത്. ഡിവൈസിന്റെ പ്രധാന ഹൈലൈറ്റുകളിലൊന്നാണ് സ്നാപ്ഡ്രാഗൺ 665 ചിപ്‌സെറ്റാണ്.

റെഡ്മി നോട്ട് 8 ആമസോൺ ഇന്ത്യ, Mi.com എന്നിവ വഴി ലഭ്യമാകും. അടിസ്ഥാന വേരിയന്റായ 4 ജിബി റാം + 64 ജിബി സ്റ്റോറേജ് മോഡലിന് ഇന്ത്യയിൽ 9,999 രൂപയാണ് വില. വിൽപ്പന സമയത്ത് റെഡ്മി നോട്ട് 8 ന്റെ 6 ജിബി റാം + 128 ജിബി സ്റ്റോറേജ് കോൺഫിഗറേഷൻ 12,999 രൂപയ്ക്ക് ലഭ്യമാകും. 4 ജിബി / 6 ജിബി റാമിലും 64 ജിബി സ്റ്റോറേജ് ഓപ്ഷനിലും ഷവോമി ഈ ഫോൺ വാഗ്ദാനം ചെയ്യുന്നുണ്ട്.