സാംസങ് ഗാലക്സി ടാബ് എസ്7 എഫ്ഇ 5ജി ലോഞ്ച് ചെയ്തു; വില, സവിശേഷതകൾ

| Published: Wednesday, May 26, 2021, 9:33 [IST]

സാംസങ് ഗാലക്‌സി ടാബ് എസ്7 എഫ്ഇ 5ജി ജർമ്മനിയിൽ ലോഞ്ച് ചെയ്തു. ഈ സീരിസിൽ ഇതിനകം തന്നെ സാംസങ് ഗാലക്‌സി ടാബ് എസ്7, സാംസങ് ഗാലക്‌സി ടാബ് എസ്7 + എന്നീ രണ്ട് ഡിവൈസുകൾ ഉണ്ട്. പുതിയ സാംസങ് ടാബിന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 750ജി എസ്ഒസിയാണ്. 45W ഫാസ്റ്റ് ചാർജിങ് സപ്പോർട്ടുള്ള 10,090mAh ബാറ്ററിയും ഈ ടാബിൽ നൽകിയിട്ടുണ്ട്. 12.4 ഇഞ്ച് എൽസിഡി ഡിസ്‌പ്ലേ, 60 ഹെർട്സ് റിഫ്രഷ് റേറ്റ് എന്നിവയും ഈ ഡിവൈസിൽ സാംസങ് നൽകിയിട്ടുണ്ട്. 8 മെഗാപിക്സൽ പിൻ ക്യാമറയും 5 മെഗാപിക്സൽ സെൽഫി ക്യാമറയുമാണ് ഡിവൈസിൽ ഉള്ളത്. ബോക്സിൽ ഒരു എസ് പെൻ നൽകിയിട്ടുണ്ട്.

സാംസങ് ഗാലക്‌സി ടാബ് എസ്7 എഫ്ഇ 5ജി: വില, ലഭ്യത

സാംസങ് ഗാലക്‌സി ടാബ് എസ്7 എഫ്ഇ 5ജി ജർമ്മനിയിലാണ് അവതരിപ്പിച്ചത്. ഈ ഡിവൈസിന്റെ 4 ജിബി റാമും 64 ജിബി സ്റ്റോറേജുമുള്ള മോഡലിന് 649 യൂറോ ആണ് വില. ഇത് ഇന്ത്യൻ കറൻസിയിൽ ഏകദേശം 57,800 രൂപയോളം വരും. സാംസങിന്റെ ജർമ്മനിയിലെ വെബ്സൈറ്റ് വഴി ഈ ഡിവൈസ് ലഭ്യമാകും. മിസ്റ്റിക് ബ്ലാക്ക്, മിസ്റ്റിക് സിൽവർ കളർ ഓപ്ഷനുകളിൽ ഈ ഡിവൈസ് ലഭ്യമാകും. ഗാലക്‌സി ടാബ് എസ്7 എഫ്ഇ 5ജിയുടെ 6 ജിബി റാമും 128 ജിബി സ്റ്റോറേജുമുള്ള ഓപ്ഷനും വിൽപ്പനയ്ക്ക് വൈകാതെ എത്തും. ഈ ഡിവൈസിന്റെ കളർ വേരിയന്റുകളോ വിലയോ വെളിപ്പെടുത്തിയിട്ടില്ല.

ഫേസ്ബുക്ക്, ട്വിറ്റർ എന്നിവ ഇന്ത്യയിൽ നിരോധിക്കുമോ? പുതിയ നിയമത്തിൽ എന്തൊക്കെ

സാംസങ് ഗാലക്‌സി ടാബ് എസ്7 എഫ്ഇ 5ജി: സവിശേഷതകൾ

ആൻഡ്രോയിഡ് 11 ബേസ്ഡ് സാംസങ് വൺ യുഐയിലാണ് സാംസങ് ഗാലക്‌സി ടാബ് എസ്7 എഫ്ഇ 5ജി പ്രവർത്തിക്കുന്നത്. ഈ ഡിവൈസിൽ 12.4 ഇഞ്ച് (1,600x2,560 പിക്‌സൽ) എൽസിഡി ഡിസ്‌പ്ലേയാണ് ഉള്ളത്. ഡിസ്പ്ലെയ്ക്ക് 60 ഹെർട്സ് റിഫ്രഷ് റേറ്റുണ്ട്. 4 ജിബി റാമുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 750ജി ഒക്ടാ കോർ എസ്ഒസിയാണ് (രണ്ട് കോർടെക്‌സ് എ 77, ആറ് കോർടെക്‌സ് എ 55 കോർ) ടാബ്‌ലെറ്റിന് കരുത്ത് നൽകുന്നത്.

മൈക്രോ എസ്ഡി കാർഡ് സ്ലോട്ട് വഴി 1 ടിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഈ ടാബ്ലറ്റിൽ നൽകിയിട്ടുണ്ട്. ഇന്റേണൽ സ്റ്റോറേജ് 64 ജിബി ആണ്. മുകളിൽ സൂചിപ്പിച്ചത് പോലെ ഡിവൈസിന്റെ 6 ജിബി റാമും 128 ജിബി സ്റ്റോറേജുമുള്ള മോഡൽ വൈകാതെ വിപണിയിലെത്തിയേക്കും. ഈ ടാബ്ലറ്റിന്റെ ക്യാമറകൾ പരിശോധിച്ചാൽ, 8 മെഗാപിക്സൽ സെൻസറാണ് പിന്നിൽ നൽകിയിട്ടുള്ളത്. 1080പി വീഡിയോ 30എഫ്പിഎസിൽ റെക്കോർഡ് ചെയ്യാൻ ഈ ക്യാമറയ്ക്ക് സാധിക്കും.

ഈ വർഷവും സ്മാർട്ട്ഫോൺ വിപണിയിൽ ഷവോമി ആധിപത്യം, രണ്ടാം സ്ഥാനത്ത് സാംസങ് ഈ വർഷവും സ്മാർട്ട്ഫോൺ വിപണിയിൽ ഷവോമി ആധിപത്യം, രണ്ടാം സ്ഥാനത്ത് സാംസങ്

5 മെഗാപിക്സൽ സെൽഫി സെൻസറാണ് സാംസങ് ഗാലക്‌സി ടാബ് എസ്7 എഫ്ഇ 5ജിയിൽ ഉള്ളത്. 45W ഫാസ്റ്റ് ചാർജിങ് സപ്പോർട്ടുള്ള 10,090mAh ബാറ്ററിയും ഈ ഡിവൈസിൽ നൽകിയിട്ടുണ്ട് സെല്ലുലാർ നെറ്റ്‌വർക്ക് വഴി ടാബ്‌ലെറ്റ് 12 മണിക്കൂർ വരെ ആക്ടീവ് ആയി ഉപയോഗിക്കാൻ ഈ ബാറ്ററിക്ക് സാധിക്കുമെന്ന് കമ്പനി അവകാശപ്പെടുന്നു. എസ് പെൻ സപ്പോർട്ടുള്ള ടാബ്‌ലെറ്റിൽ ബ്ലൂടൂത്ത് വി5, യുഎസ്ബി ടൈപ്പ്-സി പോർട്ട്, ഗിഗാബൈറ്റ് വൈ-ഫൈ എന്നിവയും നൽകിയിട്ടുണ്ട്. സാംസങ് ഡെക്സ് ആപ്പ് സപ്പോർട്ടും ഈ ഡിവൈസിൽ നൽകിയിട്ടുണ്ട്.