ഈ സ്ഥലം പണ്ട് എങ്ങനെ ആയിരുന്നു? ചിത്രം ​ഗൂ​ഗിൾ മാപ്പ് കാണിക്കും; ആപ്പിൽ മറഞ്ഞിരിക്കുന്ന പത്തോളം ഫീച്ചറുകൾ

പരിചയമില്ലാത്ത സ്ഥലങ്ങളിലേക്ക് യാത്ര ചെയ്യുമ്പോൾ നമ്മൾ എല്ലാവരും ആശ്രയിക്കുന്ന ആപ്പുകളിൽ ഒന്നാണ് ​ഗൂ​ഗിൾ മാപ്പ്. സ്മാർട്ട് ഫോണുകൾ ഉപയോ​ഗിക്കുന്ന എല്ലാ ഉപയോക്താക്കളും ഒരു പ്രാവിശ്യം എങ്കിലും ഈ ​ഗൂ​ഗിൾ മാപ്പിനെ ആശ്രയിച്ചിട്ടുണ്ടാകും. ശരിയായ വഴി കാണിക്കുക എന്നതാണ് ​ഗൂ​ഗിൾ മാപ്പിന്റെ പ്രധാന ജോലി.

എന്നാൽ ഇതിന് പുറമെ മറ്റ് നിരവധി ഫീച്ചറുകൾ ​ഗൂ​ഗിൾ മാപ്പ് നമ്മുക്ക് വാ​ഗ്ദാനം ചെയ്യുന്നുണ്ട്. ഈ ഫീച്ചറുകൾ പല ഉപയോക്താക്കൾക്കും അറിയില്ല എന്നതാണ് സത്യം. ​ഗൂ​ഗിൾ‌ മാപ്പിൽ മറഞ്ഞിരിക്കുന്ന ചില പ്രധാന ഫീച്ചറുകൾ എന്തെല്ലാമാണെന്ന് വിശദമായി പരിശോധിച്ചാലോ? അടുത്തിടെയാണ് ജെമിനി എഐയുടെ പിന്തുണ ​ഗൂ​ഗിൾ മാപ്പിൽ എത്തിയത്. ഇതിന്റെ സഹായത്താൽ ഇപ്പോൾ ​ഗൂ​ഗിൾ മാപ്പിന് വോയിസ് കമാന്റുകൾ നൽകാൻ സാധിക്കുന്നതാണ്.

MOST READ: കുട്ടികൾക്കായുള്ള ആദ്യ സ്മാർട്ട് വാച്ചുമായി ഐമോ; പഠിക്കാനും ആരോ​ഗ്യം ശ്രദ്ധിക്കാനും പ്രത്യേകം ഫീച്ചറുകൾ

നേരത്തെ ​ഗൂ​ഗിൾ മാപ്പ് ഉപയോക്താക്കൾക്ക് വോയിസ് കമാന്റുകൾ വഴി നിർദേശങ്ങൾ നൽകിയിരുന്നു. എന്നാൽ ഇപ്പോൾ തിരിച്ച് ​ഗൂ​ഗിൾ മാപ്പിനോടും വോയിസിലൂടെ ബന്ധപ്പെടാവുന്നതാണ്. നിങ്ങൾ ഇലക്ട്രോണിക് വാഹനങ്ങൾ ഉപയോ​ഗിക്കുന്ന ആളുകൾ ആണെങ്കിൽ നിങ്ങൾക്ക് ഏറെ ​ഗുണകരമാകുന്ന ഒരു ഫീച്ചറും ​ഗൂ​ഗിൾ മാപ്പിൽ ഉണ്ട്. നിങ്ങളുടെ അടുത്തുള്ള ഇലക്‌ട്രിക് വെഹിക്കിൾ ചാർജിംഗ് സ്റ്റേഷനുകൾ എളുപ്പത്തിൽ കണ്ടുപിടിയ്ക്കാൻ ​ഗൂ​ഗിൾ മാപ്പ് സഹായിക്കുന്നതായിരിക്കും. മാപ്പിന്റെ സർച്ച് ബാറിൽ ഇക്കാര്യം സർച്ച് ചെയ്താൽ മാത്രം മതി.

​ഗൂ​ഗിൾ മാപ്പിൽ മറഞ്ഞിരിക്കുന്ന മറ്റൊരു ഫീച്ചറാണ് ഇപ്പോളുള്ള സ്ഥലങ്ങൾ വർഷങ്ങൾക്ക് മുമ്പ് എങ്ങനെ ആയിരുന്നു ഇരുന്നത് എന്ന് അറിയാനുള്ള ഫീച്ചർ. ആപ്പിലെ സ്ട്രീറ്റ് വ്യൂ ഫീച്ചർ വഴിയാണ് ഇക്കാര്യം അറിയാൻ സാധിക്കുന്നത്. എന്നാൽ തിരഞ്ഞെടുത്ത സ്ഥലങ്ങളിൽ മാത്രമെ ഈ ഫീച്ചർ ആസ്വദിക്കാൻ സാധിക്കു എന്നാണ് ​ഗൂ​ഗിൾ മാപ്പ് അറിയിച്ചിരിക്കുന്നത്. മറ്റൊരു ഫീച്ചറാണ് വാട്സ്ആപ്പിലേത് പോലെ ​ഗൂ​ഗിൾ മാപ്പിലും ഇപ്പോൾ ലൊക്കേഷൻ ഷെയർ ചെയ്ത് നൽകാം എന്നത്.

MOST READ: 13,000 രൂപയ്ക്ക് താഴെ 108എംപി ക്യാമറ, 6000mAh ബാറ്ററി എന്നീ ഫീച്ചറുകൾ; എതിരാളികൾ ഇല്ലാതെ ഹോണർ എക്സ്7ബി 5ജി

വാട്സ്ആപ്പിലെ ഫീച്ചറിന് സമാനമായി ആണ് ​ഗൂ​ഗിൾ മാപ്പിലും ഈ ഫീച്ചർ പ്രവർത്തിക്കുന്നത്. ഒരു നിശ്ചിത സമയത്തേക്ക് മാത്രമായും ഇത്തരത്തിൽ ലൊക്കേഷൻ ഷെയർ ചെയ്ത് നൽകാവുന്നതാണ്. നിങ്ങളുടെ വാഹനം തിരക്കുള്ള എവിടെയെങ്കിലും പാർക്ക് ചെയ്തിട്ടുണ്ടെങ്കിൽ ഇത് എവിടെയാണെന്ന് എളുപ്പത്തിൽ കണ്ടെത്താൻ സഹായിക്കുന്ന ഫീച്ചറും ഇപ്പോൾ ​ഗൂ​ഗിൾ മാപ്പിൽ ഉണ്ട്. സേവ് യുവർ വെഹിക്കിൾ പാർക്കിംഗ് ലൊക്കേഷൻ എന്നാണ് ഈ ഫീച്ചർ അറിയപ്പെടുന്നത്.

നിങ്ങളുടെ വാഹനം പാർക്ക് ചെയ്തിരിക്കുന്ന സ്ഥലത്തേക്കുള്ള കൃത്യമായ വഴി ഈ ഫീച്ചർ നിങ്ങൾക്ക് കാണിച്ചു നൽകുന്നതായിരിക്കും. മാത്രമല്ല കൂടുതൽ വ്യക്തതയുള്ള കാലാവസ്ഥ പ്രവചനം ഇപ്പോൾ ​ഗൂ​ഗിൾ മാപ്പിൽ നിന്ന് ലഭിക്കുന്നതാണ്. വായു ഗുണനിലവാര സൂചന ഉൾപ്പെടെയുള്ള വിവരങ്ങൾ ഈ ഫീച്ചറിൽ നിന്ന് ഉപയോക്താക്കൾക്ക് ആസ്വദിക്കാൻ സാധിക്കുന്നതാണ്. ​ഗൂ​ഗിൾ മാപ്പിലെ മറ്റൊരു പുതിയ ഫീച്ചറാണ് ഇൻഡോർ ലൈവ് വ്യൂ. എന്നാൽ തിരഞ്ഞെടുത്ത രാജ്യങ്ങളിൽ മാത്രമാണ് ഇപ്പോൾ ഈ ഫീച്ചർ ലഭിക്കുന്നത്.

എയർപോർട്ട് പോലുള്ള പ്രധാനപ്പെട്ട സ്ഥലങ്ങളിലെ തിരക്കുകളും മറ്റും അറിയാൻ ഈ ഫീച്ചർ ഉപയോ​ഗിക്കാൻ സാധിക്കുന്നതാണ്. ഇന്റനെറ്റിന്റെ സഹായം ഇല്ലാതെ തന്നെ ​ഗൂ​ഗിൾ മാപ്പിന്റെ സേവനം ആസ്വദിക്കാനുള്ള ഫീച്ചറും ആപ്പ് അവതരിപ്പിച്ചുണ്ട്. ഓഫ്ലൈൻ നാവി​ഗേഷൻ എന്നാണ് ഈ ഫീച്ചർ അറിയപ്പെടുന്നത്. ആവിശ്യമുള്ള സ്ഥലത്തിന്റെ മാപ്പ് ഡൗൺലെഡ് ചെയ്യാൻ സാധിക്കുന്ന വിധത്തിൽ ആണ് ഈ ഫീച്ചർ പ്രവർത്തിക്കുന്നത്. ഇന്റർനെറ്റ് ഇല്ലാത്ത സ്ഥലങ്ങളിലൂടെ യാത്ര ചെയ്യുമ്പോൾ ഈ ഫീച്ചർ കൂടുതൽ ​ഗുണം ചെയ്യുന്നതായിരിക്കും.