കുട്ടികൾക്കായുള്ള ആദ്യ സ്മാർട്ട് വാച്ചുമായി ഐമോ; പഠിക്കാനും ആരോ​ഗ്യം ശ്രദ്ധിക്കാനും പ്രത്യേകം ഫീച്ചറുകൾ

കുട്ടികൾക്കായി ലോകത്തെ ആദ്യ സ്മാർട്ട് വാച്ച് പുറത്തിറക്കി ഐമോ. നിരവധി വർഷങ്ങളായി കുട്ടികൾക്കായുള്ള ഇലക്ട്രോണിക് ഉപകരണങ്ങൾ പുറത്തിറക്കുന്നതിൽ പ്രമുഖരായ കമ്പനിയാണ് ഐമോ. ഐമോ ഇസെഡ് 7 എന്ന വാച്ചാണ് ഇവ കുട്ടികൾക്കായി പുറത്തിറക്കിയിരിക്കുന്നത്. ഒരു ഹെൽത്ത് വാച്ച് എന്ന പോലെയാണ് ഈ വാച്ച് പ്രവർത്തിക്കുന്നത് എന്നാണ് ഐമോ പറയുന്നത്.

കുട്ടികൾക്ക് വേണ്ടി പ്രത്യേകം രൂപ കൽപന ചെയ്ത വാച്ചാണ് ഇസെഡ് 7 എന്ന് ഐമോ അവകാശപ്പെടുന്നു. മാതാപിതാക്കളുടെ രക്ഷാകർതൃത്വത്തെ സഹായിക്കുന്നതിന് നിരവധി ഫീച്ചറുകൾ ഈ വാച്ചിൽ നൽകിയിട്ടുണ്ട്. കുട്ടികളുടെ ആരോ​ഗ്യത്തിന് പുറമെ സുരക്ഷയും ഈ വാച്ച് വാ​ഗ്ദാനം ചെയ്യുന്നുണ്ട്. 14,990 രൂപ മുതലാണ് ഈ വാച്ചിന്റെ വില ആരംഭിക്കുന്നത്. ഒരു സ്മാർട്ട് വാച്ചിന് വേണ്ട ഫീച്ചറുകൾ‌ എല്ലാം ഈ വാച്ചിൽ ഐമോ ഉൾപ്പെടുത്തിയിട്ടുണ്ട്.

MOST READ: 13,000 രൂപയ്ക്ക് താഴെ 108എംപി ക്യാമറ, 6000mAh ബാറ്ററി എന്നീ ഫീച്ചറുകൾ; എതിരാളികൾ ഇല്ലാതെ ഹോണർ എക്സ്7ബി 5ജി

PPG ഹെൽത്ത് മോണിറ്ററിംഗ്, താപനില, ഹാർട്ട്ബീറ്റ് ട്രാക്കിംഗ്, AI ഇൻ്റലിജൻ്റ് മൂഡ് റെക്കഗ്നിഷൻ അൽഗോരിതം തുടങ്ങിയ മികച്ച ഫീച്ചറുകൾ ആണ് നിർമ്മാതാക്കൾ ഈ വാച്ചിന് നൽകിയിരിക്കുന്നത്. കുട്ടികളുടെ ആരോ​ഗ്യം സംരക്ഷിക്കാൻ ഇതിലും മികച്ച ഉപകരണം ഇല്ല എന്നും ഈ വാച്ചിന്റെ നിർമ്മാതാക്കളായ ഐമോ പറയുന്നു. കുട്ടികൾക്കായുള്ള ആദ്യ ഫോൺ എന്ന് ടാ​ഗ് ലൈനോടെയാണ് ഐമോ ഈ സ്മാർട്ട് വാച്ച് പുറത്തിറക്കിയിരിക്കുന്നത്.

കുട്ടികൾ പോകുന്ന വഴിയെല്ലാം ട്രാക്ക് ചെയ്യാനുള്ള സംവിധാനം ഈ വാച്ചിൽ ഉണ്ടായിരിക്കുന്നതാണ്. നിങ്ങളുടെ കുട്ടികൾ എവിടെയെല്ലാം പോകുന്നു എന്തെല്ലാം ചെയ്യുന്നു എന്നെല്ലാം ഈ ഫിച്ചറിലൂടെ മാതാപിതാക്കൾക്ക് തിരിച്ചറിയാൻ സാധിക്കുന്നതാണ്. 14 ദിവസം വരെയുള്ള ഡേറ്റകൾ ഇത്തരത്തിൽ ട്രാക്ക് ചെയ്യാൻ സാധിക്കുന്നതാണ്. എച്ച്ഡി വീഡിയോ കോളിങ് ആണ് ഇസെഡ് 7ന്റെ മറ്റൊരു സവിശേഷത. ഏത് സമയവും കുട്ടികളുമായുള്ള ആശയവിനിമയം ഇതിലൂടെ സാധ്യമാണ്.

MOST READ: രണ്ട് മണിക്കൂർ മാത്രം നീണ്ട് നിൽക്കുന്ന പ്രത്യേക വിൽപന; റിയൽമി 12X 5ജിയ്ക്ക് വൻ ഡിസ്കൗണ്ട്

ഇതിൽ നൽകിയിരിക്കുന്ന ക്യാമറകൾ തിരിക്കാൻ സാധിക്കും എന്നതാണ് ഏറ്റവും വലിയ പ്രത്യേക. ഫ്ലിപ് ചെയ്യാനുള്ള സൗകര്യമാണ് ക്യാമറയിലുള്ളത്. ആയതിനാൽ ഒന്നിൽ കൂടുതൽ ആവിശ്യങ്ങൾക്ക് ഈ ക്യാമറ ഉപയോ​ഗിക്കാൻ സാധിക്കുന്നതാണ്. രണ്ട് ക്യാമറകളാണ് ഈ വാച്ചിൽ സ്ഥാനം പിടിച്ചിരിക്കുന്നത്. റിയൽ ക്യാമറ 5 എംപിയും ഫ്രണ്ട് ക്യാമറ 2 എംപിയുമാണ്. വിയർപ്പിൽ നിന്നും മറ്റുമെല്ലാം റിയർ ക്യാമറയെ സംരക്ഷിക്കാനായി സഫയർ ക്രിസ്റ്റലും ഐമോ നൽകിയിരിക്കുന്നു.

കുട്ടികളുടെ പഠനത്തിന് സ​ഹായിക്കുന്ന ഒരു എഐ സ്കാനറും ഈ വാച്ചിന് അവകാശപ്പെടാൻ സാധിക്കുന്നതാണ്. മാത്രമല്ല കായിക പരമായ പ്രവർത്തനങ്ങൾക്ക് പ്രത്യേക മോഡുകളും ഈ വാച്ചിനായി ഐമോ നൽകിയിട്ടുണ്ട്. നില, പിങ്ക് എന്നീ നിറങ്ങളിലാണ് ഐമോ ഈ വാച്ച് പുറത്തിറക്കിയിരിക്കുന്നത്. തികച്ചും ഭാരം കുറഞ്ഞ രീതിയിലാണ് ഐമോ തങ്ങളുടെ ഇസെഡ് 7 നിർമ്മിച്ചിരിക്കുന്നത്. 65 ഗ്രാം മാത്രം ആണ് ഈ വാച്ചിന്റെ ഭാരം.

150-ലധികം ഗുണനിലവാര പരിശോധനകൾ ഈ വാച്ചിനായി നടത്തി എന്നും ഐമോ അവകാശപ്പെടുന്നുണ്ട്. 1.3 ഇഞ്ച് ഡിസ്‌പ്ലേയാണ് ഈ വാച്ചിന് നൽകിയിരിക്കുന്നത്. 740 mAh ബാറ്ററിയും ഈ വാച്ചിൽ പായ്ക്ക് ചെയ്തിരിക്കുന്നു. ഒരു ഫുൾ‌ ചാർജിൽ 100 മണിക്കൂർ വരെ ബാറ്ററി ബാക്കപ്പ് ലഭിക്കും എന്നാണ് ഐമോ അവകാശപ്പെടുന്നത്. 4 ജിബി ബിൽറ്റ് ഇൻ സ്റ്റോറേജും ഐമോ ഇസെഡ് 7 വാ​ഗ്ദാനം ചെയ്യുന്നുണ്ട്.

4G, വൈഫൈ എന്നി കണക്ടിവിറ്റി ഓപ്ഷനുകൾ ഈ വാച്ചിനെ പിന്തുണയ്ക്കുന്നതായിരിക്കും. ഇതിന്റെ വാട്ടർ, ഡസ്റ്റ് പ്രതിരോധത്തിന്റെ റേറ്റിങ് IPX8 ആണ്. ഐമോയുടെ ഔദ്യോ​ഗിക വെബ്സൈറ്റായ imoostore.in ഇൽ നിന്ന് ഈ ഫോൺ വാങ്ങാൻ സാധിക്കുന്നതാണ്. ഇതിന് പുറമെ ആമസോൺ, ഫ്ലിപ്പ്കാർട്ട് എന്നിവിടങ്ങളിലും ഈ വാച്ച് ലഭ്യമാണ്. ഓഫ്ലൈൻ ആയി ഐമോ ഇസെഡ് 7 സ്വന്തമാക്കണമെങ്കിൽ ഐമോ സ്റ്റോറുകൾ, ഫസ്റ്റ് ക്രൈ സ്റ്റോറുകൾ എന്നിവയെ സമീപിക്കാവുന്നതാണ്.