ഫോണിലെ ആപ്പുകളെല്ലാം അൺഇൻസ്റ്റാൾ ചെയ്തേക്ക്; ടെലി​ഗ്രാം മാത്രം മതി എല്ലാ ആപ്പുകളുടെയും ബോട്ട് ഇവിടെ ലഭ്യമാണ്

സ്മാർട്ട് ഫോൺ ഉള്ള ഭൂരിപക്ഷം ഉപയോക്താക്കളും ഉപയോ​ഗിക്കുന്ന ആപ്പാണ് ടെലി​ഗ്രാം. വാട്സ്ആപ്പ് പോലെ തന്നെ സമാനമായ ഫീച്ചറുകളാണ് ടെലി​ഗ്രാമിനായും നിർമ്മാതാക്കൾ നൽകിയിരിക്കുന്നത്. എന്നാൽ‌ വാട്സ്ആപ്പിൽ നിന്ന് ടെലി​ഗ്രാമിനെ വ്യത്യസ്തമാക്കുന്നത് വലിയ ഫയലുകൾ വളരെ എളുപ്പത്തിൽ കൈമാറ്റം ചെയ്യാം എന്നതാണ്. ആയതിനാൽ തന്നെ ഭൂരിഭാ​ഗം ഉപയോക്താക്കളും ഈ ഫീച്ചർ മാത്രമാണ് ഉപയോ​ഗിക്കുന്നത്.

സിനിമകളും വെബ് സീരിയൽസും മാത്രം ഡൗൺലോഡ് ചെയ്യാൻ വേണ്ടി മാത്രമാണ് നിലവിൽ ബഹുഭൂരിപക്ഷം ഉപയോക്താക്കളും ടെലി​ഗ്രാം ഉപയോ​ഗിക്കുന്നത്. എന്നാൽ എഐ ചാറ്റ്ബോട്ടുകൾ കടന്നു വന്നതോടെ എണ്ണിയാൽ ഒടുങ്ങാത്തെ സൗകര്യങ്ങൾ ഇപ്പോൾ ടെലി​ഗ്രാം ഉപയോക്തക്കൾക്കായി വാ​ഗ്ദാനം ചെയ്യുന്നുണ്ട്. നിരവധി കാര്യങ്ങൾക്ക് ടെലി​ഗ്രാമിലെ ഈ എഐ ഫീച്ചറുകൾ ഉപയോക്താക്കൾക്ക് ഉപകരിക്കുന്നതാണ്. ഇതിൽ പ്രധാനപ്പെട്ട ചില ബോട്ടുകൾ ഏതെല്ലാമാണെന്ന് പരിശോധിക്കാം.

MOST READ: ബഡ്ജറ്റ് ഫ്രണ്ട്ലി സെ​ഗ്മെന്റിലും സാംസങ്ങിന്റെ വിളയാട്ടം; ​ഗാലക്സി എഫ്15 5ജി അടുത്തയാഴ്ച എത്തും

ഇതിൽ ഒന്നാണ് ട്രൂക്കോളറിന്റെ ടെലി​ഗ്രാം ബോട്ട്. ട്രൂക്കോളർ എന്ന ആപ്പ് ഉപയോക്താക്കളുടെ സ്വകാര്യ വിവരങ്ങൾ ചോർത്തുന്നു എന്ന തരത്തിൽ വാർത്തകൾ പുറത്ത് വന്നിരുന്നു. ആയതിനാൽ ഈ ആപ്പ് സുരക്ഷിതമല്ല എന്ന് തോന്നിയാൽ ഇതേ സേവനം ആസ്വദിക്കാൻ നിങ്ങൾക്ക് ടെലി​ഗ്രാം ബോട്ട് ഉപയോ​ഗിക്കാവുന്നതാണ്. ട്രൂക്കോളർ എന്ന് തന്നെയാണ് ടെലി​ഗ്രാമിലും ഈ ബോട്ടിന് പേര് നൽകിയിരിക്കുന്നത്. ടെലി​ഗ്രാമിലെ സർച്ച് ബാറിൽ ഇത്തരത്തിൽ സർ‌ച്ച് ചെയ്താൽ ഇതിന്റെ സേവനം നിങ്ങൾക്ക് ലഭിക്കും.

നിങ്ങൾക്ക് അറിയേണ്ട നമ്പറിർ ഈ ബോട്ടിന് കൈമാറിയാൽ നമ്പറിന്റെ ഉടമസ്ഥന്റെ പേര്, നെറ്റ്വർക്ക്, ഇമെയിൽ ഐഡി തുടങ്ങിയ വിവരങ്ങൾ ലഭിക്കുന്നതാണ്. വിമാന യാത്രക്കാർക്കും യാത്രകളെ സ്നേഹിക്കുന്നവർക്കും ഉപകാരപ്പെടുന്ന ഒരു ബോട്ടും ടെലി​ഗ്രാമിൽ ഉണ്ട്. എയർട്രാക്ക് ബോട്ട് എന്നാണ് ഈ ബോട്ടിന്റെ പേര്. ഏറ്റവും വില കുറഞ്ഞ രീതിയിൽ വിമാന ടിക്കറ്റുകൾ ബുക്ക് ചെയ്യാൻ ഈ ബോട്ട് നിങ്ങളെ സഹായിക്കുന്നതായിരിക്കും.

MOST READ: ഐക്യൂവിന്റെ മറ്റൊരു വജ്രായുധം എത്തുന്നു; ഫീച്ചറുകളിൽ അ​ഗ്ര​ഗണ്യനായ ഐക്യൂ ഇസഡ് 9 ഉടൻ ഇന്ത്യയിലെത്തും

ഉപയോക്താക്കൾക്ക് ഉപകാരപ്പെടുന്ന മറ്റൊരു പ്രധാന ടെലി​ഗ്രാം ബോട്ടാണ് സേവ് വീഡിയോ ബോട്ട്. ട്വിറ്റർ, ടെലി​ഗ്രാം, ഫെയ്സ്ബുക്ക് പോലുള്ള ജനപ്രിയ സോഷ്യൽ മീഡിയകളിൽ പ്രത്യക്ഷപ്പെടുന്ന വീഡിയോകൾ വളരെ എളുപ്പത്തിൽ ഡൗൺലോഡ് ചെയ്യാൻ ഈ ബോട്ട് നിങ്ങളെ സഹായിക്കുന്നതായിരിക്കും. ഈ വീഡിയോകൾ ഡൗൺലോഡ് ചെയ്യാൻ ഒരു മൂന്നാം കക്ഷി ആപ്പിനെ ആശ്രയിക്കേണ്ട കാര്യം ഇല്ല എന്ന് അർത്ഥം. കോഡിങ് പരമായ ആവിശ്യങ്ങൾക്ക് ആക്സ് നോ ബോട്ട് എന്ന ബോട്ടും സഹായിക്കുന്നതാണ്.

കോഡിങ് പരമായ എല്ലാ സഹായങ്ങൾക്കും ഈ ബോട്ടിന്റെ സേവനം സ്വീകരിക്കാൻ സാധിക്കുന്നതാണ്. ഐടി കമ്പനികളിലും മറ്റും ജോലി ചെയ്യുന്നവർക്ക് ഏറെ പ്രയോജനപ്പെടുന്ന ബോട്ട് ആണിത്. കഴിഞ്ഞ വർഷങ്ങളിൽ ഏറ്റവും കൂടുതൽ വാർത്തകളിൽ ഇടം പിടിച്ച എഐ പ്ലാറ്റ്ഫോം ആണ് ചാറ്റ്ജിപിറ്റി. ഇതിന്റെ ടെലി​ഗ്രാം ബോട്ട് വേർഷനും ഇപ്പോൾ ലഭ്യമാകുന്നതാണ്. ചാറ്റ്ജിപിറ്റി വെബ് വേർഷന് സമാനമായ പ്രവർത്തനം ഈ ബോട്ട് കാഴ്ച വെയ്ക്കുന്നതാണ്.

ചാറ്റ്ജിപിറ്റി ഫോർ ടെലി​ഗ്രാം ബോട്ട് എന്നാണ് ഈ ബോട്ടിന്റെ പേര്. ഉപയോക്താക്കളുടെ ഇം​ഗ്ലീഷ് പരിജ്ഞാനം വർധിപ്പിക്കാൻ സഹായിക്കുന്ന ധാരാളം ബോട്ടുകളും ഇപ്പോൾ ടെലി​ഗ്രാമിൽ ലഭ്യമാണ്. ഇതിൽ പ്രധാനപ്പെട്ട ഒരു ബോട്ടാണ് ആന്റി ഇം​ഗ്ലീഷ് ബോട്ട്. ഇതിന്റെ സഹായത്താൽ മികച്ച രീതിയിൽ ഉപയോക്താക്കൾക്ക് ഇം​ഗ്ലീഷ് പഠിക്കാൻ സാധിക്കുന്നതാണ്. ചാറ്റ് ചെയ്തും സംസാരിച്ചും ഇം​ഗ്ലീഷ് പഠിക്കാൻ സ​ഹായിക്കുന്നതിനാൽ ഇം​ഗ്ലീഷ് ഭാഷയെ വളരെ എളുപ്പത്തിൽ കൈകാര്യം ചെയ്യാൻ ഈ ബോട്ട് ഉപയോക്താക്കളെ സഹായിക്കുന്നതാണ്.

നിങ്ങൾ പാട്ടുകൾ ഇഷ്ടപ്പെടുന്ന ആളുകൾ ആണെങ്കിൽ ഏത് ഭാഷയിലുള്ള പാട്ടുകളുടെയും എംപി3 ഫയലുകൾ വളരെ എളുപ്പത്തിൽ ഡൗൺലോഡ് ചെയ്യാൻ നിങ്ങളെ സഹായിക്കുന്ന ഒരു ടെലി​ഗ്രാം ബോട്ടാണ് എൽവൈബോട്ട് (lyBot). യൂട്യൂബ് വീഡിയോകൾ വളരെ എളുപ്പത്തിൽ ഡൗൺലോഡ് ചെയ്യാൻ ആൾ സേവർ ബോട്ടും ഉപയോക്താക്കളെ സഹായിക്കുന്നതാണ്. ഡ്രോപ് മെയിൽ.മി എന്ന ബോട്ട് ആകട്ടെ നിങ്ങൾക്ക് താൽക്കാലിക ഇമെയിൽ ഐഡികൾ നിർമ്മിക്കാനും സഹായിക്കുന്ന ഒരു ബോട്ടാണ്.