കൈയ്യിൽ കാശില്ലെങ്കിലും മികച്ചത് വാങ്ങാം; ഏറ്റവും മികച്ച ബഡ്ജറ്റ് ഫ്രണ്ട്ലി ലാപ്ടോപ്പുകൾ, 13,000 രൂപ മുതൽ

ഇന്നത്തെ കാലത്ത് സ്മാർട്ട് ഫോണുകൾ പോലെ തന്നെ പ്രധാനപ്പെട്ട ​ഗാഡ്ജറ്റാണ് ലാപ്ടോപ്പുകൾ. പഠന ആവിശ്യങ്ങൾക്കും ജോലിയുടെ ആവിശ്യങ്ങൾക്കും ഇപ്പോൾ നിരവധി ആളുകൾ ലാപ്ടോപ്പുകളെ ആണ് ആശ്രയിക്കുന്നത്. ബഡ്ജറ്റ് ഫ്രണ്ട്ലി, മിഡ് ബഡ്ജറ്റ്, പ്രീമിയം എന്നീ വിവധ സെ​ഗ്മെന്റുകളിൽ ലാപ്ടോപ്പുകൾ ഇന്ത്യൻ വിപണിയിൽ ലഭിക്കുന്നതാണ്.

എന്നാൽ ഇന്ത്യൻ ലാപ്ടോപ്പ് വിപണിയിൽ ഏറ്റവും കൂടുതൽ വിറ്റുപോകുന്ന ലാപ്ടോപ്പുകൾ മിഡ് ബഡ്ജറ്റ് സെ​ഗ്മെന്റിൽ നിന്നുള്ളവയാണ്. ഇന്ത്യൻ വിപണിയിലെ ഭൂരിഭാ​ഗം ഉപയോക്താക്കളും സാധാരണക്കാരാണ് എന്നതാണ് ഇതിന് കാരണം. വില കുറഞ്ഞ ലാപ്ടോപ്പുകൾ സ്വന്തമാക്കുമ്പോൾ ഇതിൽ നിന്ന് മികച്ചത് തിരഞ്ഞെടുക്കണം എന്നകാര്യം ഉപയോക്താക്കൾ ശ്രദ്ധിക്കേണ്ടതാണ്. ഇത്തരത്തിൽ 20,000 രൂപയ്ക്ക് താഴെ വില വരുന്നതിൽ മികച്ച ലാപ്ടോപ്പുകൾ ഏതെല്ലാമാണെന്ന് വിശദമായി പരിശോധിക്കാം.

MOST READ: 15 മിനിറ്റ് ചാർജിൽ 510 കിലോമീറ്റർ ഓടും; SU7 കാറുകൾ പുറത്തിറക്കി ഷവോമി, വിലയും വിവരങ്ങളും അറിയാം

ഇക്കൂട്ടത്തിൽ ആദ്യമായ് സ്ഥാനം പിടിച്ചിരിക്കുന്ന ലാപ്ടോപ്പാണ് ചുവി ഹീറോബുക്ക് പ്രോ (Chuwi HeroBook Pro) ദൈനംദിന ഉപയോഗത്തിന് ഏറ്റവും അനുയോജ്യമായ ഒരു ബഡ്ജറ്റ് ഫ്രണ്ട്ലി ലാപ്ടോപ്പാണ് ഇത്. 16,990 രൂപയ്ക്കാണ് ഈ ലാപ്ടോപ്പ് ഇപ്പോൾ ആമസോണിൽ വിൽക്കുന്നത്. 14.1 ഇഞ്ച് വലുപ്പത്തിലാണ് ഈ ലാപ്ടോപ്പിന്റെ ഡിസ്‌പ്ലേ എത്തുന്നത്. HDMI പോർട്ട് ഉപയോ​ഗിച്ച് വലിയ സ്ക്രീനിലേക്ക് ഇത് കണക്ട് ചെയ്യാൻ സാധിക്കുന്നതാണ്.

വിൻഡോസ് 10 ഓപ്പറേറ്റിംഗ് സിസ്റ്റത്തിലാണ് ചുവി ഹീറോബുക്ക് പ്രോ പ്രവർത്തിക്കുന്നത്. 4 ജിബി വരെ റാമും 64 ജിബി വരെ സ്റ്റോറേജും ഈ ലാപ്ടോപ്പ് വാ​ഗ്ദാനം ചെയ്യുന്നുണ്ട്. 20,000 രൂപയ്ക്ക് താഴെ വില വരുന്ന ചുവിയുടെ തന്നെ മറ്റൊരു ലാപ്ടോപ്പാണ് ഹീറോബുക്ക് പ്ലസ് (Chuwi HeroBook Plus) 18,990 രൂപയ്ക്കാണ് ഈ ലാപ്ടോപ്പ് ഇപ്പോൾ ആമസോണിൽ ലിസ്റ്റ് ചെയ്തിരിക്കുന്നത്. 15.6 ഇഞ്ച് ഡിസ്പ്ലേ വലുപ്പത്തിലാണ് ഈ ലാപ് എത്തുന്നത്.

MOST READ: ഇനി ​യുഎഇയിൽ നിന്ന് ​ഗൂ​ഗിൾപേ, ഫോൺപേ വഴി നാട്ടിലേക്ക് പണം അയയ്ക്കാം; എങ്ങനെയെന്ന് പരിശോധിക്കാം

6 ജിബി വരെ റാമും 128 ജിബി വരെ സ്റ്റോറേജും ഈ ലാപ്ടോപ്പ് വാ​ഗ്ദാനം ചെയ്യുന്നുണ്ട്. വിൻഡോസ് 10 ഓപ്പറേറ്റിങ് സിസ്റ്റത്തിലാണ് ചുവി ഹീറോബുക്ക് പ്ലസ് പ്രവർത്തിക്കുന്നത്. കുറഞ്ഞ വിലയിൽ വാങ്ങാൻ സാധിക്കുന്ന മറ്റൊരു മികച്ച ലാപ്ടോപ്പാണ് എഎക്സ്എൽ ലോഞ്ചഡ് ലാപ്ടോപ്പ് (AXL Launched Laptop) വെറും 12,990 രൂപയ്ക്കാണ് ഈ ലാപ് ഇപ്പോൾ ആമസോണിൽ നിന്ന് വിൽക്കുന്നത്. 14 ഇഞ്ച് ആയിരിക്കും ഈ ലാപ്പിന്റെ ഡിസ്പ്ലേ വലുപ്പം.

ഈ സെ​ഗ്മെന്റിലെ മറ്റ് ലാപ്ടോപ്പുകൾക്ക് സമാനമായി വിൻഡോസ് 10 ഓപ്പറേറ്റിങ് സിസ്റ്റത്തിലാണ് എഎക്സ്എൽ ലോഞ്ചഡ് ലാപ്ടോപ്പും പ്രവർത്തിക്കുന്നത്. 8 ജിബി വരെ റാമും 256 ജിബി വരെ സ്റ്റോറേജും ഈ ലാപ്ടോപ്പ് ഉപയോക്താക്കൾക്കായി വാ​ഗ്ദാനം ചെയ്യുന്നുണ്ട്. എസ്യൂസിന്റെ നോട്ട്ബുക്കും ഈ സെ​ഗ്മെന്റിലെ മികച്ച ഒരു ലാപ്ടോപ്പായി പരി​ഗണിക്കാവുന്നതാണ്. ഇൻ്റൽ സെലറോൺ പ്രോസസർ ആണ് നിർമ്മാതാക്കൾ ഈ ലാപ്പിനായി നൽകിയിരിക്കുന്നത്.

മറ്റ് ലാപ്പുകളെ അപേക്ഷിച്ച് ഈ ലോപ്ടോപ്പിന്റെ ഡിസ്പ്ലേ അൽപം ചെറുതാണ്. 11.6 ഇഞ്ചാണ് എസ്യൂസിന്റെ നോട്ട്ബുക്കിന്റെ ഡിസ്പ്ലേ വലുപ്പം. നാല് ജിബി റാമും 128 ജിബി സ്റ്റോറേജും ഈ ലാപ്ടോപ്പ് വാ​ഗ്ദാനം ചെയ്യുന്നുണ്ട്. വെറും 14,490 രൂപയ്ക്കാണ് എസ്യൂസ് നോട്ട്ബുക്ക് ഇപ്പോൾ ആമസോണിൽ വിൽക്കുന്നത്. ഈ ലിസ്റ്റിൽ ഏറ്റവും അവസാനമായി സ്ഥാനം പിടിച്ചിരിക്കുന്ന ലാപ്ടോപ്പാണ് വാൽക്കറിന്റെ നോട്ട്ബുക്ക്. 16,990 രൂപയാണ് ഇപ്പോൾ ഇതിന്റെ വില.

ദിവസേനയുള്ള ഉപയോ​ഗത്തിന് മികച്ച ഒരു ബഡ്ജറ്റ് ഫ്രണ്ട്ലി ലാപ്ടോപ്പായി ഈ ലാപ്പിനെ പരി​ഗണിക്കാവുന്നതാണ്. ശക്തമായ സെലറോൺ പ്രോസസറും Windows 10 ഓപ്പറേറ്റിംഗ് സിസ്റ്റവും മികച്ച പ്രകടനം കാഴ്ചവെയ്ക്കാൻ വാൽക്കർ നോട്ട്ബുക്കിനെ സഹായിക്കുന്നുണ്ട്. 14 ഇഞ്ചാണ് ഇതിന്റെ ഡിസ്പ്ലേ വലുപ്പം. 4 ജിബി റാമും 256 ജിബി സ്റ്റോറേജും ആണ് ഈ ലാപ്ടോപ്പ് ഉപയോക്താക്കൾക്കായി വാ​ഗ്ദാനം ചെയ്യുന്നത്.