100 മണിക്കൂർ ചാർജ് നിൽക്കും, രണ്ട് ചിപ്സെറ്റുകൾ; വൺപ്ലസ് വാച്ച് 2 വിൽപന മാർച്ച് 4ന് തുടങ്ങും

ഫുൾ ചാർജിൽ 100 മണിക്കൂർ വരെ ചാർജ് നിൽക്കുന്ന പുതിയ സ്മാർട്ട് വാച്ച് പുറത്തിറക്കി വൺപ്ലസ്. വൺപ്ലസ് വാച്ച് 2 എന്ന പേരിലാണ് കമ്പനി തങ്ങളുടെ പുതിയ സ്മാർട്ട് വാച്ച് പുറത്തിറക്കിയിരിക്കുന്നത്. സ്പെയിനിലെ ബാർസലോണിയിൽ വെച്ച് നടക്കുന്ന മൊബൈൽ വേൾഡ് കോൺഗ്രസിൽ (എംഡബ്ല്യുസി) ആണ് ഇത് അവതരിപ്പിച്ചത്.

ഇന്ത്യ അടക്കമുള്ള വിവധ രാജ്യങ്ങളിൽ ഈ സ്മാർട്ട് വാച്ച് ഉടൻ തന്നെ ലഭ്യമാകും എന്നും വൺപ്ലസ് അറിയിച്ചിട്ടുണ്ട്. മാർച്ച് 4ന് ഉച്ചയ്ക്ക് 12 മണി മുതൽ ഈ സ്മാർട്ട് വാച്ചിന്റെ വിൽപന ഇന്ത്യയിൽ‌ ആരംഭിക്കും എന്നാണ് വൺപ്ലസ് അറിയിച്ചിരിക്കുന്നത്. ഇതേ തിയതി മുതൽ ഇന്ത്യയ്ക്ക് പുറമെ മറ്റ് രാജ്യങ്ങളിലും വൺപ്ലസ് വാച്ച് 2 ലഭ്യമാകുന്നതായിരിക്കും. 100 മണിക്കൂർ ബാറ്ററിലൈഫ് ആണ് ഈ സ്മാർട്ട് വാച്ചിന്റെ ഏറ്റവും വലിയ സവിശേഷത.

​MOST READ: ഗ​ഗൻയാൻ: ഇന്ത്യയുടെ ആദ്യ ബഹിരാകാശ യാത്രികരെ നയിക്കുന്നത് മലയാളി പ്രശാന്ത് നായർ! അ‌ഭിമാന നിറവിൽ കേരളം

1.43 ഇഞ്ച് അമോലെഡ് ഡിസ്‌പ്ലേ, ഡ്യുവൽ ചിപ്‌സെറ്റുകൾ, Wear OS പിന്തുണ എന്നിവയാണ് ഈ സ്മാർട്ട് വാച്ചിന്റെ മറ്റ് പ്രത്യേകതകൾ. 2021ൽ വൺപ്ലസ് ഇന്ത്യയിൽ അവതരിപ്പിച്ച വൺപ്ലസ് വാച്ചിന്റെ പിൻ​ഗാമി എന്ന നിലയ്ക്കാണ് പുതിയ സ്മാർട്ട് വാച്ചിനെ വൺപ്ലസ് അവതരിപ്പിച്ചിരിക്കുന്നത്. 16,999 രൂപയ്ക്ക് ആയിരുന്നു ആദ്യ സ്മാർട്ട് വാച്ച് വൺപ്ലസ് ഇന്ത്യയിൽ പുറത്തിറക്കിയിരുന്നത്. മൂന്ന് വർഷത്തിന് ശേഷമാണ് ഈ ഫോണിന്റെ പിൻ​ഗാമിയെ വൺപ്ലസ് വിപണിയിൽ എത്തിക്കുന്നത്.

വൺപ്ലസിന്റെ ഔദ്യോ​ഗിക വെബ്സൈറ്റായ Oneplus.in, വൺപ്ലസ് സ്റ്റോർ ആപ്പ് പ്രമുഖ ഇ കൊമേഴ്സ് വെബ്സൈറ്റുകളായ ആമസോൺ, ഫ്ലിപ്പ്കാർട്ട്, മിന്ത്ര, റിലയൻസ് എന്നിവിടങ്ങളിൽ നിന്ന് ഓൺലൈൻ ആയി വൺപ്ലസ് വാച്ച് 2 ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. ഓഫ്ലൈനായി റിലയൻസ്, ക്രോമ, വൺപ്ലസ് എക്സ്പീരിയൻസ് സ്റ്റോർ, വൺപ്ലസിന്റെ പാർട്ണർ സ്റ്റോറുകൾ എന്നിവിടങ്ങളിൽ നിന്നും ഉപയോക്താക്കൾക്ക് ഇത് സ്വന്തമാക്കാൻ സാധിക്കുന്നതാണ്. നേരത്തെ സൂചിപ്പിച്ചത് പോലെ മാർച്ച് 4നാണ് ഇതിന്റെ വിൽപന ആരംഭിക്കുന്നത്.

MOST READ: മുൻകൂട്ടി തന്നെ രോ​ഗങ്ങൾ തിരിച്ചറിയാം; എഐ ഫീച്ചറുകളുമായി സാംസങ്ങിന്റെ ​ഗാലക്സി റിങ് ഉടനെത്തും

റേഡിയൻ്റ് സ്റ്റീൽ, ബ്ലാക്ക് സ്റ്റീൽ എന്നീ നിറങ്ങളിൽ ആണ് വൺപ്ലസ് വാച്ച് 2 ഇന്ത്യയിൽ ലഭ്യമാകുക. ഈ വാച്ചിന്റെ ഫീച്ചറുകൾ പരിശോധിക്കുമ്പോൾ നേരത്തെ സൂചിപ്പിച്ചത് പോലെ 1.43 ഇഞ്ച് അമോലെഡ് ഡിസ്‌പ്ലേ കാണാൻ സാധിക്കുന്നതാണ്. 600 nits-ൻ്റെ ഉയർന്ന തെളിച്ചവും ഈ വാച്ച് വാ​ഗ്ദാനം ചെയ്യുന്നുണ്ട്. ഡിസ്പ്ലേയുടെ സംരക്ഷണത്തിനായി 2.5D സഫയർ ക്രിസ്റ്റലും വൺപ്ലസ് നൽകിയിട്ടുണ്ട്. Snapdragon W5 Gen 1 ചിപ്‌സെറ്റാണ് വാച്ചിന് കരുത്ത് നൽകുന്നത്.

വാച്ചിന്റെ പെർഫോമൻസ് വർധിപ്പിക്കാനായി BES2700 ചിപ്‌സെറ്റും വൺപ്ലസ് നൽകിയിട്ടുണ്ട്. 2 ജിബി റാമും 32 ജിബി ഇൻ്റേണൽ സ്റ്റോറേജും ഈ സ്മാർട്ട് വാച്ച് വാ​ഗ്ദാനം ചെയ്യുന്നുണ്ട് എന്നതാണ് മറ്റൊരു പ്രത്യേകത. OHealth ആപ്പുമായി ഈ സ്മാർട്ട് വാച്ച് ബന്ധിപ്പിച്ചാൽ മറ്റ് നിരവധി ഫീച്ചറുകൾ ഉപയോക്താക്കൾക്ക് ആസ്വദിക്കാൻ സാധിക്കുന്നതാണ്. പലതരം വ്യായാമങ്ങൾക്കായി 100ൽ അധികം സ്പോട്സ് മോഡുകളും നിർമ്മാതാക്കൾ ഈ വാച്ചിനായി നൽകിയിരിക്കുന്നു.

ഈ സ്മാർട്ട് വാച്ചിന്റെ വാട്ടർ, ഡസ്റ്റ് പ്രതിരോധത്തിന്റെ റേറ്റിങ് IP68 ആണ്. 5000 എംഎഎച്ച് ബാറ്ററിയാണ് ഈ വാച്ചിൽ ഇടം പിടിച്ചിരിക്കുന്നത്. നേരത്തെ സൂചിപ്പിച്ചത് പോലെ 100 മണിക്കൂർ വരെ ഈ വാച്ചിന് ബാറ്ററി ലൈഫ് ലഭിക്കുന്നതാണ്. ഒരു മണിക്കൂറിനുള്ളിൽ തന്നെ ചാർജ് പൂജ്യത്തിൽ നിന്ന് 100 ശതമാനം വരെ എത്തുമെന്നും വൺപ്ലസ് അവകാശപ്പെടുന്നു. ഈ വാച്ചിനായി വൺപ്ലസ് നൽകുന്ന ഓഫറുകൾ എന്തെല്ലാമാണെന്ന് പരിശോധിക്കാം.

ഐസിഐസിഐ ബാങ്കിന്റെ കാർഡോ വൺകാർഡോ ഉപോയി​ഗിച്ച് ഈ വാച്ച് സ്വന്തമാക്കിയാൽ 2000 രൂപ വരെ ഡിസ്കൗണ്ട് ലഭിക്കുന്നതായിരിക്കും. വൺപ്ലസിന്റെ ഔദ്യോ​ഗിക സ്റ്റോറിൽ നിന്നോ വെബ്സൈറ്റിൽ നിന്നോ ഈ വാച്ച് വാങ്ങുന്ന ആദ്യത്തെ മൂന്ന് ഉപയോക്താക്കൾക്ക് സൗജന്യമായി വൺപ്ലസ് കിബോർഡ് 81 പ്രോ ലഭിക്കുമെന്നും കമ്പനി വാ​ഗ്ദാനം ചെയ്യുന്നു. തിരഞ്ഞെടുക്കുന്ന ഉപയോക്താക്കൾക്ക് സൗജന്യമായി ഷോർഡർ ബാ​ഗ് ലഭിക്കുമെന്നും കമ്പനി പറയുന്നു.