ഇതൊക്കെയാണ് സ്മാർട്ട് വാച്ച്, ഒറ്റ ഫുൾ ചാർജിൽ 80 ദിവസം ബാറ്ററിലൈഫ്; പ്രമോട്ട് എക്സ് വാച്ച്-ആർ19 ഇന്ത്യയിൽ

പ്രമുഖ സ്മാർട്ട് വാച്ച് നിർമ്മാതാക്കളായ പ്രമോട്ട് ടെക്നോളജീസ് ഇന്ത്യൻ മാർക്കറ്റിൽ പുതിയ സ്മാർട്ട് വാച്ച് അവതരിപ്പിച്ചു. പ്രമോട്ട് എക്സ് വാച്ച്- ആർ 19 എന്ന മോഡൽ വാച്ചാണ് കമ്പനി ഇപ്പോൾ ഇന്ത്യയിൽ‌ അവതരിപ്പിച്ചിരിക്കുന്നത്. ഫിറ്റ്നസ് പ്രേമികൾക്കും ആരോ​ഗ്യം സംരക്ഷിക്കുന്നവർക്കും നിരവധി ​ഗുണങ്ങൾ ചെയ്യുന്ന തരത്തിലാണ് കമ്പനി ഈ സ്മാർട്ട് വാച്ച് തയ്യാറാക്കിയിരിക്കുന്നത്.

ഒറ്റ ഫുൾ ചാർജിൽ തന്നെ 80 ദിവസത്തോളം ബാറ്ററിലൈഫ് വാ​ഗ്ദാനം ചെയ്യുന്ന സ്മാർട്ട് വാച്ചാണ് പ്രമോട്ട് എക്സ് വാച്ച്-ആർ 19 എന്ന് കമ്പനി അവകാശപ്പെടുന്നു. അതായത് മൂന്ന് മാസത്തിൽ ഒരിക്കൽ മാത്രം ഈ വാച്ചുകൾ ചാർജ് ചെയ്താൽ സ്റ്റാൻഡ്‌ബൈയായി ചാർജ് നിന്നോളും. ശരാശരി സ്മാർട്ട് വാച്ചുകൾ ആഴ്ചകളോളം ആണ് ബാറ്ററിലൈഫ് വാ​ഗ്ദാനം ചെയ്യുന്നത്. ഇത് ആദ്യമായാണ് ഒരു സ്മാർട്ട് വാച്ച് ഇത്രയും ദിവസത്തെ ബാറ്ററി ലൈഫ് വാ​ഗ്ദാനം ചെയ്യുന്നത്.

MOST READ: പശുവിനെക്കൊണ്ട് ബിയർ കുടിപ്പിച്ച് സക്കർബർ​ഗ്; ലക്ഷ്യം നല്ല രുചിയുള്ള ബീഫ് കിട്ടാൻ

നൂറിൽ അധികം സ്പോർട് മോഡുകളും ഈ വാച്ചുകൾക്ക് അവകാശപ്പെടാൻ സാധിക്കുമെന്ന് ലോഞ്ച് വേളയിൽ ഇന്ത്യയുടെ സാർക്ക് മേധാവിയായ ഗോപാൽ ജയരാജ് പറഞ്ഞു. പ്രീമിയം ലുക്കിൽ ആണ് ഈ വാച്ച് ഡിസൈൻ ചെയ്തിരിക്കുന്നത്. സ്മാർട്ട് വാച്ച് ആരാധകരെ പ്രീതിപ്പെടുത്താൻ സാധിക്കുന്ന എല്ലാ തരത്തിലുള്ള ഫീച്ചറുകളും ഈ വാച്ചിൽ ഉണ്ടായിരിക്കും എന്നും ഇദ്ദേഹം കൂട്ടിച്ചേർത്തു. പ്രധാനമായും മൂന്ന് നിറങ്ങളിലാണ് ഈ വാച്ച് ഇന്ത്യയിൽ പുറത്തിറക്കിയിരിക്കുന്നത്.

ബ്ലാക്ക്, ഗ്രേ, എംഎൻജി എന്നിവയാണ് ഈ നിറങ്ങൾ. ആമസോണിലൂടെ മാത്രമെ ഈ സ്മാർട്ട് വാച്ച് ഇപ്പോൾ ഇന്ത്യയിൽ ലഭ്യമാകു. 5,999 രൂപ വില വരുന്ന ഈ വാച്ചിന് 12 മാസത്തെ വാറന്റിയും കമ്പനി വാ​ഗ്ദാനം ചെയ്യുന്നുണ്ട്. വാച്ചിന്റെ പ്രധാന സവിശേഷതകൾ എന്തെല്ലാമാണെന്ന് പരിശോധിക്കാം. സ്പോട്ടീ ലൂക്ക് തന്നെയാണ് ഈ ഫോണിന്റെ ആദ്യത്തെ പ്രത്യേകത. പൊടിപടലങ്ങളിൽ നിന്നും വെയിലിൽ നിന്നുമെല്ലാം സ്വയം പരിരക്ഷ നേടാൻ ഈ ഡിസൈൻ വാച്ചിനെ സഹായിക്കുന്നുണ്ട്.

MOST READ: 200എംപി ക്യാമറ, റെഡ്മി നോട്ട്13 സീരീസ് വിൽപന ഇന്ത്യയിൽ ആരംഭിച്ചു; വിലക്കുറവിൽ ലഭിക്കാൻ ഇതാ ഒരു മാർ​ഗം

പൊടിയിൽ നിന്നും വെള്ളത്തിൽ നിന്നുമുള്ള വാച്ചിന്റെ പ്രതിരോധത്തിന്റെ റേറ്റിങ് IP67 ആണ്. ഒരു മെറ്റാലിക് ചേസിലാണ് ഈ ഫോൺ പ്രമോട്ട് ടെക്നോളജീസ് നിർമ്മിച്ചിരിക്കുന്നത്. 360x360 റെസല്യൂഷനും പീക്ക് തെളിച്ചവുമുള്ള 1.53 ഇഞ്ച് ഡിസ്‌പ്ലേയാണ് പ്രമോട്ട് എക്സ് വാച്ച്-ആർ 19ന് ആയി ഒരുക്കിയിരിക്കുന്നത്. വാച്ച് ഫേസിന്റെ വലതു വശത്ത് രണ്ട് ബട്ടണുകളാണ് കമ്പനി നൽകിയിരിക്കുന്നത്. ഇതുവഴി ഫോണിലെ വിവധ ഫീച്ചറുകൾ നിയന്ത്രിക്കാൻ സാധിക്കും.

ആരോ​ഗ്യ കാര്യങ്ങൾ ശ്രദ്ധിക്കുന്നവർക്കായി ഓക്‌സിജൻ സാച്ചുറേഷൻ, ബ്ലഡ് പ്രഷർ ഡിറ്റക്ഷൻ ഫീച്ചർ, സ്ലീപ് ട്രാക്കർ എന്നിവ പ്രമോട്ട് എക്സ് വാച്ച്-ആർ 19 വാ​ഗ്ദാനം ചെയ്യുന്നുണ്ട്. VC30F ഹാർട്ട് റേറ്റ് സെൻസറിന്റെ സഹായത്താൽ ഹൃദയമിടിപ്പും SC7A2O പെഡോമീറ്റർ സെൻസർ ഉപയോ​ഗിച്ച് ഹെൽത്ത് മെട്രിക്‌സും ഉപയോക്താക്കൾക്ക് നിരീക്ഷിക്കാൻ സാധിക്കുന്നതായിരിക്കും. ഇവ രണ്ടും സംയോജിപ്പിച്ചാണ് ഈ വാച്ചിൽ നൽകിയിരിക്കുന്നത്.

നേരത്തെ സൂചിപ്പിച്ചത് പോലെ 100-ലധികം സ്പോർട് മോഡുകളുടെ പിന്തുണയും ഈ വാച്ചിന് ഉണ്ടായിരിക്കുന്നതാണ്. അഞ്ച് കാന്തങ്ങൾ ഉൾക്കൊള്ളുന്ന പെന്റമാഗ്നറ്റിക് സ്പീക്കർ ആണ് ഈ വാച്ചിൽ നിർമ്മാതാക്കൾ നൽകിയിരിക്കുന്നത്. ആയതിനാൽ തന്നെ വ്യക്തതയോടെ ബ്ലൂടൂത്ത് കോളിങ് നടത്താനും ഈ വാച്ച് ഉപയോക്താക്കളെ സഹായിക്കുന്നതായിരിക്കും. ബ്ലൂടൂത്ത് 5.1 കണക്റ്റിവിറ്റിയാണ് ഈ വാച്ചിന് നൽകിയിരിക്കുന്നത്. ബ്ലൂടൂത്ത് വഴി റിമോട്ട് മ്യൂസിക് കൺട്രോൾ, കാലാവസ്ഥാ അപ്‌ഡേറ്റുകൾ, മറ്റ് നോട്ടിഫിക്കേഷനുകൾ എല്ലാം തന്നെ ലഭിക്കും.

അതേ സമയം ഈ വാച്ചിന്റെ ഏറ്റവും വലിയ സവിശേഷത ഇതിന്റെ ബാറ്ററിലൈഫ് ആണ്. 15 ദിവസം ഇത് തുടർച്ചായി ഉപയോ​ഗിക്കാൻ സാധിക്കുന്നതായിരിക്കും. 80 ദിവസത്തെ സ്റ്റാൻഡ്‌ബൈ സമയവും ഈ വാച്ചിന്റെ നിർമ്മാതാക്കൾ അവകാശപ്പെടുന്നുണ്ട്. ഇലക്ട്രോണിക് കാർഡുകളും ക്യൂആർ കോഡുകളും സ്റ്റോർ ചെയ്യാനുള്ള സംവിധാനവും ഈ വാച്ചിന് ഉണ്ടായിരിക്കുന്നതാണ്. എവിടെ നിന്ന് വേണമെങ്കിലും ഇവയിലേക്ക് ഉപയോക്താക്കൾക്ക് ആക്സസ് ലഭിക്കുന്നതാണ്.