കൈയ്യിൽ പണമില്ലെങ്കിൽ ​ഗൂ​ഗിൾ പേ നിങ്ങൾക്ക് പണം തരും; കടമായിട്ടാണേ... തിരിച്ചു കൊടുക്കണേ...

ഇന്ന് സ്മാർട്ട് ഫോണുകൾ കൈവശമുള്ള ആളുകൾ എല്ലാവരും തന്നെ ഉപയോ​ഗിക്കുന്ന ആപ്പുകളിൽ ഒന്നായിരിക്കും ​ഗൂ​ഗിൾ പേ. നിരവധി യുപിഐ ആപ്പുകൾ ഇന്ന് ഇന്ത്യയിൽ നിലവിൽ ഉണ്ടെങ്കിലും ​ഗൂ​ഗിൾ പേയും ഫോൺ പേയും ആണ് മുന്നിൽ നിൽക്കുന്നത്. ഇതിൽ തന്നെ ഏറ്റവും കൂടുതൽ ഉപയോക്താക്കൾ ഉള്ളത് ​ഗൂ​ഗിൾ പേയ്ക്കാണ്.

യുപിഐ ആപ്പുകളുടെ ഉപയോ​ഗം വർധിച്ചതോടെ ഇന്ത്യയിലെ പണമിടപാടുകൾ ഭൂരിഭാ​ഗവും കറൻസി രഹിതമായി. ഇന്ന് രാജ്യത്തിന്റെ ചില കു​ഗ്രാമങ്ങളിൽ വരെ യുപിഐ ആപ്പുകളുടെ സേവനം ലഭ്യമാണ്. രാജ്യത്ത് നടക്കുന്ന ബ​ഹുഭൂരിപക്ഷം പണമിടപാടുകൾ ഡിജിറ്റൽ രൂപത്തിലാണ് ഇപ്പോൾ നടക്കുന്നത്. പ്രത്യേകിച്ചും കോവിഡ് ലോക്ഡൗൺ സമയം മുതലാണ് കൂടുതൽ ആളുകളും യുപിഐ ആപ്പുകൾ ഉപയോ​ഗിച്ച് തുടങ്ങിയത്. ഇന്ന് എല്ലാത്തരം പണമിടപാടുകൾക്കും ഇത്തരം ആപ്പുകളെ ആണ് ഉപയോക്താക്കൾ ആശ്രയിക്കുന്നത്.

MOST READ: പാവങ്ങളുടെ തോഴനായ ഇൻഫിനിക്സിന്റെ രണ്ട് ഫോണുകൾ ഉടനെത്തും; കുറഞ്ഞ വിലയിൽ പ്രീമിയം ഫീച്ചറുകൾ പ്രതീക്ഷിക്കാം

എന്നാൽ വെറുതെ പണം അയയ്ക്കാൻ മാത്രമല്ല ​ഗൂ​ഗിൾ പേ കൊണ്ടുള്ള ഉപയോ​ഗം. ​ഗൂ​ഗിൾ പേയിൽ നിന്ന് നിങ്ങൾക്ക് ആവിശ്യ ഘട്ടങ്ങളിൽ കടം വാങ്ങാം എന്ന കാര്യം നിങ്ങൾക്ക് അറിയാമോ? അതേ സം​ഗതി സത്യമാണ് 20,000 രൂപ വരെ ഇത്തരത്തിൽ ​ഗൂ​ഗിൾ പേയിൽ നിന്ന് ഉപയോക്താക്കൾക്ക് കടമായി വാങ്ങാൻ സാധിക്കുന്നതാണ്. എങ്ങനെയാണ് ഇത് സാധ്യമാകുന്നത് എന്ന് പരിശോധിക്കാം. ഇതിനായി ആദ്യം തന്നെ നിങ്ങളുടെ ​ഗൂ​ഗിൾ പേ ആപ്പ് തുറക്കേണ്ടതാണ്.

ശേഷം വലത് വശത്ത് മുകൾ ഭാ​ഗത്തായി കാണുന്ന നിങ്ങളുടെ പ്രൊഫൈൽ ഐക്കണിൽ ക്ലിക്ക് ചെയ്യുക. ഇപ്പോൾ നിങ്ങളുടെ പ്രൊഫൈൽ വലുതായി നിങ്ങളുടെ സ്ക്രീനിൽ കാണാൻ സാധിക്കുന്നതാണ്. ഇതിൽ ബാങ്ക് അക്കൗണ്ട്, റൂപെയ് ക്രെഡിറ്റ് കാർഡ്, യുപിഐ ലൈറ്റ് എന്നിങ്ങനെ ഒരു പ്രത്യേക വിഭാ​ഗമായി മൂന്ന് ഓപ്ഷനുകൾ കാണാൻ സാധിക്കുന്നതാണ്. ഈ വിഭാ​ഗങ്ങൾക്ക് മകളിലായി ഒരു ആരോ മാർക്കും കാണാൻ സാധിക്കും.

MOST READ: പെട്ടെന്ന് ജോലി ലഭിക്കാൻ ഒരു വിദ്യയുണ്ട്; എടിഎസ് ഫ്രണ്ട്ലി റെസ്യൂമെ, ഓൺലൈനായി എളുപ്പത്തിൽ നിർമ്മിക്കാം

ഈ ആരോ മാർക്കിലാണ് നിങ്ങൾ ക്ലിക്ക് ചെയ്യേണ്ടത്. ഇപ്പോൾ നിരവധി ഓപ്ഷനുകൾ നിങ്ങൾക്ക് കാണാൻ സാധിക്കുന്നതായിരിക്കും ഇതിൽ ആഡ് ക്രെഡിറ്റ് ലൈൻ എന്ന ഒരു ഓപ്ഷനും കാണാം. ഇവിടെയാണ് നിങ്ങൾ ക്ലിക്ക് ചെയ്യേണ്ടത്. ഇപ്പോൾ സ്റ്റേറ്റ് ബാങ്ക് ഓഫ് ഇന്ത്യ, ഐസിഐസിഐ എന്നീ ബാങ്കുകളുടെ ഓപ്ഷനുകൾ കാണാൻ സാധിക്കുന്നതാണ്. ഇതിൽ ഏതെങ്കിലും ഒരു ബാങ്കിൽ നിങ്ങൾക്ക് അക്കൗണ്ട് ഉണ്ടെങ്കിൽ ​ഗൂ​ഗിൾ പേയിൽ നിന്ന് കടമായി പണം വാങ്ങാൻ സാധിക്കും.

നിലവിൽ ഈ രണ്ട് ബാങ്കിൽ ഏതെങ്കിലും ഒന്നിൽ അക്കൗണ്ട് ഉള്ളവർക്ക് മാത്രമാണ് ഇത്തരത്തിൽ ​ഗൂ​ഗിൾ പേയിൽ നിന്ന് പണം കടം വാങ്ങാൻ സാധിക്കു. വരും ദിവസങ്ങളിൽ മറ്റ് ബാങ്കുകളും ഈ സേവനം ആരംഭിക്കും എന്നാണ് പ്രതീക്ഷിക്കുന്നത്. 20,000 രൂപ വരെ ഇത്തരത്തിൽ കടമായി ​ഗൂ​ഗിൾ പേയിൽ നിന്ന് വാങ്ങാൻ സാധിക്കുന്നതാണ്. അതേ സമയം ഇത്തരത്തിൽ കടമെടുക്കുമ്പോൾ ശ്രദ്ധിക്കേണ്ട മറ്റ് ചില കാര്യങ്ങളും ഉണ്ട്. ഇവ എന്തെല്ലാമാണെന്ന് പരിശോധിക്കാം.

നിങ്ങൾ ഇത്തരത്തിൽ‌ കടം വാങ്ങിച്ച പണം 42 ദിവസത്തിനുള്ളിൽ തന്നെ തിരിച്ചടയ്ക്കാൻ നിങ്ങൾ ബാധ്യസ്ഥനാണ്. ഇതിന് സാധിച്ചില്ലെങ്കിൽ പ്രതിമാസം 3 ശതമാനം പലിശ ഇവർ ഈടാക്കുന്നതാണ്. പണം 42 ദിവസത്തിനുള്ളിൽ തിരിച്ചടയ്ക്കാം എന്ന് ഉറപ്പുണ്ടെങ്കിൽ മാത്രം ഇത്തരത്തിൽ വായ്പ എടുക്കുന്നതായിരിക്കും നല്ലത്. മാത്രമല്ല അത്യാവശ്യ ഘട്ടങ്ങൾ വരുമ്പോൾ മാത്രം ഈ വിദ്യ പ്രയോ​ഗിക്കാനും ശ്രദ്ധിക്കുക.

അനാവശ്യ കാര്യങ്ങൾക്ക് ഈ പണമെടുത്തു കഴിഞ്ഞാൽ ചിലപ്പോൾ ഇത് നിങ്ങൾക്ക് വലിയ ബാധ്യതയാകാനും സാധ്യതയുണ്ട്. ചുരുക്കി പറഞ്ഞാൽ ക്രെഡിറ്റ് കാർഡ് ഉപയോ​ഗിക്കുന്നത് പോലെ തന്നെയാണ് ​ഗൂ​ഗിൾ പേയുടെ ക്രെഡിറ്റ് ലൈനും ഉപയോ​ഗിക്കുന്നത്. അത്യാവശ്യ സാഹചര്യങ്ങളിൽ ഉപകാരപ്പെടുമെങ്കിലും അനാവശ്യമായി ഉപയോ​ഗിച്ചാൽ സിബിൽ സ്കോർ കുറയാനും ഇത് നിങ്ങളുടെ ആകെ ബാങ്കിങ് ഇടപാടിനെ ബാധിക്കാനും ഇടയാകും.