സ്മാര്‍ട്ട്‌ഫോണ്‍ പൊട്ടിത്തെറിക്കാതിരിക്കാന്‍ എന്തു ചെയ്യാം?

1

ലിത്തിയം ബാറ്ററികളുടെ ഒരു പ്രശ്‌നമാണ് 'തെര്‍മ്മല്‍ റണ്‍വേ'. അധിക ചൂടായാല്‍ ഇത് പ്രശ്‌നമാണ്. ഇതില്‍ നിന്നും സംരക്ഷിക്കാന്‍ സ്മാര്‍ട്ട്‌ഫോണ്‍ നിര്‍മ്മാതാക്കള്‍ തന്നെ ഒരു സിസ്റ്റം നടപ്പാക്കിയിട്ടുണ്ട്.

2

സ്മാര്‍ട്ട്‌ഫോണുകളുടെ ബാറ്ററികള്‍ ഇപ്പോള്‍ വളരെ കട്ടി കുറഞ്ഞതാണ്. ഇതു കാരണം ബാറ്ററിയുടെ പോസിറ്റീവ് നെഗറ്റീവ് പ്ലേറ്റുകള്‍ സൂക്ഷിക്കാന്‍ അതില്‍ സ്ഥലം കുറവായിരിക്കും. ഈ രണ്ടു പ്ലേറ്റുകള്‍ക്കിടയില്‍ എന്തെങ്കിലും സംഭവിച്ചാല്‍ ഫോണ്‍ പൊട്ടിത്തെറിക്കുകയൊ മറ്റോ സംഭവിക്കാം.

3

സ്മാര്‍ട്ട്‌ഫോണ്‍ നിര്‍മ്മാതാക്കള്‍ സാധാരണയായി ബാറ്ററി സുരക്ഷിതമാക്കാന്‍ എല്ലാ നിര്‍ദ്ദേശങ്ങളും പാലിക്കുന്നതാണ്. എന്നാല്‍ ചില നിര്‍മ്മാതാക്കള്‍ പണം ലാഭിക്കുന്നതിനു വേണ്ടി ബാറ്ററി ഓവര്‍ഹീറ്റ് ചെയ്യുമ്പോള്‍ തടയാനുളള ഫ്യുസ് വയ്ക്കാറില്ല. ഇത് വളരെ അപകടമായ ഒന്നാണ്.

4

ഫോണില്‍ എപ്പോഴും ഒറിജിനല്‍ ബാറ്ററി തന്നെ ഉപയോഗിക്കണം.

5

ചൂടുളള സ്ഥലങ്ങളില്‍ നിങ്ങളുടെ സ്മാര്‍ട്ട്‌ഫോണ്‍ വയ്ക്കരുത്, പ്രത്യേകിച്ചും ചാര്‍ജ്ജ് ചെയ്യുമ്പോള്‍. ഇത് ഓവര്‍ഹീറ്റിങ്ങിന് ഒരു കാരണമാണ്.

6

ചാര്‍ജ്ജ് ചെയ്യുമ്പോള്‍ ഫോണ്‍ ഉപയോഗിക്കുമ്പോള്‍ അത് പൊട്ടിത്തെറിക്കാന്‍ കൂടുതല്‍ സാധ്യതയുണ്ട്.