ലക്ഷക്കണക്കിന് ഉപയോക്താക്കൾക്ക് ഇനി യൂട്യൂബ് ആസ്വദിക്കാനാകില്ല; നിങ്ങളുടെ അക്കൗണ്ട് സുരക്ഷിതമാണോ?

ആഡ് ബ്ലോക്കേഴ്സുമായുള്ള യുദ്ധം ആരംഭിച്ച് പ്രമുഖ വീഡിയോ പ്ലാറ്റ്ഫോമായ യൂട്യുബ്. ആഡ് ബ്ലോക്കുകൾ ഉപയോ​ഗിക്കുന്ന ഉപയോക്താക്കൾക്ക് വീഡിയോ കാണുന്നതിൽ നിയന്ത്രണം കൊണ്ടു വരുമെന്ന് യൂട്യൂബ് നേരത്തെ അറിയിച്ചിരുന്നെങ്കിലും കഴിഞ്ഞ ദിവസങ്ങൾ മുതലാണ് ഇത് പ്രാബല്യത്തിൽ വന്നത്. ഇതോടെ ആഡ് ബ്ലോക്കുകൾ ഉപയോ​ഗിക്കുന്നവർക്ക് നിയന്ത്രണം വന്നിരിക്കുകയാണ്.

നിലവിൽ ലക്ഷക്കണക്കിന് ഉപയോക്താക്കളാണ് ആഡ് ബ്ലോക്കുകൾ ഉപയോ​ഗിച്ച് യൂട്യൂബ് സേവനങ്ങൾ ആസ്വദിക്കുന്നത്. ഇവർക്ക് ഇനി മുതൽ മൂന്ന് വീഡിയോകൾ മാത്രമേ ഒരു ദിവസം യൂട്യൂബിൽ കാണാൻ സാധിക്കു എന്നാണ് പുറത്ത് വരുന്ന റിപ്പോർട്ടുകൾ സൂചിപ്പിക്കുന്നത്. മാത്രമല്ല വേ​ഗത കുറഞ്ഞ തരത്തിൽ ആയിരിക്കും ഇവർക്ക് യൂട്യൂബ് ആസ്വദിക്കാൻ സാധിക്കു. വീഡിയോ പ്ലേ ചെയ്യുമ്പോൾ ബഫറുകൾ വരാനും സാധ്യതയുണ്ട്. പരസ്യങ്ങൾ ഒഴിവാക്കി യൂട്യൂബ് ആസ്വദിക്കുന്നതിനാണ് ഇവർ ആഡ് ബ്ലോക്കുകൾ ഉപയോ​ഗിക്കുന്നത്.

MOST READ: കേരളത്തിൽ എവിടെയും ഇനി 1000എംബിപിഎസ് സ്പീഡിൽ ഇന്റർനെറ്റ്; ജിയോയുടെ പുതിയ സേവനം നേടിയെടുക്കാം

അതേ സമയം പരസ്യങ്ങൾ ഒഴിവാക്കി യൂട്യൂബ് ആസ്വദിക്കാനായി പ്രീമിയം സർവ്വീസുകൾ യൂട്യൂബ് പരിജയപ്പെടുത്തിയിട്ടുണ്ട്. ഉപയോക്താക്കൾക്ക് പരസ്യങ്ങൾ ഇല്ലാതെ യൂട്യൂബ് ആസ്വദിക്കണമെങ്കിൽ ഈ പ്രീമിയം സർവ്വീസുകൾ സബ്സ്ക്രൈബ് ചെയ്യേണ്ടതാണ്. അല്ലാത്ത പക്ഷം യൂട്യൂബിൽ വരുന്ന പരസ്യങ്ങൾ കണ്ടുകൊണ്ട് തന്നെ വീഡിയോകൾ കാണേണ്ടതുണ്ട്. ഇത് ഒഴിവാക്കാനായി ആഡ് ബ്ലോക്കുകൾ ഉപയോ​ഗിച്ചാൽ മൂന്ന് വീഡിയോകൾ മാത്രമെ യൂട്യൂബിൽ ഒരു ദിവസം കാണാൻ സാധിക്കു. അതും കുറഞ്ഞ വേ​ഗതയിൽ മാത്രം.

യൂട്യൂബിന് പ്രധാനമായും വരുമാനം ലഭിക്കുന്നത് ഇത്തരം പരസ്യങ്ങളിലൂടെയാണ്. ഈ വരുമാനം കുറഞ്ഞതോടെയാണ് ആഡ് ബ്ലോക്കുകൾ ഉപയോ​ഗിക്കുന്നവർക്കെതിരെ നടപടി സ്വീകരിക്കാൻ പ്ലാറ്റ്ഫോം തയ്യാറായത്. ഇതേ തുടർന്ന് പ്രതിഷേധവുമായി നിരവധി ഉപയോക്താക്കൾ രം​ഗത്ത് വന്നിട്ടുണ്ട്. റെഡ്ഡിക്ട് പോലുള്ള പ്ലാറ്റ്ഫോമിലാണ് ഉപയോക്താക്കൾ തങ്ങളുടെ പ്രതിഷേധം അറിയിച്ചിരിക്കുന്നത്. ഇന്റര്‍നെറ്റ് വേഗം കുറയുന്നതിന് സമാനമായ തകരാറുകള്‍ യൂട്യൂബ് കൃത്രിമമായി സൃഷ്ടിക്കുകയാണ് എന്നാണ് ഉപയോക്താക്കളുടെ പരാതി.

MOST READ: ഫ്ലിപ്പ്കാർട്ടോ ആമസോണോ; റിപ്പബ്ലിക്ക് ദിന ഓഫർ വിൽപനയിൽ മികച്ച ഡീലുകൾ നൽകുന്നത് ആര്?

അതേ സമയം ആഡ് ബ്ലോക്കുകൾ ഉപയോ​ഗിക്കുന്ന ഉപയോക്താക്കളുടെ മെയിൽ ഐഡിയിലേക്ക് മെയിൽ അയച്ചതിന് ശേഷം മാത്രമെ ഇവർക്കെതിരെ യൂട്യൂബ് നടപടി സ്വീകരിക്കു എന്നും റിപ്പോർട്ടുകൾ സൂചിപ്പിക്കുന്നു. പര്യങ്ങൾ നീക്കി യൂട്യൂബ് ആസ്വദിക്കണമെങ്കിൽ പ്രീമിയം മെമ്പർഷിപ്പ് സ്വീകരിക്കുക. ഇല്ലാത്ത പക്ഷം സൗജന്യമായി പരസ്യങ്ങളോടെ യൂട്യൂബ് ആസ്വദിക്കുക എന്നാണ് ഈ സന്ദേശത്തിൽ യൂട്യൂബ് പറയുന്നത്. ആഡ് ബ്ലോക്കുകൾ ഉപയോ​ഗിക്കുന്നത് യൂട്യൂബിന്റെ പോളിസിക്ക് എതിരാണെന്നും ഇവർ ഈ സന്ദേശത്തിൽ കൂട്ടിച്ചേർക്കുന്നു.

ഇന്ത്യയിൽ യൂട്യൂബ് പ്രീമിയം സബ്സ്ക്രൈബ് ചെയ്യാനുള്ള വില ആരംഭിക്കുന്നത് 129 രൂപ മുതലാണ്. യൂട്യൂബിന്റെ സ്റ്റാൻഡേർഡ് പ്രതിമാസ പ്ലാൻ ആണിത്. പരസ്യരഹിത യൂട്യൂബ് ആസ്വാദനവും പശ്ചാത്തല പ്ലേബാക്കും ഈ സർവ്വീസ് വാ​ഗ്ദാനം ചെയ്യുന്നുണ്ട്. അതേ സമയം ഒരു മാസത്തേക്കുള്ള ഫാമിലി പ്രീമിയം പ്ലാനിന്റെ വില ആരംഭിക്കുന്നത് 189 രൂപ മുതലാണ്. ഒരു കുടുംബത്തിലെ അഞ്ച് അം​ഗങ്ങൾക്ക് വരെ ഈ പ്ലാനിന്റെ ഭാ​ഗമാകാവുന്നതാണ്.

യൂട്യൂബ് പ്രീമിയം സബ്സ്ക്രിപ്ഷന്റെ വാർഷിക പ്ലാനുകൾ ആരംഭിക്കുന്നത് 1159 രൂപ മുതലാണ്. വിദ്യാർത്ഥികൾക്കായി പ്രത്യേകം ഓഫറും യൂട്യൂബ് പുറത്തിറക്കിയിട്ടുണ്ട്. വെറും 79 രൂപയ്ക്ക് വിദ്യാർത്ഥികൾക്ക് യൂട്യൂബ് പ്രീമിയം ആസ്വദിക്കാൻ സാധിക്കുന്ന വിധത്തിലാണ് ഈ പ്ലാൻ പുറത്തിറക്കിയിരിക്കുന്നത്. എന്നാൽ നിങ്ങൾ വിദ്യാർത്ഥി ആണെന്നതിനുള്ള തെളിവുകൾ യൂട്യൂബിന് സമർപ്പിക്കേണ്ടതുണ്ട്. മൂന്ന് മാസത്തേക്ക് 399 രൂപ വിലയുള്ള ഒരു പ്ലാനും യൂട്യൂബ് ഇന്ത്യൻ ഉപയോക്താക്കൾക്കായി പുറത്തിറക്കിയിട്ടുണ്ട്.

ലോകത്ത് തന്നെ ഏറ്റവും കൂടുതൽ ഉപയോക്താക്കൾ ഉപയോ​ഗിക്കുന്ന വീഡിയോ പ്ലാറ്റ്ഫോമാണ് യൂട്യൂബ്. മറ്റ് സോഷ്യൽ മീഡിയകൾ പോലെ തന്നെ യൂട്യൂബിനും നിരവധി ഉപയോക്താക്കളാണ് ഇന്ത്യയിൽ ഉള്ളത്. ആയതിനാൽ തന്നെ പ്രമുഖ സോഷ്യൽ മീഡിയാ പ്ലാറ്റ്ഫോമുകളെ പുതിയ തീരുമാനങ്ങൾ ഏറ്റവും കൂടുതൽ ബാധിക്കുന്ന രാജ്യങ്ങളിൽ ഒന്ന് ഇന്ത്യ ആയിരിക്കും. യൂട്യൂബിന്റെ ഈ പുതിയ തീരുമാനവും ഇന്ത്യയിലെ ലക്ഷക്കണത്തിന് ഉപയോക്താക്കളെ ബാധിക്കുന്നതാണ്.