കുറഞ്ഞ വിലയ്ക്ക് ചൈനയ്ക്ക് പണികൊടുത്ത് ഇന്ത്യൻ ബ്രാൻഡ്; ലാവ യുവ 3 പുറത്തിറക്കി, വില വെറും 6,799 രൂപ

ഇന്ത്യൻ സ്മാർട്ട് ഫോൺ നിർമ്മാതാക്കളായ ലാവ തങ്ങളുടെ ഏറ്റവും പുതിയ സ്മാർട്ട് ഫോൺ ഇന്ത്യയിൽ അവതരിപ്പിച്ചു. ലാവ യുവ 3 എന്ന മോഡലാണ് കമ്പനി പുതിയതായി അവതരിപ്പിച്ചിരിക്കുന്നത്. കഴിഞ്ഞ വർഷം ലാവ പുറത്തിറക്കിയ യുവ 2വിന്റെ പിൻ​ഗാമി എന്ന നിലയ്ക്കാണ് പുതിയ ഫോണിനെ ഇപ്പോൾ പുറത്തിറക്കിയിരിക്കുന്നത്.

ഒരു ബഡ്ജറ്റ് ഫ്രണ്ട്ലി ഫോൺ എന്ന നിലയ്ക്കാണ് പുതിയ ഫോണിനെ ലാവ അവതരിപ്പിച്ചിരിക്കുന്നത്. ഫോണിന്റെ ഫീച്ചറുകൾ പരിശോധിക്കുമ്പോൾ 1600 × 720 പിക്സലുകളുള്ള 6.5 ഇഞ്ച് എച്ച്ഡി പ്ലസ് ഡിസ്പ്ലേയാണ് ഈ ഫോണിനായി ലാവ തയ്യാറാക്കിയിരിക്കുന്നത്. ഈ ഡിസ്പ്ലേയ്ക്ക് 90 Hz പുതുക്കൽ നിരക്കും അവകാശപ്പെടാനുണ്ട്. യുവ 2-ന് സമാനമായി Unisoc T606 SoC പ്രൊസസർ ആണ് പുതിയ ഫോണിനും ലാവ നൽകിയിരിക്കുന്നത്.

MOST READ: ഐഫോണുകളും ആപ്പിൾ ഉപകരണങ്ങളും ഏത് സമയവും ഹാക്ക് ചെയ്യപ്പെട്ടേക്കാം; അറിയിപ്പുമായി സൈബര്‍ സുരക്ഷാ ഏജന്‍സി

4 ജിബി റാം 4 ജിബി വെർച്വൽ റാം എന്നിങ്ങനെ 8 ജിബി റാം ഈ ഫോൺ വാ​ഗ്ദാനം ചെയ്യുന്നുണ്ട്. രണ്ട് സ്റ്റോറേജ് വേരിയന്റുകൾ ആണ് യുവ 3യ്ക്ക് ലാവ നൽകിയിരിക്കുന്നത്. 64 ജിബി, 128 ജിബി എന്നിവയാണ് ഈ സ്റ്റോറേജ് വേരിയന്റുകൾ. മൈക്രോ എസ്ഡി കാർഡുകൾ വഴി ഇതിന്റെ സ്റ്റോറേജ് 512 ജിബി വരെയാക്കി ഉയർത്താൻ സാധിക്കുന്നതാണ്. ആൻഡ്രോയിഡ് 13ൽ ആയിരിക്കും ഈ ഫോൺ പ്രവർത്തിക്കുക.

ഈ ഫോണിന് രണ്ട് വർഷത്തേക്ക് ആൻഡ്രോയിഡ് 14 അപ്‌ഗ്രേഡും ത്രൈമാസ സുരക്ഷാ അപ്‌ഡേറ്റുകളും ലാവ വാ​ഗ്ദാനം ചെയ്യുന്നു. ഫോണിന്റെ ക്യാമറ ഡിപ്പാർട്ട്മെന്റ് പരിശോധിക്കുമ്പോൾ എൽഇഡി ഫ്ലാഷ് ലൈറ്റോടെ 13 എംപി ക്യാമറയാണ് പിൻവശത്ത് കാണാൻ സാധിക്കുന്നത്. ഒരു ക്യാമറ മാത്രമെ ഫോണിന്റെ പിന്നിൽ ഉള്ളു എന്നത് ശ്രദ്ധേയമാണ്. സെൽഫികൾക്കും വീഡിയോ കോളുകൾക്കുമായി 5 എംപി ക്യാമറയാണ് ഈ ഫോണിന്റെ മുൻവശത്തായി ലാവ നൽകിയിരിക്കുന്നത്.

MOST READ: വിലയിലല്ല, ഫീച്ചറിലാണ് കാര്യം എന്ന് അ‌റിയാമോ, എങ്കിൽ ബജറ്റ് വിലയിൽ വാങ്ങേണ്ട ഫോണുകൾ ഇതാ

സൈഡ് മൗണ്ടഡ് ഫിംഗർപ്രിൻ്റ് സ്കാനറും ഈ ഫോണിന്റെ സുരക്ഷയ്ക്കായി ലാവ നൽകിയിരിക്കുന്നു. യുഎസ്ബി ടൈപ്പ് സി വഴി 18W ചാർജിങ് പിന്തുണയുള്ള 5000 mAh ബാറ്ററിയാണ് ലാവ യുവ 3യ്ക്ക് അവകാശപ്പെടാനുള്ളത്. ഡുവൽ സിം പോർട്ടും ഈ ഫോണിൽ സ്ഥാനം പിടിച്ചിരിക്കുന്നു. മൈക്രോ സിം പോർട്ട് ആണ് ഇവ രണ്ടും. 3.5 എംഎം ഓഡിയോ ജാക്ക്, എഫ്എം റേഡിയോ എന്നിവയും ഈ ഫോണിന്റെ ഫീച്ചറുകളാണ്.

ലാവ യുവ 3യുടെ കണക്ടിവിറ്റികൾ പരിശോധിക്കുമ്പോൾ 4G VoLTE, Wi-Fi 802.11 ac, ബ്ലൂടൂത്ത് 5.0, ജിപിഎസ് + GLONASS, USB Type-C എന്നിവ കാണാൻ സാധിക്കുന്നതാണ്. എക്ലിപ്സ് ബ്ലാക്ക്, കോസ്മിക് ലാവന്റർ, ​ഗാലക്സി വൈറ്റ് എന്നിങ്ങനെ മൂന്ന് നിറങ്ങളിലാണ് ലാവ ഈ ഫോൺ പുറത്തിറക്കിയിരിക്കുന്നത്. നേരത്തെ സൂചിപ്പിച്ചത് പോലെ ബഡ്ജറ്റ് ഫ്രണ്ട്ലി സെ​ഗ്മെന്റിൽ ആണ് ലാവ ഈ ഫോണുകൾ അവതരിപ്പിച്ചിരിക്കുന്നത് ഇതിന്റെ വില പരിശോധിക്കാം.

ഫോണിന്റെ 4 ജിബി റാം 64 ജിബി സ്റ്റോറേജ് വേരിയന്റിന് 6,799 രൂപയാണ് വില. 4 ജിബി റാം 128 ജിബി സ്റ്റോറേജ് വേരിയന്റിന് ആകട്ടെ 7,299 രൂപയാണ് വില വരുന്നത്. ഫെബ്രുവരി 7 മുതൽ ആയിരിക്കും ഈ ഫോണിന്റെ വിൽപന ഇന്ത്യയിൽ ആരംഭിക്കുന്നത്. പ്രമുഖ ഇ കൊമേഴ്സ് വെബ്സൈറ്റ് ആയ ആമസോണിൽ നിന്ന് ആളുകൾക്ക് ഈ ഫോൺ സ്വന്തമാക്കാനാകുന്നതാണ്. ‌

ഇതിന് പുറമെ ലാവയുടെ റീട്ടെയിൽ സ്റ്റോറിൽ നിന്നും ലാവ ഇ സ്റ്റോറിൽ നിന്നും ഈ ഫോൺ ലഭിക്കുന്നതായിരിക്കും. ഒരു ബേസിക്ക് സ്മാർട്ട് ഫോൺ എന്ന നിലയ്ക്കാണ് ലാവ തങ്ങളുടെ യുവ 3 അവതരിപ്പിച്ചിരിക്കുന്നത്. ബേസിക് ഉപയോ​ഗത്തിന് അനുയോജ്യമായ ഫീച്ചറുകൾ മാത്രമാണ് ഈ ഫോണിനായി നൽകിയിരിക്കുന്നത് എന്ന കാര്യം മനസിലാക്കിയതിന് ശേഷം മാത്രമെ ഉപയോക്താക്കൾ ഈ ഫോൺ സ്വന്തമാക്കാവു എന്ന് ഓർമ്മിപ്പിക്കുകയാണ്.