മോട്ടോ ജി04 വിൽപന തുടങ്ങി; 10,000 രൂപയ്ക്ക് താഴെ വിലയിൽ ഇതിലും മികച്ച ഫോൺ സങ്കൽപ്പിക്കാൻ പോലും പറ്റില്ല

കഴിഞ്ഞ ദിവസമാണ് മോട്ടറോള തങ്ങളുടെ ബഡ്ജറ്റ് ഫ്രണ്ട്ലി സ്മാർട്ട് ഫോൺ ആയ മോട്ടോ ജി04 ഇന്ത്യയിൽ അവതരിപ്പിച്ചത്. 10,000 രൂപയിൽ താഴെ വില വരുന്ന ഈ ഫോൺ മികച്ച ഫീച്ചറുകളാൽ സമ്പന്നമാണ്. ആദ്യമായി ആണ് ഈ സെ​ഗ്മെന്റിൽ ഒരു ഫോൺ മോട്ടറോള ഇന്ത്യൻ സ്മാർട്ട് ഫോൺ വിപണിയിൽ അവതരിപ്പിക്കുന്നത്.

നിലവിൽ ഈ ഫോണിന്റെ വിൽപന ഇന്ത്യയിൽ ആരംഭിച്ചിരിക്കുകയാണ്. ഫെബ്രുവരി 22ന് ഉച്ചയ്ക്ക് 12 മണി മുതലാണ് മോട്ടോ ജി04ന്റെ വിൽപന ഇന്ത്യയിൽ ആരംഭിച്ചത്. പ്രധാനമായും ഇന്ത്യൻ സാമാർട്ട് ഫോൺ വിപണിയിൽ റെഡ്മി എ 3, ലാവ യുവ 3, ഇൻഫിനിക്സ് സ്മാർട്ട് 8 എന്നിവ ആയിരിക്കും ഈ ഫോണിന്റെ പ്രധാന എതിരാളികൾ. ഒരു 4ജി ഫോൺ എന്ന നിലയ്ക്കാണ് മോട്ടറോള തങ്ങളുടെ മോട്ടോ ജി04നെ ഇന്ത്യയിൽ അവതരിപ്പിച്ചിരിക്കുന്നത്.

MOST READ: ഐക്യൂവിന്റെ അടാർ ഐറ്റം നിയോ9 പ്രോ ഇന്ത്യയിലെത്തി; ക്യാമറാ ഫീച്ചറുകളിൽ പുലി, വില 35,999 രൂപ മുതൽ

നിലവിൽ പ്രമുഖ ഇ കൊമേഴ്സ് വെബ്സൈറ്റായ ഫ്ലിപ്പ്കാർട്ടിൽ‌ നിന്നും മോട്ടറോളയുടെ ഔദ്യോ​ഗിക വെബ്സൈറ്റായ motorola.in-ഇൽ നിന്നും ഉപയോക്താക്കൾക്ക് മോട്ടോ ജി04 സ്വന്തമാക്കാൻ സാധിക്കുന്നതാണ്. 6,999 രൂപ മുതലാണ് ഈ ഫോണിന്റെ വില ആരംഭിക്കുന്നത്. ഫോണിന്റെ 4 ജിബി റാം 64 ജിബി സ്റ്റോറേജ് വേർഷനാണ് ഈ വില നൽകേണ്ടി വരുന്നത്. ഫോണിന്റെ 8 ജിബി റാം 128 ജിബി സ്റ്റോറേജ് വേരിയന്റിന്റെ വില 7,999 രൂപയാണ്.

ഈ ഫോൺ സ്വന്തമാക്കുമ്പോൾ എക്സ്ചേഞ്ച് ഓഫറുകൾ വഴി 750 രൂപ വരെ ഡിസ്കൗണ്ട് നേടാനുള്ള അവസരവും മോട്ടറോള ഒരുക്കിയിട്ടുണ്ട്. സാറ്റിൻ ബ്ലൂ, സൺറൈസ് ഓറഞ്ച്, സീ ഗ്രീൻ, കോൺകോർഡ് ബ്ലാക്ക് എന്നിങ്ങനെ നാല് വ്യത്യസ്ഥ കളർ ഓപ്ഷനുകളിൽ ആണ് ഈ ഫോൺ ലഭ്യമാകുന്നത്. 10,000 രൂപയ്ക്ക് താഴെയാണ് ഈ ഫോണിന്റെ വില എങ്കിലും മികച്ച ഫീച്ചറുകൾ തന്നെ ഈ ഫോണിനായി മോട്ടറോള ഒരുക്കിയിട്ടുണ്ട്.

MOST READ: വിവോയുടെ പുതിയ വജ്രായുധം എത്തി; 19,999 രൂപയ്ക്ക് വിവോ വൈ200ഇ വാങ്ങാം, 50 എംപിയുടെ കിടിലം ക്യാമറയും

എന്തെല്ലാമാണ് മോട്ടോ ജി04ന്റെ പ്രധാന സവിശേഷതകൾ എന്ന് പരിശോധിക്കാം. Mali-G57 MP1 GPU-മായി ജോടിയാക്കിയ Unisoc T606 ചിപ്‌സെറ്റാണ് ഈ ഫോണിന് കരത്ത് നൽകുന്നത്. നേരത്തെ സൂചിപ്പിച്ചത് പോലെ തന്നെ 8 ജിബി വരെ റാമും 128 ജിബി വരെ സ്റ്റോറേജും ഈ ഫോൺ വാ​ഗ്ദാനം ചെയ്യുന്നുണ്ട്. 10,000 രൂപയ്ക്ക് താഴെ വില വരുന്ന ഫോണുകളിൽ വളരെ അപൂർവ്വമായി മാത്രമെ 8 ജിബി റാം കാണാൻ സാധിക്കു.

15W ഫാസ്റ്റ് ചാർജിംഗ് പിന്തുണയുള്ള 5,000 mAh ബാറ്ററിയും മോട്ടോ ജി04ന്റെ സവിശേഷതയാണ്. ഏറ്റവും പുതിയ ആൻഡ്രോയിഡ് 14 ഔട്ട് ഓഫ് ബോക്‌സിൽ ആണ് ഈ ഫോൺ പ്രവർത്തിക്കുന്നത്. രണ്ട് വർഷം വരെ നീളുന്ന സുരക്ഷാ അപ്ഡേറ്റുകൾ ഈ ഫോണിനായി മോട്ടറോള വാ​ഗ്ദാനം ചെയ്യുന്നുണ്ട്. 6.6 ഇഞ്ച് എച്ച്ഡി പ്ലസ് ഐപിഎസ് എൽസിഡി സ്‌ക്രീൻ ആണ് ഈ ഫോണിനായി മോട്ടറോള നൽകിയിരിക്കുന്നത്.

90 Hz പുതുക്കൽ നിരക്കും ഈ സ്ക്രീൻ വാ​ഗ്ദാനം ചെയ്യുന്നുണ്ട്. ഡോൾബി അറ്റ്‌മോസ് പിന്തുണയുള്ള ഒരു സ്പീക്കറാണ് മോട്ടോ ജി04ന്റെ മറ്റൊരു സവിശേഷത. ഫോണിന്റെ ക്യാമറാ ഫീച്ചറുകൾ പരിശോധിക്കുമ്പോൾ എഫ്/2.2 അപ്പേർച്ചറും പിഡിഎഎഫും ഉള്ള 16 എംപി ക്യാമറ ഫോണിന്റെ പിൻവശത്തായി കാണാൻ സാധിക്കുന്നതാണ്. സെൽഫികൾക്കും വീഡിയോ കോളുകൾക്കുമായി എഫ്/2.2 അപ്പേർച്ചറുള്ള 5 എംപി ഫ്രണ്ട് ക്യാമറയും ഈ ഫോണിൽ സ്ഥാനം പിടിച്ചിട്ടുണ്ട്.

ഫോണിന്റെ മുന്നിലേയും പിന്നിലേയും ക്യാമറകൾ 30fps-ൽ 1080p വീഡിയോ റെക്കോർഡിംഗിനെ പിന്തുണയ്ക്കും എന്നാണ് മോട്ടറോള അറിയിച്ചിരിക്കുന്നത്. വാട്ടർ റിപ്പല്ലൻ്റ് ഡിസൈനും സൈഡ് മൗണ്ടഡ് ഫിംഗർപ്രിൻ്റ് സ്കാനറും ഈ ഫോണിന്റെ എടുത്തുപറയേണ്ട സവിശേഷതയാണ്. നിലവിൽ 10,000 രൂപയ്ക്ക് താഴെ വില വരുന്ന ബേസിക് സ്മാർട്ട് ഫോൺ സെ​ഗ്മെന്റിൽ വാങ്ങാൻ സാധിക്കുന്ന മികച്ച ഫോണുകളിൽ ഒന്നാണ് മോട്ടറോളയുടെ മോട്ടോ ജി04.