കാഴ്ച പോകേണ്ട എന്നുണ്ടെങ്കിൽ ഈ ഫോണുകൾ വാങ്ങുന്നതായിരിക്കും നല്ലത്; മികച്ച ഐ ഫ്രണ്ട്ലി ഫോണുകൾ പരിചയപ്പെടാം

ഇന്നത്തെ കാലഘട്ടത്തിൽ ഏറ്റവും കൂടുതൽ ആളുകൾ ഉപയോ​ഗിക്കിന്ന ഇലക്ട്രോണിക് ​ഗാഡ്ജറ്റാണ് സ്മാർട്ട് ഫോണുകൾ. ഒരു വീട്ടിൽ തന്നെ മൂന്നോ നാലോ അം​ഗങ്ങൾ വരെ സ്മാർട്ട് ഫോണുകൾ ഉപയോ​ഗിക്കുന്നുണ്ട്. ഇതിൽ ഭൂരിഭാ​ഗം ആളുകളും സ്മാർട്ട് ഫോണുകൾക്ക് അടിമകൾ ആണെന്ന് തന്നെ പറയാം. മണിക്കൂറുകളോളം ആയിരിക്കും ഇവർ സ്മാർട്ട് ഫോണുകൾ ഉപയോ​ഗിക്കുന്നത്.

ഇതിൽ‌ ഭൂരിഭാ​ഗം ആളുകളും സ്മാർട്ട് ഫോണുകൾ ഉപയോ​ഗിക്കുന്നത് രാത്രി കാലങ്ങളിലാണ്. ഈ സമയം മണിക്കൂറുകളോളം സ്മാർട്ട് ഫോണുകൾ ഉപയോ​ഗിക്കുന്നത് യഥാർത്ഥത്തിൽ നമ്മുടെ കണ്ണിന് കേട് ആണ്. പതിവായി ഇത്തരത്തിൽ രാത്രി കാലങ്ങളിൽ മണിക്കുറുകളോളും സ്മാർട്ട് ഫോണുകൾ ഉപയോ​ഗിക്കുന്നത് വഴി നമ്മുടെ കണ്ണിന് പല തരത്തിലുള്ള അസുഖങ്ങൾ വരാനുള്ള സാധ്യതയുണ്ട്. ഇതിനോടകം തന്നെ നിരവധി ഉപയോക്താക്കൾക്ക് കാഴ്ചപരമായ പല അസുഖങ്ങളും റിപ്പോർട്ട് ചെയ്യുന്ന സംഭവങ്ങൾ ഉയർന്നിട്ടുണ്ട്.

MOST READ: പോർട്രെയിറ്റ് ഫോട്ടോഗ്രാഫിയുടെ രാജാവാകാൻ ഓപ്പോ റെനോ11 5ജി

ഫോണുകളിലെ പൾസ് വിഡ്ത്ത് മോഡുലേഷൻ അല്ലെങ്കിൽ ഫ്ലിക്കർ സെൻസിറ്റിവിറ്റിയാണ് ഇതിന് കാരണം. ഫോണുകളിലെ തെളിച്ചം നിയന്ത്രിക്കാനാണ് ഇത് ഉപയോ​ഗിക്കുന്നത്. കുറഞ്ഞ തെളിച്ചത്തിൽ ഉയർന്ന നിലവാരമുള്ള ചിത്രങ്ങൾ തെളിയിക്കാൻ ഈ സാങ്കേതികവിദ്യയിലൂടെ സാധിക്കും. എന്നാൽ ഇവ കണ്ണിന് ദോഷമാണ്. ഈ സാഹചര്യത്തിൽ കണ്ണിന് ​ദോഷം വരാതെ എങ്ങനെ സ്മാർട്ട് ഫോൺ ഉപയോ​ഗിക്കാം എന്ന് വിശദമാക്കാം. കണ്ണിന്റെ ആരോ​ഗ്യത്തെ പരി​ഗണിച്ച് ഇതിന് അനുയോജ്യനമായ തരത്തിൽ നിരവധി സ്മാർട്ട് ഫോണുകൾ ഇന്ത്യയിൽ ലഭ്യമാണ്.

ഏതെല്ലമാണ് ഈ ഫോണുകൾ എന്ന് പരിശോധിക്കാം. ഇക്കൂട്ടത്തിൽ ഉള്ള ഒരു സ്മാർട്ട് ഫോണാണ് മോട്ടറോളയുടെ എഡ്ജ് പ്ലസ്. ഉപയോക്താക്കളുടെ കണ്ണിന് സംരക്ഷണമൊരുക്കുന്നതിനായി ഫ്ലിക്കർ സെൻസിറ്റിവിറ്റി കുറച്ചാണ് ഈ ഫോണിന്റെ ഡിസ്പ്ലേ നൽകിയിരിക്കുന്നത്. 6.7 ഇഞ്ച് pOLED ഡിസ്പ്ലേയാണ് ഈ ഫോണിന് മോട്ടറോള നൽകിയിരിക്കുന്നത്. Qualcomm Snapdragon 865 ആണ് ഈ ഫോണിന്റെ പ്രോസസർ. 49,999 രൂപയ്ക്ക് ഈ ഫോൺ ഇപ്പോൾ ആമസോണിൽ നിന്ന് ലഭ്യമാകും.

MOST READ: അയോധ്യയിലെ പ്രസാദമെന്ന പേരിൽ ലഡു വിറ്റ് ആമസോൺ, നടപടി സ്വീകരിച്ച് അധികൃതർ

മറ്റൊരു ഫോൺ ആണ് കഴിഞ്ഞ വർഷം പുറത്തിറങ്ങിയ നത്തിങ് ഫോൺ 2. ഈ ഫോണിലും കുറഞ്ഞ ഫ്ലിക്കർ സെൻസിറ്റിവിറ്റിയാണ് നിർമ്മാതാക്കൾ നൽകിയിരിക്കുന്നത്. 6.7 LTPO OLED AMOLED ഡിസ്പ്ലേയാണ് ഈ ഫോണിന് അവകാശപ്പെടാനുള്ളത്. Qualcomm Snapdragon 8+Gen 1ൽ പ്രവർത്തിക്കുന്ന ഈ ഫോണിന്റെ പ്രൈമറി ക്യാമറ 50 എംപിയാണ് ഒഐഎസ് പിന്തുണയും ഈ ക്യാമറയ്ക്ക് ഉണ്ട്. സെക്കന്ററി ക്യാമറയും 50 എംപി തന്നെയാണ്.

നിലവിൽ ആമസോണിൽ നിന്ന് 46,998 രൂപയ്ക്ക് നത്തിങ് ഫോൺ 2 ലഭിക്കുന്നതാണ്. ഹോണർ 90 ആണ് ഇക്കൂട്ടത്തിലെ മറ്റൊരു ഫോൺ. ഇന്ത്യയിലെ ആദ്യത്തെ ഐ റിസ്ക് ഫ്രീ ഡിസ്പ്ലേ സ്വന്തമാക്കിയ ഫോൺ ആണ് ഹോണർ 90. ആദ്യ ക്വാഡ്-കർവ്ഡ് അമോലെഡ് സ്‌ക്രീൻ എന്ന സവിശേഷതയും ഹോണർ 90ന് സ്വന്തമാണ്. 200 എംപി മെയിൻ ക്യാമറയുമായി എത്തുന്ന ഈ ഫോണിന് 50 എംപി സെൽഫി ക്യാമറയും അവകാശപ്പെടാനാകുന്നതാണ്.

37,999 രൂപയ്ക്ക് ഹോണർ 90 ഇപ്പോൾ ആമസോണിൽ ലഭ്യമാണ്. മോട്ടറോള എഡ്ജ് പ്ലസ് 40 പ്രോ ആണ് ഈ ക്യാറ്റ​ഗറിയിലെ മറ്റൊരു സ്മാർട്ട് ഫോൺ. ഐ ഫ്രണ്ട്ലി 6.7 ഇഞ്ച് പോൾഇഡ് ഡിസ്‌പ്ലേയുമായി ആണ് ഈ ഫോൺ എത്തിയിരിക്കുന്നത്. 108 എംപി ക്വാഡ് പിക്സലിന്റെ പ്രധാന ക്യാമറയും എഡ്ജ് പ്ലസിന്റെ മാറ്റ് കൂട്ടുന്നുണ്ട്. 49,999 രൂപയാണ് ഈ ഫോണിന്റെ നിലവിൽ ആമസോണിലെ വില.

ഷവോമിയുടെ ഇത്തരത്തിൽ ഉപയോക്താക്കളുടെ കണ്ണുകളെ സംരക്ഷിക്കുന്ന തരത്തിൽ ഒരു സ്മാർട്ട് ഫോൺ പുറത്തിറക്കിയിരുന്നു. ഷവോമി 13 ആണ് ഈ മോഡൽ. 6.36 ഇഞ്ച് DC ഡിമ്മിംഗ് OLED ഡിസ്‌പ്ലേയാണ് ഈ ഫോണിനായി ഷവോമി നൽകിയിരിക്കുന്നത്. 120Hz വരെ പുതുക്കൽ നിരക്കും ഈ ഫോണിന് അവകാശപ്പെടാൻ സാധിക്കുന്നതാണ്. എന്നാൽ നിലവിൽ ഈ ഫോൺ ഇന്ത്യൻ വിപണിയിൽ ലഭ്യമായിട്ടില്ല.