6,799 രൂപ മുതൽ സ്മാർട്ട് ടിവികൾ‌, 60 ശതമാനത്തോളം ഓഫർ; ഐപിഎൽ ആഘോഷമാക്കാൻ ആമസോൺ

രാജ്യത്തെ ക്രിക്കറ്റ് പ്രേമികളുടെ പൂരമായ ഐപിഎൽ സീസണിന് കൊടിയേറിയിരിക്കുകയാണ്. 2024 ഐപിഎൽ സീസണിന് ഇന്നലെ (മാർച്ച് 22) ആണ് തുടക്കമായത്. ആദ്യ മത്സരത്തിൽ നിലവിലെ ചാമ്പ്യന്മാരായ ചെന്നൈ സൂപ്പർ കിങ്സ് ബം​ഗളൂരൂ റോയൽ ചലഞ്ചേഴ്സിനെ 6 വിക്കറ്റിന് പരാജയപ്പെടുത്തിയിരിക്കുകയാണ് ചെന്നൈയുടെ ഹോം ​ഗ്രൗണ്ടിൽ ആയിരുന്നു മത്സരം നടന്നത്.

ഇനിയുള്ള മൂന്ന് മാസക്കാലത്തോളം ഇന്ത്യയിലെ ക്രിക്കറ്റ് ആരാധകർക്ക് ആഘോഷമാണ്. തങ്ങളുടെ ഇഷ്ട ടീമുകളുടെ പോരാട്ടം കാണാനുള്ള ആവേശത്തിലാണ് ഓരോ ക്രിക്കറ്റ് ആരാധകരും. ഈ ക്രിക്കറ്റ് സീസണിന്റെ ആവേശം ഇരട്ടിയാക്കാൻ‌ ആകർഷകമായ ഓഫറുമായി രം​ഗത്ത് വന്നിരിക്കുകയാണ് പ്രമുഖ ഇ കൊമേഴ്സ് വെബ്സൈറ്റായ ആമസോൺ. മികച്ച വിലക്കുറവിൽ പ്രമുഖ ബ്രാൻഡുകളെ എല്ലാം ടിവികൾ വിൽപനയ്ക്ക് എത്തിച്ചിരിക്കുകയാണ് ആമസോൺ.

MOST READ: 15,000 രൂപയുടെ ഫോണിലും ഡിഎസ്എൽആർ ക്യാമറയ്ക്ക് സമാനമായ ചിത്രങ്ങളെടുക്കാം; ഈ വിദ്യ പരീക്ഷിച്ചാൽ മതി

മാർച്ച് 22ന് ആരംഭിച്ച ആമസോൺ ക്രിക്കറ്റ് സീസൺ ടിവി സെയിൽ മാർച്ച് 29ന് വരെ നീണ്ട് നിൽക്കുമെന്ന് ഇവർ അറിയിച്ചിട്ടുണ്ട്. ഈ വിൽപനയിൽ ഹിസെൻസ്, ടിസിഎൽ, സാംസങ് എന്നിവയുൾപ്പെടെയുള്ള മുൻനിര ബ്രാൻഡുകളുടെ ടെലിവിഷനുകൾക്ക് 60 ശതമാനം വരെ ഡിസ്കൗണ്ട് ആണ് ആമസോൺ പ്രഖ്യാപിച്ചിരിക്കുന്നത്. 43 ഇഞ്ച് ടിവി, 55 ഇഞ്ച് ടിവി, ഇതിന് മുകളിൽ വരുന്ന വലിയ സ്ക്രീനുള്ള ടിവികൾ എന്നിങ്ങനെ മൂന്ന് വിഭാ​ഗമായിട്ടാണ് ഈ വിൽപന നടക്കുന്നത്.

ഇതിന് പുറമെ ചെറിയ ടിവികൾക്കും പ്രത്യേകം ഓഫറുണ്ട്. 6,799 രൂപ മുതൽ തന്നെ ഈ വിൽപനയിൽ ടിവികൾ സ്വന്തമാക്കാൻ സാധിക്കുന്നതാണ്. വിഡബ്ലു എന്ന കമ്പനിയുടെ 32 ഇഞ്ച് ടിവിയാണ് ഈ വിലയ്ക്ക് ലഭിക്കുന്നത്. 12,999 രൂപയാണ് ഈ ടിവിയുടെ യഥാർത്ഥ വില. 43 ഇഞ്ച് ടിവിയുടെ വിഭാ​ഗത്തിൽ ടിവികളുടെ വില ആരംഭിക്കുന്നത് 22,999 രൂപ മുതലാണ്. രണ്ട് ടിവികൾ ഈ വിലയ്ക്ക് ലഭിക്കുന്നതാണ്.

MOST READ: പഴയ ഫോണുകൾക്കും എസ്24 സീരീസിന് സമാനമായ എഐ ഫീച്ചറുകൾ നൽകാനൊരുങ്ങി സാംസങ്; പുതിയ തീരുമാനം ഉടൻ

Acer Advanced I Series Smart LED Google TV, OnePlus Y Series Smart Android LED TV എന്നിവയാണ് ഈ ടിവികൾ. ഈ രണ്ട് ടിവികളുടെയും യഥാർത്ഥ വില 39,999 രൂപയാണ്. 43 ശതമാനം ഓഫറാണ് ഈ ടിവികൾക്ക് ആമസോൺ വാ​ഗ്ദാനം ചെയ്യുന്നത്. ഈ വിഭാ​ഗത്തിൽ ഏറ്റവും കൂടുതൽ ഓഫർ ലഭിക്കുന്നത് Hisense 4K Smart QLED TV-യ്ക്ക് ആണ്.

47 ശതമാനമാണ് ഈ ടിവിയുടെ ഓഫർ. 55 ഇഞ്ച് ടിവികളുടെ വിഭാ​ഗത്തിൽ ടിവികളുടെ വില ആരംഭിക്കുന്നത് 31,999 രൂപ മുതലാണ്. Acer Advanced I Series Smart LED Google TVയ്ക്കാണ് ഈ വില. ഇതിന്റെ യഥാർത്ഥ വില 59,999 രൂപയാണ്. ഈ വിഭാ​ഗത്തിൽ ഏറ്റവും കൂടുതൽ ഓഫർ ലഭിക്കുന്നത് TCL-ന്റെ 4KUltra HD Smart QLED Google TVയ്ക്ക് ആണ് 66 ശതമാനമാണ് ഈ ടിവിയുടെ ഓഫർ.

അതായത് 1,21,990 രൂപ വില വരുന്ന ഈ ടിവി ഇപ്പോൾ 41,990 രൂപയ്ക്ക് ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. Hisense-ന്റെ Tornado 3.0 Series 4K Smart LED Google TVയ്ക്ക് 47 ശതമാനമാണ് ഓഫർ. വലിയ സ്ക്രീനുള്ള ടിവികളുടെ ഓഫർ പരിശോധിക്കുമ്പോൾ 49,990 രൂപ മുതലാണ് ആമസോണിൽ വില ആരംഭിക്കുന്നത്. TCL Bezel-Less Series 4K Smart LED Google TVയ്ക്കാണ് ഈ വില വരുന്നത്.

1,24,990 രൂപയാണ് ഈ ടിവിയുടെ യഥാർത്ഥ വില. അതായത് 60 ശതമാനം ഡിസ്കൗണ്ട്. 1,64,900 രൂപ വില വരുന്ന Sony Bravia 4K Ultra HD Smart LED Google TV 1,04,490 രൂപയ്ക്ക് സ്വന്തമാക്കാനും ഈ വിൽപനയിലൂടെ ആമസോൺ ഉപയോക്താക്കൾക്ക് അവസരം ഒരുക്കിയിട്ടുണ്ട്. നിലവിൽ പ്ലാറ്റ്ഫോമിലെ ഏറ്റവും വലിയ ഓഫറുകളാണ് ഈ ലേഖനത്തിലുള്ളത്. ഇതിന് പുറമെ മറ്റ് നിരവധി ഓഫറുകളും ഇപ്പോൾ ആമസോണിൽ ലഭ്യമാണ്.