വൺപ്ലസ് 11ന് 6000 രൂപയുടെ ഡിസ്കൗണ്ട്; എക്ചേഞ്ച് ഓഫർ വഴി 56,999 രൂപയുടെ ഫോൺ 23,399 രൂപയ്ക്കും സ്വന്തമാക്കാം

വൺപ്ലസിന്റെ ജനപ്രിയ മോഡലായ വൺപ്ലസ് 11ന് മികച്ച ഡിസ്കൗണ്ട് വാ​ഗ്ദാനം ചെയ്ത് പ്രമുഖ ഇ കൊമേഴ്സ് വെബ്സൈറ്റായ ആമസോൺ. 6000 രൂപയുടെ ഡിസ്കൗണ്ട് ആണ് ആമസോൺ വൺപ്ലസ് 11ന് ആയി പ്രഖ്യാപിച്ചിരിക്കുന്നത്. 56,999 രൂപ വിലയിൽ ആയിരുന്നു ഈ ഫോൺ വൺപ്ലസ് ഇന്ത്യയിൽ ലോഞ്ച് ചെയ്തത്.

എന്നാൽ ഇപ്പോൾ 54,999 രൂപ വിലയിൽ ആണ് ഈ ഫോൺ ആമസോണിന്റെ വെബ്സൈറ്റിൽ ലിസ്റ്റ് ചെയ്തിരിക്കുന്നത്. അതായത് 2000 രൂപയുടെ കുറവിൽ. ഇതിന് പുറമെ 4000 രൂപയുടെ കൂപ്പൺ ഡിസ്കൗണ്ടും വൺപ്ലസ് 11ന് ആയി ആമസോൺ വാ​ഗ്ദാനം ചെയ്തിട്ടുണ്ട്. രണ്ട് ഡിസ്കൗണ്ടുകൾ ചേരുമ്പോൾ ഫോണിന്റെ മൊത്തം ഡിസ്കൗണ്ട് 6000 രൂപയായി വർധിക്കുന്നതാണ്. അതായത് 56,999 രൂപയുള്ള ഈ ഫോൺ 50,999 രൂപയ്ക്ക് ഉപയോക്താക്കൾ ഇപ്പോൾ സ്വന്തമാക്കാം.

MOST READ: വെറും 5,499 രൂപ മുതൽ സ്മാർട്ട് ടിവികൾ; ഫ്ലിപ്പ്കാർട്ടിൽ സ്മാർട്ട് ടിവികൾക്ക് 80 ശതമാനം വരെ ഡിസ്കൗണ്ട്

ഫോണിന്റെ വിവരങ്ങൾ നൽകിയിരിക്കുന്ന പേജിൽ നിന്നായിരിക്കില്ല കൂപ്പൺ കോഡ് നേടാൻ സാധിക്കുന്നത്. ഈ ഫോണിന്റെ പെയ്മെന്റ് പേജിലേക്ക് പോകുമ്പോൾ ആണ് ഈ കൂപ്പണിന്റെ വിശദവിവരങ്ങൾ ഉപയോക്താക്കൾക്ക് ലഭ്യമാകുക. മാത്രമല്ല നിങ്ങളുടെ പഴയ ഫോണിന് എക്സ്ചേഞ്ച് ഓഫറും ആമസോൺ പ്രഖ്യാപിച്ചിട്ടുണ്ട്. 27,600 രൂപ വരെയാണ് ഇത്തരത്തിൽ എക്സ്ചേഞ്ച് ബോണസായി വാ​​ഗ്ദാനം ചെയ്തിരിക്കുന്നത്. എക്സ്ചേഞ്ച് ചെയ്യാൻ ആ​ഗ്രഹിക്കുന്ന ഫോണിന്റെ ​ഗുണനിലവാരം അനുസരിച്ച് ആയിരിക്കും ഈ വില നിശ്ചയിക്കുക.

അതേ സമയം ഈ വർഷം ജനുവരിയിൽ ആയിരുന്നു വൺപ്ലസ് 11ന്റെ പിൻ​ഗാമിയായ വൺപ്ലസ് 12നെ കമ്പനി ഇന്ത്യയിൽ അവതരിപ്പിച്ചത്. 64,999 രൂപ വരെ ചിലവഴിക്കാൻ നിങ്ങൾ തയ്യാറാണെങ്കിൽ വൺപ്ലസ് 12 വാങ്ങുന്നതായിരിക്കും ഉചിതം. കാരണം വൺപ്ലസ് 11നെ അപേക്ഷിച്ച് ധാരാളം അപ്​ഗ്രേഡുകൾ ഈ ഫോണിൽ കമ്പനി നൽ‌കിയിട്ടുണ്ട്. എന്നാൽ ഇത്രയും പണം നിങ്ങൾക്ക് മുടക്കാൻ സാധിക്കില്ല എങ്കിൽ വൺപ്ലസ് 11 തന്നെ ആയിരിക്കും നിങ്ങൾക്ക് അനുയോജ്യം.

MOST READ: പുതിയ വർഷത്തിൽ ജിയോയ്ക്കും എയർടെലിനും നേട്ടം; വിഐയ്ക്ക് കനത്ത തിരിച്ചടി, ഉപയോക്താക്കൾ കൈവിടുന്നു

ഈ വിലയ്ക്ക് ലഭ്യമാകുന്ന മികച്ച ഫീച്ചറുകൾ തന്നെ വൺപ്ലസ് 11നിൽ നൽകാൻ കമ്പനി ശ്രമിച്ചിട്ടുണ്ട്. വൺപ്ലസ് 11ന്റെ പ്രധാന ഫീച്ചറുകൾ എന്തെല്ലാമാണെന്ന് വിശദമായി പരിശോധിക്കാം. സ്‌നാപ്ഡ്രാഗൺ 8 Gen 2 ചിപ്‌സെറ്റാണ് ഈ ഫോണിനായി കമ്പനി നൽകിയിരിക്കുന്നത്. മികച്ച പെർഫോമൻസ് കാഴ്ച വെയ്ക്കാൻ ഈ ചിപ്സെറ്റ് വൺപ്ലസ് 11നെ സഹായിക്കുന്നതാണ്. കഠിനമായ ജോലികൾ ചെയ്യാനും മൾട്ടി ടാസിക്കിങ്ങിനും എല്ലാം ഏറെ അനുയോജ്യമായ ഫോണാണിത്.

ഏറ്റവും പുതിയ Android OS-ൽ ആണ് ഈ ഫോൺ പ്രവർത്തിക്കുന്നത്. ഉപയോക്താക്കളുടെ സോഫ്റ്റുവെയർ അനുഭവം വ്യക്തിഗതമാക്കാനും ഈ ഫോൺ നിങ്ങളെ അനുവദിക്കുന്നുണ്ട്. 5000 mAh ബാറ്ററിയാണ് ഈ ഫോണിനായി വൺപ്ലസ് നൽകിയിരിക്കുന്നത്. 100W ഫാസ്റ്റ് ചാർജിങ് പിന്തുണയും ഈ ബാറ്ററിയ്ക്ക് ഉണ്ടായിരിക്കുന്നതാണ്. വെറും 30 മിനിറ്റിനുള്ളിൽ തന്നെ ഇതിന്റെ ചാർജ് പൂജ്യത്തിൽ നിന്ന് 100 ശതമാനമായി ഉയർത്താൻ സാധിക്കും എന്നാണ് വൺപ്ലസ് അവകാശപ്പെടുന്നത്.

ഫോണിന്റെ ക്യാമറാ ഫീച്ചറുകൾ ആണ് ഏറെ ആകർഷണീയം. ട്രിപ്പിൾ റിയർ ക്യാമറ സിസ്റ്റമാണ് ഈ ഫോണിനായി വൺപ്ലസ് ഒരുക്കിയിരിക്കുന്നത്. ഇതിൽ പ്രൈമറി ലെൻസ് 50 എംപിയാണ്. 48 എംപിയുടെ ഒരു അൾട്രാ വൈഡ് സെൻസർ, 32 എംപിയുടെ ടെലിഫോട്ടോ സെൻസർ എന്നിവയും ഈ ക്യാമറ ഡിപ്പാർട്ട്മെന്റിൽ സ്ഥാനം പിടിച്ചിട്ടുണ്ട്. ഈ ക്യാമറകൾക്ക് ഒപ്പം തന്നെ ഒരു എൽഇഡ് ഫ്ലാഷ് ലൈറ്റും വൺപ്ലസ് നൽകിയിട്ടുണ്ട്.

60fps വരെ 4K വീഡിയോകൾ റെക്കോർഡ് ചെയ്യാനും ഈ ഫോൺ ഉപയോക്താക്കളെ അനുവദിക്കുന്നുണ്ട്. സെൽഫികൾക്കും വീഡിയോ കോളുകൾക്കുമായുള്ള ഫോണിന്റെ ഫ്രണ്ട് ക്യാമറ 16 എംപിയാണ്. ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, സ്റ്റീരിയോ സ്പീക്കറുകൾ എന്നീ ഫീച്ചറുകളും വൺപ്ലസ് 11 വാ​ഗ്ദാനം ചെയ്യുന്നുണ്ട്. 5G SA/NSA, ബ്ലൂടൂത്ത് v5.3, Wi-Fi 6, NFC, കൂടാതെ USB ടൈപ്പ്-C 2.0 പോർട്ട് എന്നിവയാണ് ഈ ഫോണിന്റെ കണക്ടിവിറ്റി ഫീച്ചറുകൾ.