സ്മാർട്ട് ആകു അതും 77 ശതമാനം വരെ ഡിസ്കൗണ്ടിൽ; ആമസോണിൽ മികച്ച ഡിസ്കൗണ്ട് ലഭിക്കുന്ന സ്മാർ‌ട്ട് വാച്ചുകൾ

റിപ്പബ്ലിക്ക് ദിനം പ്രമാണിച്ച് പ്രമുഖ ഇ കൊമേഴ്സ് വെബ്സൈറ്റായ ആമസോണിൽ പ്രത്യേകം ഓഫർ വിൽപന നടക്കുന്ന കാര്യം അറിഞ്ഞു കാണുമല്ലോ. സ്മാർട്ട് ഫോണുകൾ, ലാപ്ടോപ്പുകൾ, ടാബ്ലെറ്റുകൾ മറ്റ് ഇലക്ട്രോണിക് ​ഗാഡ്ജറ്റുകൾ ​ഗൃഹോപകരണങ്ങൾ അങ്ങനെ നിരവധി സാധനങ്ങൾക്കാണ് ആമസോൺ ഇപ്പോൾ ഓഫർ പ്രഖ്യാപിച്ചിരിക്കുന്നത്.

മികച്ച ഡിസ്കൗണ്ടിൽ സാധനങ്ങൾ വാങ്ങാൻ നിങ്ങൾ താൽപര്യപ്പെടുന്നു എങ്കിൽ ഇത് തന്നെയാണ് നിങ്ങൾ പറ്റിയ ഏറ്റവും മികച്ച അവസരം. ഈ ഓഫർ വിൽപനയിൽ ആകർഷകമായ ഓഫറുകൾ ഉള്ള 5 സ്മാർട്ട് വാച്ചുകൾ ഏതെല്ലാമാണെന്ന് പരിശോധിക്കാം. 77 ശതമാനം വരെ ഡിസ്കൗണ്ട് ആണ് ഈ വാച്ചുകൾക്ക് ആമസോൺ ഇപ്പോൾ പ്രഖ്യാപിച്ചിരിക്കുന്നത്. ഇതിൽ ഏറ്റവും അധികം ഡിസ്കൗണ്ട് ലഭിക്കുന്ന വാച്ചുകളിൽ ഒന്നാണ് നോയ്സ്ഫിറ്റിന്റെ എൻഡോവർ

MOST READ: ചന്ദ്രനും ചൊവ്വ​യുമെല്ലാം തൊട്ടടുത്ത്; ഗ്ലോബൽ സയൻസ് ഫെസ്റ്റിവലിന് തുടക്കം, കണ്ടില്ലെങ്കിൽ തീരാനഷ്ടം

1.46 ഇഞ്ച് AMOLED ഡിസ്പ്ലേയുമായിട്ടാണ് ഈ ഫോൺ എത്തിയിരിക്കുന്നത്. 600 nits തെളിച്ചവും ഈ ഡിസ്പ്ലേ വാ​ഗ്ദാനം ചെയ്യുന്നുണ്ട്. തികച്ചും സ്പോട്ടി ആയ ഒരു ഡിസൈനാണ് ഈ സ്മാർട്ട് വാച്ചിനായി നോയിസ് നൽകിയിരിക്കുന്നത്. 100+ സ്‌പോർട്‌സ് മോഡുകൾ നോയ്സ്ഫിറ്റിന്റെ എൻഡോവർ വാ​ഗ്ദാനം ചെയ്യുന്നുണ്ട്. ബ്ലൂടൂത്ത് കോളിങ്ങിനായുള്ള സൗകര്യവും ഈ വാച്ചിന് ഉണ്ടായിരിക്കുന്നതാണ്. ആരോ​ഗ്യ കാര്യങ്ങൾ ശ്രദ്ധിക്കുന്നവർക്ക് ഏറ്റവും അനുയോജ്യമായ സ്മാർട്ട് വാച്ചുകളിൽ ഒന്നാണ് ഇത്.

അമസോണിന്റെ ഈ ഓഫർ വിൽപനയിൽ വാങ്ങാൻ സാധിക്കുന്ന മറ്റൊരു സ്മാർട്ട് വാച്ചാണ് നോയിസിന്റെ തന്നെ കളർ ഫിറ്റ് അൾട്രാ 3. 1.96 ഇഞ്ച് AMOLED ഡിസ്‌പ്ലേയാണ് ഈ സ്മാർട്ട് വാച്ചിന് സ്വന്തമായി ഉള്ളത്. പ്രീമിയം മെറ്റാലിക് ബിൽഡിൽ ആണ് കളർ ഫിറ്റ് അൾട്രാ 3 നിർമ്മിച്ചിരിക്കുന്നത്. 7 ദിവസത്തെ ബാറ്ററി ലൈഫും ബ്ലൂടൂത്ത് കോളിങ്ങും വാച്ച് വാ​ഗ്ദാനം ചെയ്യുന്നു. കോളുകൾ വ്യക്തമാക്കാൻ MEMS മൈക്രോഫോണും വാച്ചിൽ നൽകിയിട്ടുണ്ട്.

MOST READ: അയോധ്യയിലെ രാമക്ഷേത്രത്തിന്റെ പേരിൽ വൻ തട്ടിപ്പ്; നിങ്ങളുടേയും പണം നഷ്ടപ്പെട്ടേക്കാം

ഇന്ത്യൻ കമ്പനിയായ ബോട്ടിന്റെ ഒരു സ്മാർട്ട് വാച്ചും ഈ ഓഫർ വിൽപനയിൽ മികച്ച ഡിസ്കൗണ്ടിൽ ലഭിക്കുന്നതായിരിക്കും. ബോട്ടിന്റെ ലൂണാർ ഒആർബി സ്മാർട്ട് വാച്ചിനാണ് ഈ ഡിസ്കൗണ്ട് ലഭിക്കുന്നത്. 1.45 ഇഞ്ച് AMOLED ഡിസ്‌പ്ലേയുമായി ആണ് ഈ വാച്ച് എത്തുന്നത്. IP67 റേറ്റിംങ് ആണ് ഈ വാച്ചിന് ഉള്ളത് ആയതിനാൽ തന്നെ വിയർപ്പ് ഈ വാച്ചിന്റെ പ്രവർത്തനത്തെ കാര്യമായി ബാധിക്കില്ല. DIY വാച്ച് ഫെയ്സ് സ്റ്റുഡിയോയും വാച്ചിന്റെ ഫീച്ചറുകളിൽ ഒന്നാണ്.

HR, SpO2, ഫിറ്റ്‌നസ് ട്രാക്കിംഗ് എന്നിവ നിങ്ങളുടെ ആരോ​ഗ്യ കാര്യങ്ങളെ ട്രാക്ക് ചെയ്യുന്നതായിരിക്കും. കൾട്ട് സ്പോർട്ട് എന്ന കമ്പനിയുടെ റേഞ്ചർ എക്സ് ആർ എന്ന വാച്ചിനും ഈ ഓഫർ വിൽപനയിൽ മികച്ച ഡിസ്കൗണ്ട് ആണ് ആമസോൺ പ്രഖ്യാപിച്ചിരിക്കുന്നത്. 1.43 ഇഞ്ച് AMOLED ഡിസ്പ്ലേയാണ് ഈ ഫോണിന് ഉള്ളത്. 850nits തെളിച്ചവും ഈ ഡിസ്പ്ലേ വാ​ഗ്ദാനം ചെയ്യുന്നുണ്ട്. 10 ദിവസം വരെ നീളുന്ന ബാറ്ററിലൈഫും ഈ വാച്ചിൽ നിന്ന് പ്രതീക്ഷിക്കാവുന്നതാണ്.

മറ്റ് സ്മാർട്ട് വാച്ചുകൾക്ക് സമാനമായി നിരവധി ഫിറ്റ്നസ് ഫീച്ചറും ഈ സ്മാർട്ട് വാച്ച് വാ​ഗ്ദാനം ചെയ്യുന്നു. ബോട്ടിന്റെ മറ്റൊരു സ്മാർട്ട് വാച്ചിനും ആകർഷകമായ ഓഫർ ആമസോൺ പ്രഖ്യാപിച്ചിട്ടുണ്ട്. ബോട്ട് എനി​ഗ്മ എക്സ് 500 വാച്ചിനാണ് ഈ ഓഫർ ഉള്ളത്. 1.43 ഇഞ്ച് AMOLED ഡിസ്പ്ലേയുള്ള ഈ സ്മാർട്ട് വാച്ചിന് 10 ദിവസത്തോളം ബാറ്ററി ലൈഫ് ലഭിക്കും എന്നാണ് ബോട്ട് അവകാശപ്പെടുന്നത്.

കൂടാതെ വോയിസ് അസിസ്റ്റന്റിന്റെ പിന്തുണയും ഈ സ്മാർട്ട് വാച്ചിന് ഉണ്ടായിരിക്കുന്നതാണ്. IP68-റേറ്റ് ആണ് ഈ വാച്ചിന്റെ പ്രതിരോധം. അതേ സമയം ആമസോണിന് പുറമെ മറ്റൊരു ജനപ്രിയ ഇ കൊമേഴ്സ് വെബ്സൈറ്റായ ഫ്ലിപ്പ്കാർട്ടിലും റിപ്പബ്ലിക്ക് ദിനം അനുബന്ധിച്ച് പ്രത്യേക ഓഫറുകൾ പ്രഖ്യാപിച്ചിട്ടുണ്ട്. ജനവരി 19 വരെ രണ്ട് പ്ലാറ്റ്ഫോമുകളിൽ ഈ ഓഫർ വിൽപന ഉണ്ടായിരിക്കും എന്നാണ് റിപ്പോർട്ടുകൾ സൂചിപ്പിക്കുന്നത്.