ഈ വർഷം ഇറങ്ങിയതിൽ മികച്ച മിഡ്-ബഡ്ജറ്റ് ഫോണുകൾ; സാധാരണക്കാർക്ക് ഏറ്റവും അനുയോജ്യമായ ഫോണുകൾ

നിരവധി സ്മാർട്ട് ഫോണുകൾ പുറത്തിറങ്ങിയ ഒരു വർഷമാണ് 2023. ബഡ്ജറ്റ് ഫ്രണ്ട്ലി, മിഡ് ബഡ്ജറ്റ്, പ്രീമിയം എന്നിങ്ങനെ മൂന്ന് സെ​ഗ്മെന്റുകളിലും നിരവധി ഫോണുകളാണ് ഈ വർഷം പുറത്തിറങ്ങിയത്. ഇന്ത്യയിലെ ഉപയോക്താക്കളിൽ ഭൂരിഭാ​ഗവും സാധാരണക്കാരയതിനാൽ ഇതിൽ ഏറ്റവും കൂടുതൽ വിറ്റുപോയത് മിഡ് ബഡ്ജറ്റ് ഫോണുകളാണ്.

ഇത്തരത്തിൽ ഈ വർഷം ഇറങ്ങിയതിൽ ഏറ്റവും മികച്ച മിഡ് ബഡ്ജറ്റ് ഫോണുകൾ ഏതെല്ലാമാണെന്ന് വിശദാമിയ പരിശോധിക്കാം. ഈ സെഗ്മെന്റിലെ ഒരു മികച്ച ഫോണാണ് റെഡ്മിയുടെ 11 പ്ലസ് പ്രോ. 2x, 4x ഇൻ-സെൻസർ സൂം ഉള്ള 200 എംപി ക്യാമറയാണ് ഈ ഫോണിന്റെ ഏറ്റവും വലിയ പ്രത്യേകത. ഒരുപക്ഷെ 25,000 രൂപയ്ക്ക് താഴെ ലഭിക്കുന്നതിൽ ഏറ്റവും മികച്ച ക്യാമറ ഫോണെന്ന വിശേഷണം റെഡ്മി 11 പ്ലസ് പ്രോയ്ക്ക് ചേരുന്നതായിരിക്കും.

MOST READ: ഇന്ത്യയിൽ ഇത് ആദ്യം; വെറും 8000 രൂപയ്ക്ക് താഴെ 256 ജിബി സ്റ്റോറേജ് വാ​ഗ്ദാനവുമായി ഐടെൽ എ70

ഇക്കൂട്ടത്തിലെ മറ്റൊരു ഫോണാണ് മോട്ടറോളയുടെ എഡ്ജ് 40. IP68 വാട്ടർ ഡെസ്റ്റ് പ്രതിരോധം ഉള്ള ഫോണുകളിൽ ഒന്നാണ് മോട്ടറോള എഡ്ജ് 40. 4,400mAh ബാറ്ററിയാണ് ഈ ഫോണിനായി മോട്ടറോള നൽകിയിരിക്കുന്നത്. എന്നാൽ സോഫ്റ്റുവെയർ അപ്ഡേറ്റിൽ കൃത്യത പാലിക്കാത്തത് ഈ ഫോണിന് അവകാശപ്പെടാൻ സാധിക്കുന്ന ഒരു മോശം വശമാണ്. എന്നാൽ വിലയ്ക്കൊത്ത മികച്ച പ്രകടനം ഈ ഫോൺ കാഴ്ച വെയ്ക്കുന്നുണ്ട്.

പോക്കോ എഫ് 5ഉം ഈ വർഷം ഇറങ്ങിയ മികച്ച മിഡ് ബഡ്ജറ്റ് ഫോണിന്റെ പട്ടികയിൽ ഇടം പിടിച്ചിട്ടുണ്ട്. സ്‌നാപ്ഡ്രാഗൺ 7+ Gen 1 ചിപ്‌സെറ്റ് ആണ് ഈ ഫോണിനായി പോക്കോ നൽകിയിരിക്കുന്നത്. മിഡ് ബഡ്ജറ്റിൽ ഈ ചിപ്സെറ്റ് ലഭിക്കുന്ന ഇന്ത്യയിലെ ചുരുക്കം ചില ഫോണുകളിലൊന്നാണ് പോക്കോ എഫ് 5. സ്‌നാപ്ഡ്രാഗൺ 8 Gen 1-ന് സമാനമായി ഹിറ്റീങ് പ്രശ്നങ്ങൾ ഇതിന് പരിഹരിക്കാൻ സാധിക്കും.

MOST READ: പവർ കൂട്ടി വിവോയുടെ വൈ100ഐ പവർ; 6000mAh ആണ് ബാറ്ററി, ചാർജ് തീരാൻ കുറച്ച് സമയമെടുക്കും

30,000 രൂപയ്ക്ക് താഴെയാണ് ഈ ഫോണിന്റെ വില എന്നതാണ് ശ്രദ്ധേയം. രണ്ട് വർഷത്തെ വാറന്റിയാണ് ഈ ഫോൺ ഉപയോക്താക്കൾക്ക് വാ​ഗ്ദാനം ചെയ്യുന്നത്. നത്തിങ് ഫോൺ 2വും ഈ വർഷം ഇറങ്ങിയതിൽ വെച്ച് മികച്ച ഒരു മിഡ് ബഡ്ജറ്റ് ഫോണായി കണക്കിലെടുക്കാവുന്നതാണ്. വ്യത്യസ്തമായ ഡിസൈനിലാണ് നത്തിങ് ഈ ഫോൺ തയ്യാറാക്കിയിരിക്കുന്നത്. സ്‌നാപ്ഡ്രാഗൺ 8+ Gen 1 ചിപ്‌സെറ്റ് ആണ് ഈ ഫോണിനായി കമ്പനി നൽകിയിരിക്കുന്നത്.

ഫോണിന്റെ ക്യാമറ ഡിപ്പാർട്ട്മെന്റും മികച്ച പ്രകടനം കാഴ്ച വെയ്ക്കുന്നുണ്ട്. 44,999 രൂപയ്ക്ക് ലോഞ്ച് ചെയ്ത ഈ ഫോൺ ഇപ്പോൾ 39,999 രൂപയ്ക്ക് ഇന്ത്യയിൽ ലഭ്യമാണ്. ഫോണിന്റെ 8ജിബി റാം 128ജിബി സ്റ്റോറേജ് വേരിയന്റിനാണ് ഈ വില. വിവോയുടെ വി29 പ്രോയാണ് ഈ ലിസ്റ്റിലെ മറ്റൊരു ഫോൺ. ഫോണിന്റെ ക്യാമറ ഫീച്ചറുകൾ തന്നെയാണ് മുന്നിട്ട് നിൽക്കുന്നത്. 50എംപി പ്രൈമറി സെൻസറും 12എംപി ടെലിഫോട്ടോ ലെൻസുമാണ് ഈ ഫോണിൽ ഉള്ളത്.

MediaTek Dimensity 8200 ചിപ്‌സെറ്റ് ആണ് വിവോ ഈ ഫോണിനായി നൽകിയിരിക്കുന്നത്. സ്റ്റീരിയോ സ്പീക്കർ, എൻഎഫ്‌സി, മികച്ച ഐപി റേറ്റിങ് എന്നിവ ഫോണിന്റെ ഡിമാന്റ് വർധിപ്പിക്കുന്നു. ഈ ലിസ്റ്റിൽ ഇടം പിടിച്ചിരിക്കുന്ന അവസാനത്തെ ഫോണാണ് വൺപ്ലസ് 11 ആർ. Snapdragon 8+ Gen 1 ആണ് ഈ ഫോണിനായ് വൺപ്ലസ് നൽകിയിരിക്കുന്നത്. ആയതിനാൽ തന്നെ മികച്ച പെർഫോമൻസ് ഈ ഫോൺ കാഴ്ച വെയ്ക്കുന്നു.

3 വർഷത്തെ ആൻഡ്രോയിഡ് അപ്‌ഡേറ്റുകളും 4 വർഷത്തെ സുരക്ഷാ പാച്ചുകളും ഈ ഫോൺ ഉപയോക്താക്കൾക്ക് വാ​ഗ്ദാനം ചെയ്യുന്നു. നിലവിൽ ഇന്ത്യൻ മാർക്കറ്റിൽ 39,999 രൂപയാണ് വൺപ്ലസ് 11 ​ആറിന്റെ വില. ട്രിപ്പിൾ ക്യാമറ സജ്ജീകരണവും ഈ ഫോണിന് അവകാശപ്പെടാൻ സാധിക്കുന്ന ഒരു ഫീച്ചറാണ്. റെഗുലർ, മാക്രോ ഫോട്ടോകൾ മികച്ച ക്ലാരിറ്റിയിൽ പകർത്താൻ ഈ ക്യാമറകൾ ഉപയോക്താക്കളെ സഹായിക്കുന്നതാണ്.