നിങ്ങളുടെ ബഡ്ജറ്റ് പറയു, ഈ വർഷം ഇറങ്ങിയതിൽ ഏറ്റവും മികച്ച ഫോൺ തന്നെ ഞങ്ങൾ സജസ്റ്റ് ചെയ്യാം

2023 അവസാനിക്കാൻ പോകുകയാണ് ഇനി കേവലം 17 ദിവസങ്ങൾ കൂടി കഴിഞ്ഞാൽ പുതിയ വർഷം പിറവിയെടുക്കും. ടെക് ലോകത്തെ സംബന്ധിച്ച് നിരവധി സ്മാർട്ട് ഫോണുകളും ​ഗാഡ്ജറ്റുകളും പുറത്തിറങ്ങിയ വർഷം കൂടിയാണിത്. ആദ്യ പാദത്തിൽ വിപണി മന്ദ​ഗതിയിൽ ആയിരുന്നെങ്കിൽ പിന്നീട് വിപണിയിൽ വലിയ ഉയർച്ചയാണ് കാണാൻ സാധിച്ചത്.

നിരവധി മികച്ച ഫോണുകൾ ഈ വർഷം വിപണിയിൽ എത്തിയിട്ടുണ്ട്. ഇതിൽ നിങ്ങളുടെ ബഡ്ജറ്റിന് അനുസരിച്ചുള്ള ഏറ്റവും മികച്ച ഫോണുകൾ ഏതെല്ലാം ആയിരിക്കും എന്ന് പരിശോധിക്കാം. 10,000 രൂപയാണ് നിങ്ങളുടെ ബഡ്ജറ്റ് എങ്കിൽ ഈ വർഷം ഇറങ്ങിയതിൽ ഈ വിലയ്ക്ക് വാങ്ങാൻ സാധിക്കുന്ന ഏറ്റവും മികച്ച ഫോൺ ഇൻഫിനിക്സിന്റെ സ്മാർട്ട് 8 എച്ച്ഡി ആണ്. വെറും 6,499 രൂപ മാത്രമാണ് ഈ ഫോണിന്റെ വില.

MOST READ: വാഹനത്തിന്റെ മൈലേജ് വർധിപ്പിക്കണോ? ഇന്ധനം ലാഭിക്കാൻ പുതിയ ഫീച്ചറുമായി ​ഗൂ​ഗിൾ മാപ്പ്

ഈ ബഡ്ജറ്റിൽ ഇതിലും മികച്ച ഫോൺ നിങ്ങൾക്ക് ലഭിക്കില്ല. എച്ച്ഡി പ്ലസ് ഡിസ്പ്ലേ വാ​ഗ്ദാനം ചെയ്യുന്നു ഫോണിന്റെ ക്യാമറ ഫീച്ചറുകൾ വിലയ്ക്കൊത്ത പെർഫോമൻസ് കാഴ്ച വെയ്ക്കുന്നതാണ്. 5,000mAh ബാറ്ററിയും ഫോണിന്റെ കരുത്ത് വർധിപ്പിക്കുന്നുണ്ട്. പുതിയ സ്മാർട്ട് ഫോൺ വാങ്ങാനായി 20,000 രൂപയോളം നിങ്ങളുടെ കൈവശമുണ്ടെങ്കിൽ വൺപ്ലസിന്റെ നോർഡ് സിഇ 3 ലൈറ്റ് ഒരു മികച്ച ഓപ്ഷൻ ആയിരിക്കും. പോരായ്മകൾ ഉണ്ടെങ്കിലും ആകെമൊത്തം പരിശോധിക്കുമ്പോൾ ഇതൊരു മികച്ച ഫോൺ തന്നെയാണ്.

മികച്ച പ്രൊസസർ, ക്യാമറ ഫീച്ചറകുൾ ആ​ഗ്രഹിച്ചാണ് നിങ്ങൾ പുതിയ ഫോൺ എടുക്കുന്നത് എങ്കിൽ നോർഡ് സിഇ 3 ലൈറ്റ് നിങ്ങൾക്ക് അനുയോജ്യം ആയിരിക്കില്ല. എന്നാൽ ഒരു ഫോൺ എന്ന നിലയിൽ ഓവറോൾ ഒരു സംതൃപ്തി ഈ ഫോൺ നിങ്ങൾക്ക് നൽകുന്നതായിരിക്കും. 30,000 രൂപയ്ക്ക് താഴെ ലഭിക്കുന്നതിൽ ഏറ്റവും മികച്ച ഫോൺ മോട്ടറോളയുടെ എഡ്ജ് 40 5ജി ആയിരിക്കും. 26,999 രൂപ ആണ് ഫ്ലിപ്പ്കാർട്ടിൽ ഈ ഫോണിന്റെ വില.

MOST READ: റെഡ്മി നോട്ട് 13 സീരീസ് ജനുവരി ആദ്യമെത്തും; മിഡ് ബഡ്ജറ്റിൽ എസ് 23 അൾട്രയുടെ 200എംപി ക്യാമറ സ്വന്തമാക്കാം

ഫോണിന്റെ 8 ജിബി റാം 256 ജിബി സ്റ്റോറേജിനാണ് ഈ വില നൽകേണ്ടത്. 144Hz റീഫ്രഷ് റെയ്റ്റുള്ള OLED ഡിസ്‌പ്ലേ, 4K വീഡിയോ റെക്കോർഡിംഗ്, മികച്ച വാട്ടർ പൊടി പ്രതിരോധം എന്നിവയെല്ലാം ഈ ഫോണിന്റെ എടുത്തുപറയേണ്ട സവിശേഷതകളാണ്. അതേ സമയം 40,000 രൂപ വരെ നിങ്ങൾക്ക് ബഡ്ജറ്റ് ഉണ്ടെങ്കിൽ ഐക്യൂവിന്റെ നിയോ 7 പ്രോയും മികച്ച ഒരു ഓപ്ഷനാണ്. 35,000 രൂപ മുതലാണ് ഈ ഫോണിന്റെ വില ആരംഭിക്കുന്നത്.

സ്‌നാപ്ഡ്രാഗൺ 8+ Gen 1 SoC ആണ് ഇതിന്റെ പ്രോസസർ. വൺപ്ലസിന്റെ 11ആർ ഈ വിഭാ​ഗത്തിൽ കനത്ത മത്സരം നടത്തുമെങ്കിലും ചില കാര്യങ്ങളിൽ മുന്നിട്ട് നിൽക്കുന്നത് ഐക്യൂ നിയോ 7 പ്രോ തന്നെയാണ്. മികച്ച AMOLED ഡിസ്പ്ലേ, മികച്ച ക്യാമറ എന്നിവയെല്ലാം ഈ ഫോണിനെ മുൻപന്തിയിൽ എത്തിക്കുന്നു. 50,000 രൂപയ്ക്ക് താഴെയുള്ള മികച്ച സ്മാർട്ട് ഫോൺ പരിശോധിക്കുമ്പോൾ ഐക്യൂവിന്റെ തന്നെ 12 5ജിയാണ് മുന്നിട്ട് നിൽക്കുന്നത്.

Snapdragon 8 Gen 3 ആണ് ഈ ഫോണിനായി ഐക്യൂ ഒരുക്കിയിരിക്കുന്നത്. അടുത്തിടെയാണ് ഈ ഫോൺ ഐക്യൂ അവതരിപ്പിച്ചത്. നിലവിൽ ഈ ഫോണിന് 53,000 രൂപയാണ് വില എങ്കിലും എച്ച്ഡിഎഫ്സിയുടെ കാർഡ് ഉപയോ​ഗിച്ച് 50,000 രൂപയിൽ താഴെ നിങ്ങൾക്ക് ഈ ഫോൺ സ്വന്തമാക്കാൻ സാധിക്കുന്നതാണ്. നിങ്ങൾക്ക് 60,000 രൂപയോളം ബഡ്ജറ്റ് ഉണ്ടെങ്കിൽ ഈ ക്യാറ്റ​ഗറിൽ ലഭിക്കുന്ന ഏറ്റവും മികച്ച ഫോൺ ആയിരിക്കും വൺപ്ലസ് 11 5ജി.

ഈ വർഷം പുറത്തിറങ്ങിയതിൽ ഏറ്റവും മികച്ച ഫോണുകളിൽ ഒന്നാണ് ഇത്. പ്രീമിയം ഫീച്ചറുകൾ എല്ലാം തന്നെ ഈ ഫോൺ ഉപയോക്താക്കൾക്ക് വാ​ഗ്ദാനം ചെയ്യുന്നു. മറ്റുള്ള കമ്പനികളുടെ പ്രീമിയം ഫോണുകൾക്ക് ഒരു ലക്ഷത്തിൽ അധികം ആയിരിക്കും വില. അതേ സമയം ഈ വർഷം പുറത്തിറങ്ങിയതിൽ ഏറ്റവും മികച്ച ഫോൾഡബിൾ ഫോണും വൺപ്ലസിന്റെ തന്നെ ആയിരിക്കും. സാംസങ്ങിന്റെ ഫോൾഡബിൾ ഫോണുകൾ മികച്ചു നിൽക്കുമെങ്കിലും വില വളരെ ഉയർ‌ന്നതാണ്.

ഇവിടെ വൺപ്ലസിന്റെ ഫോൾഡബിൾ ഫോൺ കുറഞ്ഞ വിലയിൽ മികച്ച ഫീച്ചറുകൾ വാ​ഗ്ദാനം ചെയ്യുന്നു. ഈ വർഷം പുറത്തിറങ്ങിയതിൽ ഏറ്റവും മികച്ച ഫ്ലാ​ഗ്ഷിപ്പ് സാംസങ്ങിന്റെ എസ് 23 അൾ‌ട്രയാണ്. ഫോണിന്റെ ക്യാമറ ഫീച്ചറുകൾ വളരെ കേളി കേട്ടതാണ്. ആപ്പിൾ പുറത്തിറക്കിയ ഐഫോൺ 15 സീരീസും ഈ വർഷം പുറത്തിറങ്ങിയതിൽ മികച്ച് നിൽക്കുന്നവയാണ്.