ഒന്നും രണ്ടുമല്ല 30,000 രൂപയാണ് ഓഫ്, അതും ഏറ്റവും മികച്ച ഫോണിന്; പിക്സൽ 7 പ്രോയ്ക്ക് വൻ ഡിസ്കൗണ്ട്

ഇന്ത്യൻ സ്മാർട്ട് ഫോൺ മാർക്കറ്റിൽ തികച്ചും അണ്ടർറേറ്റഡ് ആയിട്ടുള്ള ഫോണുകളിൽ ഒന്നാണ് ​ഗൂ​ഗിളിന്റെ പിക്സൽ ഫോണുകൾ. മികച്ച ഫീച്ചറുകളും സൗകര്യങ്ങളും ഈ ഫോണുകൾ വാ​ഗ്ദാനം ചെയ്യുന്നുണ്ടെങ്കിലും ഭൂരിഭാ​ഗം ഉപയോക്താക്കളും ഈ ഫോണുകൾ സ്വന്തമാക്കാനായി അധികം ശ്രമിക്കാറില്ല. മിതമായ വില മാത്രമാണ് ഈ ഫോണുകൾക്ക് ഉള്ളത് എന്നതും ശ്രദ്ധേയമാണ്.

കഴിഞ്ഞ ഒക്ടോബർ മാസത്തിലാണ് ​ഗൂ​ഗിൾ തങ്ങളുടെ പിക്സൽ 8 സീരീസ് ഫോണുകൾ അവതരിപ്പിച്ചത്. നിലവിൽ മികച്ച അഭിപ്രായമാണ് ഉപയോക്താക്കളുടെ പക്കൽ നിന്ന് ഈ ഫോണുകൾക്ക് ലഭിക്കുന്നത്. ക്യാമറയിൽ അടക്കം എഐ ഫീച്ചറുകളുമായിട്ടാണ് ഈ ഫോണിനെ ​ഗൂ​ഗിൾ അവതരിപ്പിച്ചിരിക്കുന്നത്. മാത്രമല്ല ദീർഘനാൾ നീണ്ടു നിൽക്കുന്ന സോഫ്റ്റുവെയർ അപ്ഡേറ്റുകളും ഈ ഫോണുകൾക്കായി ​ഗൂ​ഗിൾ വാ​ഗ്ദാനം ചെയ്യുന്നു. പിക്സൽ 7 സീരീസ് ഫോണുകളുടെ പിൻ​ഗാമികളാണ് പിക്സൽ 8 സീരീസ് ഫോണുകൾ.

MOST READ: രാജ്യത്തിന് മാതൃകയായി വീണ്ടും കേരളം; ഇനി സർക്കാർ ഓഫീസുകൾ നിരങ്ങേണ്ട സേവനങ്ങളെല്ലാം വിരൽ തുമ്പിൽ

പിക്സൽ 7 സീരീസ് ഫോണുകളും മികച്ച ഫോണുകൾ തന്നെയാണ്. ഫോണിന്റെ വിലയ്ക്കൊത്ത പെർഫോമൻസ് കാഴ്ച വെയ്ക്കുന്ന ഫോണുകളിൽ ഒന്നാണ് ഇവ. എന്നാൽ നിരവധി ഉപയോക്താക്കൾ ഈ ഫോണിന്റെ സാധ്യതകൾ എന്തെല്ലാമാണെന്ന് തിരിച്ചറിഞ്ഞിട്ടില്ല. ഇപ്പോൾ പിക്സൽ 7 പ്രോ വാങ്ങാൻ ആ​ഗ്രഹിക്കുന്ന ഉപയോക്താക്കൾക്ക് മികച്ച ഓഫറുമായി രം​ഗത്ത് വന്നിരിക്കുകയാണ് പ്രമുഖ ഇ കൊമേഴ്സ് വെബ്സൈറ്റായ ഫ്ലിപ്പ്കാർട്ട്. ഏകദേശം 30,000 രൂപയോളം ലാഭിക്കാൻ സാധിക്കുന്ന വിധത്തിലാണ് ഫ്ലിപ്പ്കാർട്ടിന്റെ ഓഫർ.

ഇപ്പോൾ ​ഗൂ​ഗിൾ പിക്സൽ 7 പ്രോ സ്വന്തമാക്കാൻ ആ​ഗ്രഹിക്കുന്നവർക്കായി ഈ ഓഫർ വിശദീകരിക്കാം. 84,999 രൂപ ആയിരുന്നു ​ഗൂ​ഗിൾ പിക്സൽ 7 പ്രോയുടെ ഇന്ത്യയിലെ ലോഞ്ച് വില. ഈ ഫോണിന് ഇപ്പോൾ 31 ശതമാനം ഡിസ്കൗണ്ട് ആണ് ഫ്ലിപ്പ്കാർട്ട് പ്രഖ്യാപിച്ചിരിക്കുന്നത്. അതായത് 58,999 രൂപയ്ക്കാണ് ഈ ഫോൺ ഇപ്പോൾ ഫ്ലിപ്കാർട്ടിൽ ലിസ്റ്റ് ചെയ്തിരിക്കുന്നത്. ലോഞ്ച് വിലയിൽ നിന്ന് 26,000 കുറവാണ് ഈ വില.

MOST READ: ഈ സന്ദേശം നിങ്ങൾക്ക് വാട്സ്ആപ്പിൽ വന്നാൽ അക്കൗണ്ടിലെ പണം മുഴുവൻ നഷ്ടമാകും, രക്ഷപെടാൻ ഇക്കാര്യം ചെയ്യുക

എന്നാൽ വിവിധ ബാങ്ക് ഓഫറുകൾ കൂടി ചേരുമ്പോൾ ഈ കിഴിവ് 30,000 രൂപയോളം ആയി ഉയരുന്നു. ഒരു പ്രീമിയം ഫോൺ മിഡ് ബഡ്ജറ്റിൽ ലഭിക്കാൻ ഒള്ള അവസരം ആണ് ഇപ്പോൾ ഫ്ലിപ്പ്കാർട്ട് ഒരുക്കിയിരിക്കുന്നത്. ഫോണിന്റെ 12 ജിബി റാം 128 ജിബി സ്റ്റോറേജ് വേരിയന്റിനാണ് ഈ ഓഫർ ഉള്ളത്. ഹേസൽ, ഒബ്സിഡിയൻ, സ്നോ എന്നീ കളർ വേരിയന്റുകളിൽ ആയിരിക്കും ഇന്ത്യയിൽ ഈ ഫോൺ ലഭ്യമാകുന്നത്.

അതേ സമയം ​ഗൂ​ഗിൾ പിക്സൽ 7 പ്രോയുടെ പ്രധാന സവിശേഷതകൾ എന്തെല്ലാമാണെന്ന് വിശദമായി പരിശോധിക്കാം. 120Hz റീഫ്രഷ് റെയ്റ്റുള്ള 6.7 ഇഞ്ച് LTPO OLED ഡിസ്‌പ്ലേയാണ് ഈ ഫോണിനായി ​ഗൂ​ഗിൾ നൽകിയിരിക്കുന്നത്. ആൻഡ്രോയിഡ് 13 ഓപ്പറേറ്റിംഗ് സിസ്റ്റത്തിൽ ആയിരിക്കും പിക്സൽ 7 പ്രോ പ്രവർത്തിക്കുന്നത്. 30W വയർഡ് ചാർജിങ്ങിനെ പിന്തുണയ്ക്കുന്ന 4926 mAh ബാറ്ററിയും ഈ ഫോണിൽ സ്ഥാനം പിടിച്ചിട്ടുണ്ട്.

ഒക്ടാ കോർ ടെൻസർ G2 പ്രോസസറാണ് പിക്സൽ 7 പ്രോയ്ക്കായി ​ഗൂ​ഗിൾ ഒരുക്കിയിരിക്കുന്നത്. ഈ ഫോണിന്റെ കണക്ടിവിറ്റികൾ പരിശോധിക്കുമ്പോൾ 5ജി, 4ജി, Wi-Fi 6E, ബ്ലൂടൂത്ത് 5.2, ജിപിഎസ്, എൻഎഫ്സി, യുഎസ്ബി ടൈപ് സി പോർട്ട് എന്നിവയെല്ലാം കാണാൻ സാധിക്കുന്നതാണ്. മികച്ച രീതിയിൽ ചിത്രങ്ങൾ പകർത്താൻ സാധിക്കുന്നത ക്യാമറ ഡിപ്പാർട്ട്മെന്റാണ് പിക്സൽ 7 പ്രോയ്ക്ക് നൽകിയിരിക്കുന്നത്. 50 എംപിയാണ് ഫോണിന്റെ പ്രൈമറി സെൻസർ.

ഫോണിന് ​ഗൂ​ഗിൾ നൽകിയിരിക്കുന്ന ടെലിഫോട്ടോ ലെൻസ് ആകട്ടെ 48 എംപിയാണ്. ഇതിന് പുറമെ 12 എംപിയുടെ ഒരു അൾട്രാ വൈഡ് ആംഗിൾ ലെൻസും ഫോണിന്റെ പിൻവശത്തായി സ്ഥാനം പിടിച്ചിട്ടുണ്ട്. സെൽഫികൾക്കും വീഡിയോ കോളുകൾക്കുമായി പിക്സൽ 7 പ്രോയിൽ ​ഗൂ​ഗിൾ നൽകിയിരിക്കുന്നത് 10 എംപിയുടെ ഫ്രണ്ട് ക്യാമറയാണ്. പുതിയ ഫോൺ മികച്ച ഡിസ്കൗണ്ടിൽ വാങ്ങാൻ ആ​ഗ്രഹിക്കുന്നവർക്ക് എന്തുകൊണ്ടും മികച്ച അവസരമാണ് ഇപ്പോൾ ഫ്ലിപ്പ്കാർട്ട് ഒരുക്കിയിരിക്കുന്നത്.