മെയ് മാസത്തിൽ പിക്സലിന്റെ പുതിയ അവതാരത്തെ ഇറക്കാൻ ​ഗൂ​ഗിൾ; ഫീച്ചറുകൾ ഇതിനോടകം തന്നെ പുറത്തായി

നിലവിൽ സ്മാർട്ട് ഫോൺ ആരാധകരുടെ ഇടയിൽ പ്രതേകം ഫാൻ ബെയ്സ് ഉള്ള ഒരു ഫോൺ ആണ് ​ഗൂ​ഗിളിന്റെ പിക്സൽ ഫോണുകൾ. കഴിഞ്ഞ വർഷത്തെ ഏറ്റവും മികച്ച ഫോൺ ആയി തിരഞ്ഞെടുത്തത് ​ഗൂ​ഗിളിന്റെ പിക്സൽ 7 ഫോൺ ആയിരുന്നു. ഇതിന് പിന്നാലെയാണ് ​ഗൂ​ഗിൾ തങ്ങളുടെ പിക്സൽ 8 സീരീസ് ഫോണുകൾ പുറത്തിറക്കിയത്.

​ഗൂ​ഗിൾ പിക്സൽ 8, 8 പ്രോ എന്നിങ്ങനെ രണ്ട് ഫോണുകൾ ആയിരുന്നു ഈ സീരീസിൽ ഉണ്ടായിരുന്നത്. ആദ്യമായി എഐ ഫീച്ചറുകൾ ഉൾപ്പെടുത്തിയ ഫോൺ എന്ന പ്രേത്യേകതയും ​ഗൂ​ഗിൾ പിക്സൽ 8 സീരീസ് ഫോണുകൾക്ക് ഉണ്ട്. ഇതിന് ശേഷമാണ് സാംസങ് ​ഗാലക്സി എസ് 24 സീരീസ് ഉൾപ്പെടെയുള്ള ഫോണുകൾക്ക് എഐ ഫീച്ചറുകൾ ലഭിച്ചത്. മികച്ച പ്രതികരണമാണ് ഉപയോക്താക്കളുടെ പക്കൽ നിന്ന് പിക്സൽ ഫോണുകൾക്ക് ലഭിക്കുന്നത്.

MOST READ: ഇന്ത്യയിലെ ലോക്സഭാ തിരഞ്ഞെടുപ്പ് എഐ ഉപയോ​ഗിച്ച് ചൈന അട്ടിമറിക്കും; മുന്നറിയിപ്പുമായി മൈക്രോസോഫ്റ്റ്

​ഗൂ​ഗിളിന്റെ പിക്സൽ 8 സീരീസ് ഫോണുകൾ‌ പുറത്തിറങ്ങിയിട്ട് ഏകദേശം 6 മാസങ്ങൾ കഴിഞ്ഞിരിക്കുകയാണ്. ഇപ്പോൾ പിക്സൽ ആരാധർ ചോദിക്കുന്നത് അടുത്ത പിക്സൽ ഫോൺ എന്ന് പുറത്തിറങ്ങും എന്നാണ്. ഇതിനുള്ള ഉത്തരവുമായി രം​ഗത്ത് വന്നിരിക്കുകയാണ് സാക്ഷാൻ ​ഗൂ​ഗിൾ തന്നെ. പിക്സൽ 8 ഫോണിന്റെ പിൻ​ഗാമിയായി പിക്സൽ 8 എ ഫോൺ ഉടൻ തന്നെ വിപണിയിൽ എത്തും എന്നാണ് ​ഗൂ​ഗിൾ അറിയിച്ചിരിക്കുന്നത്. ഈ ഫോണിനെക്കുറിച്ച് വലിയ പ്രതീക്ഷയാണ് ഉപയോക്താക്കൾക്ക് ഉള്ളത്.

ഇപ്പോൾ ഇതാ ഈ ഫോണിന്റെ ചില ഫീച്ചറുകൾ ലീക്ക് ആയിരിക്കുകയാണ്. ബ്ലൂടൂത്ത് എസ്ഐജി എന്ന വെബ്സൈറ്റ് ആണ് ഈ വിവരങ്ങൾ പുറത്ത് വിട്ടത്. ഉടൻ തന്നെ ഈ ഫോൺ വിപണിയിൽ എത്തും എന്നാണ് പ്രതീക്ഷിക്കുന്നത്. പുറത്ത് വന്നിരിക്കുന്ന വിവരങ്ങൾ പ്രകാരം ഈ ഫോണിന് 6.1 ഇഞ്ച് എഫ്എച്ച്‌ഡി + ഒഎൽഇഡി ഡിസ്‌പ്ലേ ഉണ്ടായിരിക്കും എന്നാണ് എന്നാണ് പറയപ്പെടുന്നത്. ഈ സ്ക്രീനിന് 120 Hz റീഫ്രഷ് റെയ്റ്റും അവകാശപ്പെനുണ്ടായിരിക്കും.

MOST READ: വെറും 6,799 രൂപ മുതൽ സ്മാർട്ട് ടിവികൾ, 65% വരെ ഡിസ്കൗണ്ടിന് പുറമെ ബാങ്ക് ഓഫറും; ആമസോണിൽ പുത്തൻ ഓഫർ വിൽപന

പിക്സൽ 8ൽ ​ഗൂ​ഗിൾ നൽകിയ ടെൻസർ ജി3 ചിപ്‌സെറ്റ് തന്നെ ആയിരിക്കും പിക്സൽ 8 എയ്ക്കും ​ഗൂ​ഗിൾ നൽകാൻ സാധ്യത. 128 ജിബി, 256 ജിബി എന്നിങ്ങനെ രണ്ട് സ്റ്റോറേജ് വേരിയന്റുകളിൽ പുറത്തിറങ്ങുന്ന ഈ ഫോൺ ആൻഡ്രോയിഡ് 14ൽ ആയിരിക്കും പ്രവർത്തിക്കുന്നത്. ഡ്യുവൽ ക്യാമറ ആയിരിക്കും ഈ ഫോണിൽ ഇടം പിടിയ്ക്കാൻ സാധ്യത.

ഐഒഎസ് പിന്തുണയുള്ള 64 എംപി ലെൻസ് ആയിരിക്കും ഈ ഫോണിന്റെ പ്രൈമറി ക്യാമറ. 13 എംപിയുടെ അൾട്രാ വൈഡ് ക്യാമറയും ഈ ഫോണിന് അവകാശപ്പെടാൻ സാധിക്കുന്നതാണ്. സെൽഫികൾക്കും വീഡിയോ കോളുകൾക്കുമായി പിക്സൽ 8 എയിൽ ​ഗൂ​ഗിൾ നൽകാൻ സാധ്യതയുള്ള ഫ്രണ്ട് ക്യാമറ 13 എംപിയുടേത് ആയിരിക്കും എന്നും ഈ റിപ്പോർട്ട് സൂചിപ്പിക്കുന്നു. പിക്സൽ 7 എയ്ക്കും ഇതേ ക്യാമറകൾ തന്നെയാണ് ​ഗൂ​ഗിൾ നൽകിയിരുന്നത്.

27W ഫാസ്റ്റ് ചാർജിംഗ് പിന്തുണയുള്ള 4,500mAh ബാറ്ററിയും ഈ ഫോണിൽ പായ്ക്ക് ചെയ്യും എന്നും സൂചനയുണ്ട്. Mali-G715 GPU-മായി ജോടിയാക്കിയ ചിപ്സെറ്റും ​ഗൂ​ഗിൾ പിക്സൽ 8 എയിൽ നിന്ന് പ്രതീക്ഷിക്കാവുന്നതാണ്. മെയ് മാസം ഈ ഫോൺ ​ഗൂ​ഗിൾ പുറത്തിറക്കും എന്നാണ് പുറത്ത് വരുന്ന റിപ്പോർട്ടുകൾ സൂചിപ്പിക്കുന്നത്. മെയ് 14ന് നടക്കുന്ന Google I/O 2024 ഇവൻ്റിൽ ആയിരിക്കും ഒരു പക്ഷെ ഈ ഫോൺ പുറത്തിറക്കാനുള്ള സാധ്യത.

ഈ ഫോണിന്റെ വില 500 ഡോളറിനും 550 ഡോളറിനും ഇടയിലായിരിക്കും എന്നും സൂചനകൾ ഉണ്ട്. അതായത് ഇന്ത്യൻ വിപണിയിൽ ഏകദേശം 41,635 രൂപയോളം. പികസൽ 7 എയിൽ നിന്ന് നിരവധി ഫീച്ചറുകളിൽ അപ്​ഗ്രേഡ് പുതിയ ഫോണിന് അവകാശപ്പെടാൻ സാധിക്കുന്നതായിരിക്കും. പിക്സൽ 8നോട് സാമ്യമുള്ള ഡിസൈനിൽ‌ ആയിരിക്കും പുതിയ ഫോൺ എത്താൻ സാധ്യത. എന്നാൽ ഇതെല്ലാം ചോർച്ചാ റിപ്പോർട്ടുകൾ മാത്രമാണെന്ന കാര്യം ഉപയോക്താക്കൾ മനസിലാക്കേണ്ടതുണ്ട്.