1,999 രൂപയ്ക്ക് സ്മാർട്ട്ഫോൺ; ഹോണർ ഡെയ്സ് സെയിൽസിന് തുടക്കമായി ഹോണർ 90, എക്സ്9ബി എന്നിവയ്ക്ക് മികച്ച ഓഫർ

ചെറിയ ഒരു ഇടവേളയ്ക്ക് ശേഷം ഇന്ത്യൻ സ്മാർട്ട് ഫോൺ വിപണിയിലേക്ക് തിരിച്ചെത്തിയ ചൈനീസ് സ്മാർട്ട് ഫോൺ നിർമ്മാതാക്കളാണ് ഹോണർ. ആദ്യ കാലങ്ങളിൽ ​ഹോണറിന് ലക്ഷക്കണക്കിന് ഉപയോക്താക്കൾ ആയിരുന്നു ഇന്ത്യയിൽ ഉണ്ടായിരുന്നത്. എന്നാൽ ഇപ്പോൾ പുതിയ ഫോണുകൾ ഇറക്കി നഷ്ടപ്പെട്ട ഉപയോക്താക്കളെ തിരിച്ചുപിടിയ്ക്കാനാണ് കമ്പനി ശ്രമിക്കുന്നത്.

ഇതിനായി ഇപ്പോൾ ഇതാ പ്രത്യേകം ഓഫർ വിൽപനയും ഹോണർ ഒരുക്കിയിട്ടുണ്ട്. പ്രമുഖ ഇ കൊമേഴ്സ് വെബ്സൈറ്റായ ആമസോണുമായി സഹകരിച്ചാണ് ഹോണർ ഈ പ്രത്യേക ഓഫർ വിൽപന ഒരുക്കിയിരിക്കുന്നത്. ഹോണർ ഡെയ്സ് സെയിൽസ് എന്ന പേരിലാണ് ഈ ഓഫർ വിൽപന നടക്കുന്നത്. മാർച്ച് 3ന് ആരംഭിച്ചിരിക്കുന്ന ഈ ഓഫർ വിൽപന മാർച്ച് 7 വരെ നീണ്ട് നിൽകും എന്നാണ് കമ്പനി അറിയിച്ചിരിക്കുന്നത്.

MOST READ: ഗാലക്സി എസ്23 അൾട്ര സ്വന്തമാക്കാം അതും വലിയ വിലക്കുറവിൽ; ആമസോണിലെ ഈ ഓഫർ നിങ്ങളെ അതിശയിപ്പിക്കും

ഈ വിൽപനയുടെ ഭാ​ഗമായി ആമസോണിന്റെ വെബ്സൈറ്റിലും ഹോണർ ഇന്ത്യയുടെ ഔദ്യോ​ഗിക വെബ്സൈറ്റിലും വിവിധ ഓഫറുകൾ ലഭ്യമാകുന്നതാണ്. പ്രധാനമായും ഹോണർ എക്സ് 9 ബി, ഹോണർ 90 5ജി എന്നീ ഫോണുകൾക്കാണ് ഓഫറുകൾ പ്രഖ്യാപിച്ചിരിക്കുന്നത്. അടുത്തിടെയാണ് ഈ രണ്ട് ഫോണുകളും ഹോണർ ഇന്ത്യയിൽ അവതരിപ്പിച്ചത്. ഇതിൽ ആദ്യ ഫോണായ ഹോണർ എക്സ് 9 ബിയ്ക്ക് കമ്പനി വാ​ഗ്ദാനം ചെയ്യുന്ന ഓഫറുകൾ എന്തെല്ലാമാണെന്ന് വിശദമായി പരിശോധിക്കാം.

22,999 രൂപ അടിസ്ഥാന വിലയിലാണ് ഹോണർ എക്സ് 9 ബി ഇന്ത്യൻ വിപണിയിൽ ലോഞ്ച് ചെയ്തത്. ഐസിഐസിഐയുടെ ബാങ്ക് കാർഡുകൾ ഉപയോ​ഗിച്ചാണ് നിങ്ങൾ ഈ ഫോൺ സ്വന്തമാക്കാൻ ആ​ഗ്രഹിക്കുന്നത് എങ്കിൽ 3000 രൂപയുടെ ഡിസ്കൗണ്ട് ഹോണർ വാ​ഗ്ദാനം ചെയ്യുന്നുണ്ട്. ഇഎംഐ ഇടപാടുകൾക്കും ഈ ഓഫർ ബാധകമാണെന്ന് കമ്പനി അറിയിച്ചിട്ടുണ്ട്. ഇതിന് പുറമെ എക്സ്ചേഞ്ച് ഓഫർ വഴി 5000 രൂപ വരെ ലാഭിക്കാൻ സാധിക്കും എന്നും ഹോണർ അറിയിക്കുന്നു.

MOST READ: ഇനി കളിമാറും; ലോകമല്ല, ആകാശം കീഴടക്കാൻ ഇന്ത്യ! ബഹിരാകാശ നിലയത്തിനായുള്ള ജോലികൾ ആരംഭിച്ചു

തിരഞ്ഞെടുത്ത ഫോണുകൾക്കാണ് എക്സ്ചേഞ്ച് ഓഫർ ലഭിക്കുക. നിങ്ങൾ എക്സ്ചേഞ്ച് ചെയ്യാൻ ഉദ്ദേശിക്കുന്ന ഫോണിന്റെ കാര്യക്ഷമത അനുസരിച്ച് ഇരിക്കും ഈ ഫോണിന് നിശ്ചയിക്കുന്ന വിലയും. ഇത്തരത്തിൽ എക്സ്ചേഞ്ച് ഓഫറും ബാങ്ക് ഓഫറും കൂടി ചേർന്നപ്പോൾ ആകെ 8000 രൂപയുടെ ഡിസ്കൗണ്ട് ആണ് ഉപയോക്താക്കൾക്ക് ലഭിക്കുന്നത്. അതായത് 22,999 രൂപയുടെ ഫോൺ 14,999 രൂപയ്ക്ക് സ്വന്തമാക്കാം. ഇതിന് പുറമെ ചില സൗജന്യ സേവനങ്ങളും ഹോണർ ഈ വിൽപനയിൽ വാ​ഗ്ദാനം ചെയ്യുന്നുണ്ട്.

2,999 രൂപ വില വരുന്ന ഒരു കോംപ്ലിമെൻ്ററി ചാർജറും ഹോണർ പ്രൊട്ടക്റ്റ് പ്ലാനും തികച്ചും സൗജന്യമായി ഈ ഫോണിനൊപ്പം ലഭിക്കുന്നതായിരിക്കും. അതേ സമയം ഹോണർ 90 5ജിയുടെ ഓഫറുകൾ പരിശോധിക്കുമ്പോൾ 19,999 രൂപ മുതലാണ് ഈ ഫോണിന്റെ വില ആരംഭിക്കുന്നത്. 8 ജിബി റാം വേരിയന്റിന് ആണ് ഈ വില. ഫോണിന്റെ 12 ജിബി റാം വേരിയന്റിന് 21,999 രൂപയാണ് വില.

ഈ ഫോണുകൾക്ക് ഫ്ലാറ്റ് ഡിസ്കൗണ്ട് ആയി 10,000 രൂപയാണ് ഹോണർ ഈ ഓഫർ വിൽപനയിൽ പ്രഖ്യാപിച്ചിരിക്കുന്നത്. നേരത്തെ സൂചിപ്പിച്ചത് പോലെ ഐസിഐസിഐ ബാങ്കിന്റെ കാർഡ് ഉപയോ​ഗിച്ചാൽ 3000 രൂപ ബാങ്ക് ഓഫറും എക്സ്ചേഞ്ച് വഴി 5000 രൂപയും ഉപയോക്താക്കൾക്ക് നേടിയെടുക്കാൻ സാധിക്കുന്നതാണ്. ഇത്തരത്തിൽ ചെയ്യുമ്പോൾ മൊത്തത്തിൽ 18,000 രൂപയുടെ ഓഫർ‌ ഉപയോക്താക്കൾക്ക് നേടിയെടുക്കാൻ സാധിക്കുന്നതാണ്. അതായത് വെറും 1,999 രൂപയ്ക്ക് ഈ ഫോണിന്റെ അടിസ്ഥാന വേരിയന്റ് സ്വന്തമാക്കാം.

അതേ സമയം നിരവധി പ്രീമിയം ഫീച്ചറുകൾ ഉൾക്കൊള്ളിച്ചാണ് ഹോണർ എക്സ് 9 ബി ഇന്ത്യയിൽ എത്തിയിരിക്കുന്നത്. 108 എംപിയാണ് ഈ ഫോണിന്റെ പ്രൈമറി ക്യാമറ. കൂടാതെ 5 എംപി സെൻസർ, 2 എംപി ലെൻസ് എന്നിവയും ഈ ഫോണിൽ ഇടം പിടിച്ചിട്ടുണ്ട്. സ്‌നാപ്ഡ്രാഗണ്‍ 6 ജെന്‍ 1 എസ്ഒസി പ്രാസസറിന്റെ കരുത്തിൽ പ്രവർത്തിക്കുന്ന ഈ ഫോണിന്റെ അമോലെഡ് ഡിസ്പ്ലേയുടെ വലുപ്പം 6.78 ഇഞ്ചാണ്