ഈ ഫോണിന് 6,749 രൂപയോ? അതും 50എംപി മെയിൻ ക്യാമറയും, എഐ ലെൻസും ഉള്ളത്; ഇൻഫിനിക്സ് സ്മാർട്ട് 8 ഇന്ത്യയിലെത്തി

ഇന്ത്യൻ വിപണിയിൽ പുതിയ ബഡ്ജറ്റ് ഫ്രണ്ട്ലി സ്മാർട്ട് ഫോൺ അവതരിപ്പിച്ച് പ്രമുഖ ചൈനീസ് സ്മാർട്ട് ഫോൺ നിർമ്മാതക്കളായ ഇൻഫിനിക്സ്. ശനിയാഴ്ച ഉച്ചയ്ക്ക് 12 മണിയോടെയാണ് തങ്ങളുടെ പുതിയ ഫോണായ ഇൻഫിനിക്സ് സ്മാർട്ട് 8 കമ്പനി ഇന്ത്യയിൽ അവതരിപ്പിച്ചത്. പ്രധാനമായും സാധാരണക്കാരായ ഉപയോക്താക്കളെ ലക്ഷ്യമിട്ടാണ് കമ്പനി ഈ ഫോൺ അവതരിപ്പിച്ചിരിക്കുന്നത്.

7,499 രൂപ മാത്രമാണ് ഈ ഫോണിന്റെ വില. എന്നാൽ ലോഞ്ച് ഓഫറിന്റെ ഭാ​ഗമായി 6,749 രൂപയ്ക്ക് ഇപ്പോൾ ഈ ഫോൺ വാങ്ങാൻ സാധിക്കുന്നതാണ്. ഈ വിലയ്ക്ക് ലഭിക്കുന്ന ഏറ്റവും മികച്ച സ്മാർട്ട് ഫോണുകളുടെ ​ഗണത്തിൽ ഇൻഫിനിക്സ് സ്മാർട്ട് 8നെ ചേർക്കാവുന്നതാണ്. വില നിസാരമാണെങ്കിലും ഈ ഫോണിന്റെ ഫീച്ചറുകൾ അത്ര നിസാരമായി കാണരുത്. 50 എംപി മെയിൻ സെൻസറുമായിട്ടാണ് ഈ ഫോൺ ഇന്ത്യയിൽ എത്തിയിരിക്കുന്നത്.

MOST READ: ഐഫോൺ 15, 14, 13 എന്നിവയ്ക്ക് കിടിലം ഓഫറുമായി ഫ്ലിപ്പ്കാർട്ട്, എക്സ്ചേഞ്ചിലൂടെ പകുതി വില

മാത്രമല്ല 8 എംപിയുടെ സെൽഫി ക്യാമറയും ഈ ഫോണിനുണ്ട്. ഫ്രണ്ടിൽ എൽഇഡി ഫ്ലാഷ് ലൈറ്റും. ഈ ഫീച്ചറുകളോടെ ഈ സെ​ഗ്മെന്റിൽ‌ എത്തുന്ന ഇന്ത്യയിലെ ആദ്യത്തെ സ്മാർട്ട് ഫോണാണ് ഇൻഫിനിക്സ് സ്മാർട്ട് 8. ഫോണിന്റെ സൈഡിലായി ഫിം​ഗർ പ്രിന്റ് സെൻസർ ഉള്ള ആദ്യത്തെ ബഡ്ജറ്റ് ഫ്രണ്ട്ലി ഫോണും ഇതുതന്നെയാണ്. റെയിൻബോ ബ്ലൂ, ഷൈനി ​ഗോൾഡ്, ടിമ്പർ ബ്ലാക്ക്, ​ഗാലക്സി വൈറ്റ് എന്നീ നിറങ്ങളിലാണ് ഈ ഫോൺ കമ്പനി ഇന്ത്യയിൽ അവതരിപ്പിച്ചിരിക്കുന്നത്.

ഫോണിന്റെ കൂടുതൽ സവിശേഷതകൾ പരിശോധിക്കാം. 1612 x 720 പിക്സലുകളുള്ള 6.6 ഇഞ്ച് വലുപ്പമുള്ള IPS LCD ഡിസ്പ്ലേയാണ് ഈ ഫോണിനായി ഇൻഫിനിക്സ് നൽകിയിരിക്കുന്നത്. ഇതിന് 90 ഹേർട്സ് റീഫ്രഷ് റെയ്റ്റും അവകാശപ്പെടാനുണ്ട്. 500 നിറ്റ് പീക്ക് തെളിച്ചവും ഈ ഡിസ്പ്ലേ വാ​ഗ്ദാനം ചെയ്യുന്നു. ഡിസ്പ്ലേയുടെ മുകളിലുള്ള പഞ്ച് ഹോളിലാണ് സെൽഫി ക്യാമറ ഇടം പിടിച്ചിരിക്കുന്നത്. മാത്രമല്ല വിവധ നോട്ടിഫിക്കേഷനുകൾ കാണാനുള്ള സൗകര്യവും ഇവിടെ ഇൻഫിനിക്സ് നൽകിയിട്ടുണ്ട്.

MOST READ: ഭൂകമ്പത്തെ ചെറുക്കുന്ന മുംബൈയിലെ പുതിയ കടൽ പാലം; ഏഴോളം പുതിയ ടെക്നോളജിയിൽ നിർമ്മിച്ച അടൽ സേതു ബ്രിഡ്ജ്

4GB LPDDR4x റാമും 64GB സ്റ്റോറേജുമുള്ള മീഡിയടെക് ഹീലിയോ G36 പ്രോസസറാണ് ഫോണിൻ‌റെ കരുത്ത്. ഫോണിന്റെ ക്യാമറ ഡിപ്പാർട്ട്മെന്റ് പരിശോധിക്കുമ്പോൾ നേരത്തെ സൂചിപ്പിച്ചതുപോലെ 50 എംപിയാണ് ഇതിന്റെ മെയിൻ സെൻസർ. ഭം​ഗിയുള്ള ചിത്രങ്ങൾ പകർത്താനായി പ്രത്യേകം പോട്രെറ്റ് മോഡ് ഇതിന്റെ ക്യാമറ ഫീച്ചറുകളിൽ ഒന്നാണ്. ഇതിന് പുറമെ എഐ ലെൻസും ഫോണിൽ സ്ഥാനം പിടിച്ചിട്ടുണ്ട്. ക്യാമറകൾക്ക് കൂടെ എൽഇഡി ഫ്ലാഷ്ലൈറ്റും ഇൻഫിനിക്സ് നൽകിയിരിക്കുന്നു.

ഫ്ലാഷ് ലൈറ്റോടോ കൂടിയ 8 എംപി ഫ്രണ്ട് ക്യാമറും ഫോണിലുണ്ട്. മൈക്രോ എസ്ഡി കാർഡ് വഴി സ്റ്റോറേജ് 1 ടിബി വരെയാക്കി വികസിപ്പിക്കാനും സാധിക്കുന്നതാണ്. 10W ചാർജിംഗുള്ള 5,000mAh ബാറ്ററിയാണ് സ്മാർട്ട് 8നായി ഇൻഫിനിക്സ് ഒരുക്കിയിരിക്കുന്നത്. ഹാൻഡ്സെറ്റിന്റെ കണക്ടിവിറ്റികൾ പരിശോധിക്കുമ്പോൾ Wi-Fi 5, GPS, ബ്ലൂടൂത്ത് v5.0, USB-C പോർട്ട്, 3.5mm ഹെഡ്‌ഫോൺ ജാക്ക് എന്നിവ കാണാൻ സാധിക്കുന്നതാണ്.

8 ജിബി റാം 64 ജിബി സ്റ്റോറേജിൽ ആണ് ഈ ഫോൺ ഇന്ത്യയിൽ എത്തുന്നത്. ഇതിൽ 4 ജിബി ഫിസിക്കൽ റാമും 4 ജിബി വെർച്വൽ റാമും ആണ്. ആൻഡ്രോഡ് 13ൽ ആയിരിക്കും ഇൻഫിനിക്സ് സ്മാർട്ട് 8 പ്രവർത്തിക്കുന്നത്. ഫോൺ ലോഞ്ച് ചെയ്തെങ്കിലും എന്ന് മുതൽ വിൽപനയ്ക്ക് എത്തും എന്ന കാര്യം കമ്പനി വ്യക്തമാക്കിയിട്ടില്ല. എന്നാൽ ജനപ്രിയ ഇ കൊമേഴ്സ് വെബ്സൈറ്റായ ഫ്ലിപ്പ്കാർട്ടിൽ‌ ഇപ്പോൾ ഇൻഫിനിക്സ് സ്മാർട്ട് 8 ലിസ്റ്റ് ചെയ്തിട്ടുണ്ട്.

ലോഞ്ച് ഓഫറായ 6,749 രൂപയ്ക്ക് ആണ് ഈ ഫോൺ ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നത്. സാധാരണക്കാരായ ഉപയോക്താക്കൾക്ക് മിഡ് റേഞ്ച് ഫോണുകളുടെ ഫീച്ചറുകൾ ഈ ബഡ്ജറ്റ് ഫ്രണ്ട്ലി ഫോണിലൂടെ ആസ്വദിക്കാവുന്നതാണ്. ഇൻഫിനിക്സ് ഇതിന് മുമ്പ് ഇന്ത്യയിൽ അവതരിപ്പിച്ച പല ഫോണുകളും ബഡ്ജറ്റ് ഫ്രണ്ട്ലി ഫോണുകൾ ആയിരുന്നു. ഇക്കൂട്ടത്തിലേക്ക് സ്മാർട്ട് 8 കൂടി ഇപ്പോൾ എത്തിയിരിക്കുകയാണ്.