ഇനി ആർ‌ക്കും എന്തിരനിലെ ചിട്ടി റോബോട്ട് ആകാം; മെറ്റയുടെ സ്മാർട്ട് ​ഗ്ലാസിന്റെ പുതിയ ഫീച്ചർ അതിശയിപ്പിക്കും

ശങ്കറിന്റെ സംവിധാനത്തിൽ സാക്ഷാൽ രജനികാന്ത് നായകനായി 2010ൽ പുറത്തിറങ്ങിയ തമിഴ് ചിത്രമായിരുന്നു എന്തിരൻ. രജനികാന്ത് ഇരട്ട വേഷത്തിലെത്തിയ ചിത്രം ആ​ഗോളതലത്തിൽ തന്നെ ശ്രദ്ധിക്കപ്പെട്ടിരുന്നു. ഇന്ത്യൻ സിനിമാ ലോകം ഏറെ ചർച്ച ചെയ്ത സിനിമ ആയിരുന്നു ഇത്. ചിട്ടി എന്ന യന്ത്രമനുഷ്യന്റെ കഥാപാത്രം കുട്ടികളെയും മുതിർന്നവരെയും ഒരുപോലെ ആകർഷിച്ചു.

മനുഷ്യന് ചെയ്യാൻ സാധിക്കാത്ത പല കാര്യങ്ങളും അതിമാനുഷ്യനായ ഈ യന്ത്രമനുഷ്യൻ ചെയ്യുന്നുണ്ട്. ഈ സിനിമ കണ്ട പ്രേക്ഷകർ തമാശയ്ക്ക് എങ്കിലും ചിന്തിച്ചിട്ടുണ്ടാകും ഇത്തരത്തിൽ ഒരു റോബോട്ടിനെ ലഭിക്കണമെന്നോ അല്ലെങ്കിൽ ഈ റോബോട്ട് ആയി മാറണമെന്നോ. ശക്തിയിൽ ചിട്ടിയാകാൻ സാധിക്കില്ലെങ്കിലും ഒരു റോബോട്ട് കാണുന്ന കാഴ്ചകൾ എങ്ങനെ ആയിരിക്കും എന്ന് അറിയാനുള്ള അവസരവുമായി എത്തിയിരിക്കുകയാണ് മെറ്റ. തങ്ങളുടെ പുതിയ സ്മാർട്ട് ​ഗ്ലാസിലൂടെയാണ് ഇത് സാധ്യമാകുന്നത്.

MOST READ: രണ്ട് സെക്കന്റിൽ 100 കി.മി വേ​ഗത, ഇതെന്താ പറക്കുന്ന കാറോ?; ഷവോമിയുടെ ആദ്യ ഇവിയുടെ വിൽപന ഈ മാസം ആരംഭിക്കും

പ്രമുഖ സൺ​ഗ്ലാസ് നിർമ്മാതാക്കളായ റെയ്ബാന്റെ പങ്കാളിത്തത്തോടെയാണ് മെറ്റ തങ്ങളുടെ പുതിയ സ്മാർട്ട് ​ഗ്ലാസ് തയ്യാറാക്കിയിരിക്കുന്നത്. നേരത്തെ തന്നെ ഈ സ്മാർട്ട് ​ഗ്ലാസ് പുറത്തിറങ്ങിയെങ്കിലും പുതിയതായി ചില ഫീച്ചറുകൾ കൂടി ഇപ്പോൾ മെറ്റ ഇതിൽ നൽകിയിരിക്കുകയാണ്. തെർമിനേറ്റർ, എന്തിരൻ പോലുള്ള സിനിമകളിൽ റോബോട്ടിന്റെ പോയിന്റ് ഓഫ് വ്യൂവിലൂടെ കാണുന്നത് പോലെ ഈ സ്മാർട്ട് ​ഗ്ലാസിലൂടെ കാഴ്ചകൾ ആസ്വദിക്കാം എന്നതാണ് ഈ സ്മാർട്ട് ​ഗ്ലാസിന്റെ ഏറ്റവും വലിയ പ്രത്യേകത.

മെറ്റ ഈ ​ഗ്ലാസിന് നൽകിയ പുതിയ ഫീച്ചറിൽ ലാൻഡ് മാർക്കുകൾ തിരിച്ചറിയാനുള്ള സവിശേഷതയുണ്ട്. ഇതിന് പുറമെ ഇത് സംബന്ധിച്ച കമാന്റുകളും ഈ ​ഗ്ലാസ് ഉപയോക്താക്കൾക്ക് നൽകുന്നതായിരിക്കും. പുതിയ മൾട്ടിമോഡൽ എഐ പിന്തുണയോടെ ആയിരിക്കും സ്മാർട്ട് ​ഗ്ലാസിന്റെ ഈ ഫീച്ചർ പ്രവർത്തിക്കുന്നത്. ഏറ്റവും പുതിയ ബീറ്റാ അപ്ഡേറ്റ് വഴി ഉപയോക്താക്കൾക്ക് ഈ ഫീച്ചറുകൾ കണ്ടെത്താൻ സാധിക്കുന്നതായിരിക്കും എന്നാണ് മെറ്റ അറിയിച്ചിരിക്കുന്നത്.

MOST READ: ആധാർ ഉപയോക്താക്കളുടെ ബാങ്ക് അക്കൗണ്ടിൽ നിന്ന് പണം നഷ്ടപ്പെടുന്നു; നിങ്ങളുടെ അക്കൗണ്ട് സുരക്ഷിതമാണോ?

മെറ്റ സിഇഒ മാർക്ക് സക്കർബർ​ഗ് ആണ് ഇക്കാര്യം പുറത്ത് വിട്ടത്. തന്റെ ഏറ്റവും പുതിയ ഇൻസ്റ്റ​ഗ്രാം പോസ്റ്റിലൂടെയാണ് ഇദ്ദേ​ഹം ഇക്കാര്യം വെളിപ്പെടുത്തിയത്. മെറ്റയുടെ സ്മാർട്ട് ​ഗ്ലാസിലെ മൽട്ടിമോഡൽ എഐ ഫീച്ചർ ലാൻഡ്‌മാർക്കുകളെ തിരിച്ചറിയുകയും ഇതിന്റെ കമാന്റുകൾ നിങ്ങളെ അറിയിക്കുകയും ചെയ്യും എന്നായിരുന്നു ഈ പോസ്റ്റിൽ സക്കർബർ​ഗ് തലക്കെട്ട് നൽകിയിരിക്കുന്നത്. സ്മാർട്ട് ​ഗ്ലാസിലെ ബട്ടൺ അമർത്തിയാൽ ലാൻഡ്‌മാർക്കിനെ കുറിച്ചുള്ള കൂടുതൽ വിവരങ്ങൾ അറിയാനും സാധിക്കുന്നതാണ്.

നേരത്തെ ഡിസംബറിലും കൂടുതൽ ഫീച്ചറുകൾ ഈ ​ഗ്ലാസിനായി മെറ്റ കൂട്ടിച്ചേർത്തിരുന്നു. വസ്തുക്കളെ തിരിച്ചറിയാനുള്ള ഫീച്ചർ ആയിരുന്നു ഇത്. എന്നാൽ നിലവിൽ ഇത് ഇപ്പോൾ യുഎസിലെ ഉപയോക്താക്കൾക്ക് മാത്രമാണ് ലഭ്യമാകുന്നത്. അധികം വൈകാതെ തന്നെ മറ്റ് രാജ്യങ്ങളിലും ഈ ഫീച്ചർ എത്തിക്കും എന്നാണ് മെറ്റ അറിയിച്ചിരിക്കുന്നത്. കഴിഞ്ഞ വർഷം ആയിരുന്നു മെറ്റ തങ്ങളുടെ സ്‌മാർട്ട് ഗ്ലാസുകളുടെ രണ്ടാം തലമുറയെ പുറത്തിറക്കിയത്. Qualcomm Snapdragon AR1 Gen1 ചിപ്പാണ് ഇതിനുള്ളത്.

150ഓളം കസ്റ്റമെയ്സ് ചെയ്ത ഫ്രെയ്മുകളും ലെൻസുകളും ഈ സ്മാർട്ട് ​ഗ്ലാസ് വാ​ഗ്ദാനം ചെയ്യുന്നുണ്ട്. 12 എംപിയുടെ ഒരു ക്യാമറയും ഈ ​ഗ്ലാസിനായി മെറ്റ നൽകിയിട്ടുണ്ട്. മുൻ​ഗാമിയുമായി താരതമ്യം ചെയ്യുമ്പോൾ സ്പീക്കറുകളുടെ പ്രകടനത്തിലും ഈ സ്മാർട്ട് ​ഗ്ലാസ് മുന്നിട്ട് നിൽക്കുന്നുണ്ട്. ഒരു ഫുൾ ചാർജിൽ 36 മണിക്കൂർ വരെ നീണ്ട് നിൽക്കുന്ന ബാറ്ററി ലൈഫും മെറ്റയുടെ റെയ്ബാൻ സ്മാർട്ട് ​ഗ്ലാസ് വാ​ഗ്ദാനം ചെയ്യുന്നുണ്ട്.

മെറ്റയുടെ കീഴിൽ വരുന്ന പ്രമുഖ സോഷ്യൽ മീഡിയാ പ്ലാറ്റ്ഫോമുകളായ ഫെയ്സ്ബുക്ക്, ഇൻസ്റ്റ​ഗ്രാം എന്നീ പ്ലാറ്റ്ഫോമുകളിൽ തത്സമയ സ്ട്രീം ചെയ്യാനും ഈ സ്മാർട്ട് ​ഗ്ലാസ് ഉപയോ​ഗിക്കാവുന്നതാണ്. നിലവിൽ യുഎസ്, യൂറോപ്പ് തുടങ്ങി തിരഞ്ഞെടുത്ത വിപണികളിൽ മാത്രമാണ് മെറ്റയുടെ ഈ സ്മാർട്ട് ​ഗ്ലാസ് ലഭ്യമാകുന്നത്. 299 ഡോളർ ആണ് ഈ ​ഗ്ലാസിന്റെ വില. അതായത് ഇന്ത്യൻ വിപണിയിലെ ഏകദേശം 25,000 രൂപ