എഐ ഫീച്ചറുള്ള മെറ്റയുടെ സ്മാർട്ട് ​ഗ്ലാസ്; ഇനിയാർക്കും യെന്തിരനിലെ ചിട്ടി റോബോട്ട് ആകാം

നിർമ്മാണത്തിന്റെ ആരംഭ ഘട്ടത്തിൽ തന്നെ വാർത്തകളിൽ ഇടം പിടിച്ച സ്മാർട്ട് ​ഗാഡ്ജറ്റ് ആയിരുന്നു മെറ്റയുടെ സ്മാർട്ട് ​ഗ്ലാസ്. പ്രമുഖ സൺ​ഗ്ലാസ് ബ്രാൻഡായ റെയ്ബാനും ആയി ചേർന്നാണ് മെറ്റ തങ്ങളുടെ സ്മാർട്ട് ​ഗ്ലാസ് നിർമ്മിക്കുന്നത്. ആർട്ടിഫിഷ്യൽ ഇന്റലിജൻസിന്റെ (എഐ) പിന്തുണയോടെയാണ് മെറ്റ ഈ ​ഗ്ലാസ് തയ്യാറാക്കിയിരിക്കുന്നത്.

അതിനാൽ തന്നെ ധാരാളം നൂതന സാങ്കേതികവിദ്യകൾ വാ​ഗ്ദാനം ചെയ്യുന്ന ഫീച്ചറുകളും ഈ സ്മാർട്ട് ​ഗ്ലാസിൽ ഉണ്ടായിരിക്കുന്നതാണ്. നിലവിൽ ഈ സ്മാർട്ട് ​ഗ്ലാസിന്റെ നിർമ്മാണം അവസാന ഘട്ടത്തിലാണ് അധികം വൈകാതെ തന്നെ ഈ ​ഗ്ലാസുകൾ വിപണിയിൽ ലഭ്യമാകും എന്നാണ് പ്രതീക്ഷിക്കുന്നത്. ഇതിൻ‌റെ ഭാ​ഗമായി പല പരീക്ഷണങ്ങളും മെറ്റ നടത്തുന്നുണ്ട്. ക്യാമറയും മൈക്രോഫോണും അടക്കമുള്ള നിരവധി സൗകര്യങ്ങൾ ഈ ​ഗ്ലാസിൽ ഉണ്ടായിരിക്കും എന്നാണ് പുറത്തുവരുന്ന റിപ്പോർട്ടുകൾ സൂചിപ്പിക്കുന്നത്.

MOST READ: എസ്ബിഐ വ്യാജൻ രംഗത്ത്; കണ്ണൂരുകാരന്റെ 25,000രൂപ പോയി, വ്യാജന്മാരെ തിരിച്ചറിയാം

ഈ ​ഗ്ലാസ് വെച്ചതിന് ശേഷമുള്ള കാഴ്ചകളും കേൾവികളും വിശദീകരിക്കാൻ ഇതിലെ എഐ ഫീച്ചറുകൾ ഉപയോക്താക്കളെ സഹായിക്കുന്നതായിരിക്കും. ചില ഹോളിവുഡ് ചിത്രങ്ങളിൽ കാണിക്കുന്ന സ്മാർട്ട് ​ഗ്ലാസുകൾക്ക് സമാനമായിരിക്കും മെറ്റയുടെ പുതിയ ​ഗ്ലാസ്. ഉദാഹരണത്തിന് നിങ്ങൾ ഈ ​ഗ്ലാസ് ഉപയോ​ഗിച്ച് ഒരു വസ്തുവിലേക്ക് തന്നെ നോക്കുന്നു എന്ന് വിചാരിക്കുക. ഈ വസ്തുവിനെക്കുറിച്ചുള്ള കൂടുതൽ വിവരങ്ങൾ എഐ ഉപയോക്താക്കൾക്ക് നൽകുന്നതായിരിക്കും.

മാത്രമല്ല വിവധ സ്ഥലങ്ങളിലെ ലാന്റ് മാർക്കുകൾ തിരിച്ചറിയാനും ഈ സ്മാർട്ട് ​ഗ്ലാസ് ഉപയോക്താക്കളെ സഹായിക്കുന്നതായിരിക്കും. നിങ്ങൾക്ക് ഒരു സ്ഥലത്ത് പോകേണ്ട ആവിശ്യം ഉണ്ടെങ്കിൽ ഇവിടത്തെ പ്രധാന ലാന്റ് മാർക്കിനെക്കുറിച്ചുള്ള വിവരങ്ങൾ ഈ ​ഗ്ലാസ് തന്നെ നിങ്ങൾക്ക് നൽകുന്നതായിരിക്കും. ഇത്തരത്തിലാണ് ഈ ​ഗ്ലാസ് മെറ്റ തയ്യാറാക്കിയിരിക്കുന്നത്. ഇതിന്റെ സഹായത്താൽ കൃത്യമായി ഉദ്ദേശിക്കുന്ന സ്ഥലത്ത് തന്നെ എത്തിച്ചേരാൻ സാധിക്കുന്നതായിരിക്കും. ​ഗൂ​ഗിൾ മാപ്പിലും ഇതിനായുള്ള സൗകര്യം ഉണ്ട്.

MOST READ: ഐഫോൺ 15 വെറും ട്രെയിലർ, കൂടുതൽ അപ്ഡേറ്റുമായി സിനിമ പിറകെ വരുന്നതേയുള്ളു

എന്നാൽ ​ഗൂ​ഗിൾ മാപ്പ് ഉപയോ​ഗിക്കുമ്പോൾ എപ്പോഴും ഫോൺ നോക്കിവേണം യാത്ര ചെയ്യാൻ. എന്നാൽ ഈ സ്മാർട്ട് ​ഗ്ലാസ് ഉപയോ​ഗിക്കുമ്പോൾ സാധാരണ നമ്മൾ കാണുന്നത് പോലെ തന്നെയുള്ള കാഴ്ചയിലൂടെ ലാന്റ് മാർക്കും മറ്റ് വിവരങ്ങളും വിശദമായി അറിയാൻ സാധിക്കും. ഉപയോക്താക്കളുടെ കൈകൾ ഫ്രീ ആയിതന്നെ ഇരിക്കുന്നതായിരിക്കും. ഈ ​ഗ്ലാസ് ധരിക്കുമ്പോൾ നിങ്ങൾക്ക് എന്തെങ്കിലും സംശയങ്ങൾ ഉണ്ടായാൽ വോയിസ് അസിസ്റ്റന്റിന്റെ സഹായത്താൽ ഈ സംശയങ്ങളെല്ലാം മാറ്റിയെടുക്കാനും സാധിക്കുന്നതാണ്.

ടെക്നോളജി രം​ഗത്ത് വലിയ വിപ്ലവം ഉണ്ടാക്കാൻ മെറ്റയുടെ ഈ സ്മാർട്ട് ​ഗ്ലാസിന് സാധിക്കും എന്നാണ് പ്രതീക്ഷിക്കുന്നത്. നിലവിൽ ഈ ​ഗ്ലാസിന്റെ എഐ ഫീച്ചറുകളുടെ സവിശേഷതകൾ വേണ്ട രീതീയിൽ പ്രവർത്തിക്കുന്നുണ്ടോ എന്ന് അറിയാനായി ചിലരിൽ പരീക്ഷണം നടത്തി കഴിഞ്ഞു. മികച്ച റിസൽട്ടാണ് ഈ പരീക്ഷണങ്ങളിൽ നിന്ന് ലഭിച്ചിരിക്കുന്നത്. എന്നിരുന്നാലും കൂടുതൽ പരീക്ഷണങ്ങൾ നടത്തിയതിന് ശേഷം മാത്രമേ മെറ്റ ഈ ഉത്പന്നം വിപണിയിൽ എത്തിക്കു എന്നാണ് അറിയാൻ സാധിക്കുന്നത്.

പുതിയ ​ഗ്ലാസിന്റെ ചില സവിശേഷതകൾ പങ്കുവെച്ചുകൊണ്ട് മെറ്റ സിഇഒ മാർക്ക് സക്കർബർ​ഗ് കഴിഞ്ഞ ദിവസം ഇൻസ്റ്റ​ഗ്രാമിൽ ഒരു വീഡിയോ പങ്കുവെച്ചിരുന്നു. ഒരു ഷർട്ട് ഈ സ്മാർട്ട് ​ഗ്ലാസിന് അടുത്ത് ചേർത്ത് വെച്ചതിന് ശേഷം ഷർട്ടിന് യോജിക്കുന്ന പാന്റ് ഏതാണെന്നെന്ന് ചോദിക്കുന്ന വീഡിയോ ആണ് സക്കർബർ​ഗ് പങ്കുവെച്ചത്. ശേഷം ഈ ​ഗ്ലാസ് ഷർട്ടിനെക്കുറിച്ച് ചെറിയ വിവരണം നടത്തുകയും ഈ ഷർട്ടുമായി മാച്ച് ചെയ്യുന്ന പാന്റുകൾ ഏതെല്ലാമാണെന്ന് നിർദേശിക്കുകയും ചെയ്യുന്നുണ്ട്.

മികച്ച പ്രതികരണം ആണ് ഈ വീഡിയോയ്ക്ക് ലഭിക്കുന്നത്. എർലി ആക്‌സസ് പ്രോഗ്രാമിന്റെ ഭാ​ഗമായി തിരഞ്ഞെടുക്കുന്ന ഉപയോക്താക്കൾക്ക് ഈ സ്മാർട്ട് ​ഗ്ലാസ് പരീക്ഷിക്കാനുള്ള അവസരം മെറ്റ നൽകും എന്ന് നേരത്തെ ഒരു ബ്ലോ​ഗ് പോസ്റ്റിൽ മെറ്റ അറിയിച്ചിരുന്നു. ഇതിൽ പങ്കെടുക്കുന്ന ഉപയോക്താക്കൾക്ക് തങ്ങളുടെ അനുഭവം മറ്റ് ഉപയോക്താക്കളായി പങ്കിടാനുള്ള അവസവും മെറ്റ ഒരുക്കുന്നതായിരിക്കും എന്നും ഈ ബ്ലോ​ഗ് പോസ്റ്റിൽ മെറ്റ കൂട്ടിച്ചേർക്കുന്നു.