ഗെയിമിങ് പ്രൊഫഷൻ ആക്കുന്നുവോ? ഒരു മാസം തന്നെ ഒരു ലക്ഷം മുതൽ രണ്ട് ലക്ഷം വരെ നേടാം

രാജ്യത്തെ ​ഗെയിമിങ് മേഖല അതിവേ​ഗം വളർന്നുകൊണ്ടിരിക്കുകയാണ്. ​ഗെയിമിങ് പ്രൊഫഷനാക്കിയ പലർക്കും പ്രതിവർഷം 6 മുതൽ 12 ലക്ഷം രൂപ വരെ വരുമാനമായി ലഭിക്കുന്നുണ്ടെന്നാണ് പ്രമുഖ അമേരിക്കൻ മൾട്ടിനാഷണൽ ഇൻഫർമേഷൻ ടെക്‌നോളജി കമ്പനിയായ എച്ച്പി പറയുന്നത്. കഴിഞ്ഞ വർഷത്തെ അപേക്ഷിച്ച് ഈ വർഷം ​ഗെയിമിങ് മേഖലയിൽ വലിയ പുരോ​ഗതിയാണ് ഉണ്ടായിരിക്കുന്നതെന്നും ഇവർ പറയുന്നു.

അടുത്ത കാലത്തായി മികച്ച ​ഗെയിമർമാർക്കായി നല്ല രീതിയിൽ ടൂർണമെന്റുകളും മറ്റും സംഘടിപ്പിക്കുന്നതിൽ വലിയ മാറ്റം ഉണ്ടായിട്ടുണ്ടെന്നും ഇതിലൂടെ ​ഗെയിമർമാർക്ക് വരുമാനം ഇരട്ടിയാക്കാനുള്ള സാധ്യത തുറന്നു കിട്ടിയെന്നും ഇവർ കൂട്ടിച്ചേർക്കുന്നു. ഇത്തരം ​ഗെയിമിങ് വളരുന്നതോടൊപ്പം ​ഗെയിമിങ്ങിനെ ചുറ്റിപ്പറ്റിയുള്ള പോർട്‌സ് മാനേജുമെന്റ് കരിയറുമായി ബന്ധപ്പെട്ട നിരവധി പേർക്ക് ജോലി ലഭിക്കുന്നതായും എച്ച്പി വ്യക്തമാക്കുന്നു. അടുത്തിടെ രാജ്യത്തെ 15 ന​ഗരങ്ങളിൽ നിന്ന് 3,000 ഗെയിമർമാരെ തിരഞ്ഞെടുത്ത് ചില പഠനങ്ങളും എച്ച്പി നടത്തിയിരുന്നു.

MOST READ: നിരക്ക് വെറും 23 രൂപ! പുതിയ പ്രീപെയ്ഡ് പ്ലാൻ അ‌വതരിപ്പിച്ച് വിഐ

ഈ പഠനത്തിന്റെ അടിസ്ഥാനത്തിലാണ് ഇവരുടെ വരുമാനം അടക്കമുള്ള കാര്യങ്ങൾ കമ്പനി പുറത്ത് വിട്ടത്. ​ഗെയിമുകളെക്കുറിച്ചുള്ള ഇന്ത്യക്കാരുടെ മനോഭാവം മാറുന്നതായും ഈ പഠനത്തിലൂടെ കണ്ടെത്താൻ സാധിച്ചിരുന്നു. മുതിർന്ന ആളുകൾ പലരും ആദ്യ കാലങ്ങളിൽ ​ഗെയിമിങ്ങുകളെ എതിർത്തിരുന്നെങ്കിലും ഇപ്പോൾ ഇവരുടെ എതിർപ്പ് കുറഞ്ഞു വരുകയാണെന്നാണ് പഠനം സൂചിപ്പിക്കുന്നത്. പല വീടുകളിലും ഇന്ന് ​ഗെയിമിങ്ങ് ഒരു പ്രഫഷനായി തിരഞ്ഞെടുക്കുന്നതിൽ മുതിർന്നവർ പിന്തുണ നൽകുന്നെണ്ടും കണ്ടെത്തിയിരിക്കുന്നു.

വരും വർഷങ്ങളിൽ രാജ്യത്ത് ​ഗെയിമിങ് കൂടുതൽ ജനപ്രിയമാകും എന്നാണ് പ്രതീക്ഷിക്കുന്നത്. മെട്രോ ന​ഗരങ്ങൾക്ക് പുറമെ ​ഗ്രാമ പ്രദേശങ്ങളിലും ​ഗെയിമിങ് മേഖല വളർന്നുകൊണ്ട് ഇരിക്കുകയാണ്. ഇന്ത്യയിലെ 5ജി വ്യാപനവും ഇതിനെ ഒരു പരുധി വരെ സഹായിക്കുന്നുണ്ട്. പുരഷന്മാർക്ക് പുറമെ സ്ത്രീകളും ഓൺലൈൻ ​ഗെയിമുകളുടെ ഭാ​ഗമാകുന്നുണ്ട്. മികച്ച ഒരു ​ഗെയിമിങ് പിസി വാങ്ങുക എന്നത് മാത്രമാണ് ഈ പ്രഫഷൻ തിരഞ്ഞെടുക്കുന്നതിനുള്ള ഏക മുടക്കുമുതൽ.

MOST READ: പ്രതിദിനം 3ജിബി ഡാറ്റ, ഒപ്പം നെറ്റ്ഫ്ലിക്സ് സബ്സ്ക്രിപ്ഷനും അതും 84 ദിവസത്തേക്ക്; കിടിലൻ പ്ലാനുമായി എയർടെൽ

ഏകദേശം ഒരു ലക്ഷം രൂപ മുടക്കിയാൽ മികച്ച ഒരു ​ഗെയിമിങ് പിസി തന്നെ നിങ്ങൾക്ക് സ്വന്തമാക്കാൻ സാധിക്കുന്നതാണ്. വരുമാനം ലഭിച്ചു തുടങ്ങിയാൽ വളരെ ചുരുങ്ങിയ നാളുകൾ കൊണ്ട് തന്നെ ബ്രെയ്ക്ക് ഇവൻ ആകാനും നിങ്ങൾക്ക് സാധിക്കുന്നതാണ്. എന്നാൽ ഏതൊരു തൊഴിൽ പോലെയും ഈ തൊഴിലിനും ക്ഷമയും കഠിനാധ്വാനവും ആവിശ്യമാണ്. നിങ്ങൾ ഇതിന് തയ്യാറാണെങ്കിൽ മാത്രമെ ​ഗെയിമിങ് മേഖലയെ പ്രൊഫഷൻ ആയി തിരഞ്ഞെടുക്കാവു.

എങ്ങനെ ഒരു പ്രൊഫഷണൽ ​ഗെയിമർ ആകാം എന്ന കാര്യം വിശദമായി പരിശോധിക്കാം. നേരത്തെ സൂചിപ്പിച്ചത് പോലെ മികച്ച ഒരു ​ഗെയിമിങ് പിസി നിങ്ങൾക്ക് സ്വന്തമായി വേണം എന്നതാണ് ഇതിലെ ആദ്യത്തെ കാര്യം. പിന്നീട് ഒരു നേരം പോക്ക് എന്ന പോലെ ​ഗെയിം കളിക്കരുത്. ഇത് നിങ്ങളുടെ തൊഴിൽ ആണെന്ന് മനസിലാക്കി ആത്മാർത്ഥതയോടെ വേണം നിങ്ങൾ ഓരോ ​ഗെയിമും കളിക്കുവാനായി. നിങ്ങൾക്ക് ഏറ്റവും അനുയോജ്യമായ ​ഗെയിം തിരഞ്ഞെടുക്കുന്നതിലും ശ്രദ്ധ വേണം.

എല്ലാ ​ഗെയിമും എല്ലാവർക്കും അനുയോജ്യമാകണം എന്നില്ല. ആയതിനാൽ തന്നെ നിങ്ങൾക്ക് ഏറ്റവും അനുയോജ്യമായ ​ഗെയിം ഏതാണെന്ന് ആദ്യം കണ്ടെത്തണം. ശേഷം ഇത്തരം ​ഗെയിമുകളിൽ മാത്രം നിങ്ങൾ ശ്രദ്ധ കേന്ദ്രീകരിക്കുന്നത് ആയിരിക്കും നിങ്ങളുടെ കരിയർ ബിൽഡ് ചെയ്യാൻ സഹായിക്കുക. ​ഗെയിമിങ് കമ്മ്യൂണിറ്റിയിൽ നിങ്ങൾ ആക്ടീവ് ആകുന്നതും നിങ്ങളുടെ കരിയർ പെട്ടെന്ന് വളരാൻ സഹായിക്കുന്ന ഒന്നാണ്. മാത്രമല്ല ​ഗെയിമുകളിൽ നിങ്ങളുടെ പങ്കാളികളെ തിരഞ്ഞെടുക്കുന്നതും പ്രധാനമാണ്.

മികച്ച മറ്റ് ​ഗെയിമർമാരെ പങ്കാളികളായി കിട്ടുന്നത് നിങ്ങളുടെ സ്കില്ലുകൾ വളരാൻ സഹായിക്കുന്നതാണ്. മറ്റ് കായിക ഇനങ്ങൾ പോലെ തന്നെ ​ഓൺലൈൻ ​ഗെയിമുകൾക്കും പ്രാക്ടീസുകൾ ആവിശ്യമാണ്. പ്രത്യേകം സമയം കണ്ടെത്തി നിങ്ങൾ ​ഗെയിമുകൾ പരീശിലിക്കേണ്ടതാണ്. സമയം കിട്ടുമ്പോൾ പുതിയ ​ഗെയിമുകളും പരിശീലിക്കുക. ഇത്തരത്തിലുള്ള പരിശീലനങ്ങൾ നിങ്ങളുടെ കഴിവിനെ ഉയർത്തുന്നതായിരിക്കും. ഇത്തരം ചില കാര്യങ്ങൾ ശ്രദ്ധിച്ചാൽ നിങ്ങൾക്കും മികച്ച ഓൺലൈൻ ​ഗെയിമറാകാൻ സാധിക്കുന്നതാണ്.