ഏറ്റവും മികച്ച മിഡ് ബഡ്ജറ്റ് ഫോൺ ഇനി കുറഞ്ഞ ബഡ്ജറ്റിലും വാങ്ങാം; ഗാലക്സി എ34 5ജിയുടെ വില കുറച്ച് സാംസങ്

ഇന്ത്യൻ സ്മാർട്ട് ഫോൺ വിപണിൽ ഏറ്റവും കൂടുതൽ ഫോണുകൾ വിറ്റഴിക്കുന്ന സ്മാർട്ട് ഫോൺ നിർമ്മാതാക്കളാണ് സാംസങ്. ബഡ്ജറ്റ് ഫ്രണ്ട്ലി, മിഡ് ബഡ‍്ജറ്റ്, പ്രീമിയം ബഡ്ജറ്റ് എന്നിങ്ങനെ മൂന്ന് സെ​ഗ്മെന്റിലും മികച്ച ഫോണുകൾ പുറത്തിറക്കാൻ സാധിക്കുന്നു എന്നതാണ് ഈ നേട്ടം സ്വന്തമാക്കാൻ സാംസങ്ങിനെ സഹായിച്ചത്.

ഇത്തരത്തിൽ സാംസങ് പുറത്തിറക്കിയ ഒരു മികച്ച മിഡ് ബഡ്ജറ്റ് ഫോണാണ് സാംസങ് ​ഗാലക്സി എ 34 5ജി. കഴിഞ്ഞ വർഷം ആയിരുന്നു സാംസങ് ഈ ഫോൺ ഇന്ത്യയിൽ അവതരിപ്പിച്ചത്. 30,999 രൂപ ആയിരുന്നു ഈ ഫോണിന്റെ ലോഞ്ച് വില. എന്നാൽ ഇപ്പോൾ ഇതാ ഈ ഫോണിന്റെ വിലയിൽ കുറവ് വരുത്തിയിരിക്കുകയാണ് സാംസങ്. ലോഞ്ച് വിലയിൽ നിന്ന് 6,550 രൂപയാണ് സാംസങ് കുറവ് വരുത്തിയിരിക്കുന്നത്.

MOST READ: പണി വരുന്നുണ്ട് മക്കളെ; റീചാർജ് പ്ലാനുകൾക്ക് ഉടൻ വില കൂടും, ഏറ്റവും കൂടുതൽ ബാധിക്കുക എയർടെൽ വരിക്കാരെ

ഇതോടെ 30,999 രൂപ വില വരുന്ന സാംസങ് ​ഗാലക്സി എ 34 5ജി ഇപ്പോൾ 24,499 രൂപയ്ക്ക് ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. ഫോണിന്റെ 8 ജിബി റാം 128 സ്റ്റോറേജ് വേരിയന്റിന് ആണ് ഈ വില വരുന്നത്. ഫോണിന്റെ 8 ജിബി റാം 256 ജിബി സ്റ്റോറേജ് വേരിയന്റിന്റെ വിലയിലും സാംസങ് മാറ്റം വരുത്തിയിട്ടുണ്ട്. 32,999 രൂപയ്ക്കായിരുന്നു ഈ വേരിയന്റ് സാംസങ് ഇന്ത്യയിൽ അവതരിപ്പിച്ചത്.

എന്നാൽ ഇപ്പോൾ ഈ വിലയിൽ നിന്ന് 6,500 രൂപ കുറച്ച് 26,499 രൂപയ്ക്ക് ഈ വേരിയന്റ് സ്വന്തമാക്കാൻ സാധിക്കുന്നതാണ്. സാംസങ്ങിന്റെ ഔദ്യോ​ഗിക വെബ്സൈറ്റിൽ ആണ് ഇത് സംബന്ധിച്ചുള്ള വിവരങ്ങൾ പുറത്ത് വിട്ടിരിക്കുന്നത്. സിൽവർ, ബ്ലാക്ക്, ലൈറ്റ് ഗ്രീൻ, ലൈറ്റ് വയലറ്റ് എന്നീ നിറങ്ങളിൽ ആണ് സാംസങ് തങ്ങളുടെ ഗാലക്‌സി എ 34 5ജി പുറത്തിറക്കിയിരിക്കുന്നത്. അതേ സമയം ഈ ഫോണിന്റെ പ്രധാന ഫീച്ചറുകൾ എന്തെല്ലാമാണെന്ന് പരിശോധിക്കാം.

MOST READ: പി 1 ഫോണുകൾക്കൊപ്പം ഏപ്രിൽ 15ന് റിയൽമി മറ്റൊരു കരുത്തനെയും പുറത്തിറക്കും; ടാബ് പ്രേമികൾക്ക് കോളടിച്ചു

6.6 ഇഞ്ച് ഫുൾ എച്ച്ഡി പ്ലസ് sAMOLED ഡിസ്പ്ലേയുമായി ആണ് സാംസങ് ഗാലക്‌സി എ 34 5ജി എത്തിയിരിക്കുന്നത്. ഈ സ്ക്രീനിന് 120Hz റീഫ്രഷ് റെയ്റ്റും 1,000nits പീക്ക് തെളിച്ചവും സാംസങ്ങ് നൽകിയിരിക്കുന്നു. MediaTek Dimensity 1080 SoC ചിപ്സെറ്റാണ് ഈ ഫോണിന് കരുത്ത് നൽകുന്നത്. നേരത്തെ സൂചിപ്പിച്ചത് പോലെ 8 ജിബി വരെ റാമും 256 ജിബി വരെ സ്റ്റോറേജും ഈ ഫോൺ ഉപയോക്താക്കൾക്കായി വാ​ഗ്ദാനം ചെയ്യുന്നുണ്ട്.

ആൻഡ്രോയിഡ് 13 അടിസ്ഥാനമാക്കിയുള്ള OneUI 5.1-ൽ ആണ് ഗാലക്‌സി എ 34 5ജി പ്രവർത്തിക്കുന്നത്. ട്രിപ്പിൾ റിയർ ക്യാമറ സിസ്റ്റമാണ് ഈ ഫോണിനായി നിർമ്മാതാക്കൾ നൽകിയിരിക്കുന്നത്. ഒഐഎസ് പിന്തുണയുള്ള 48 എംപി ലെൻസാണ് ഇതിന്റെ പ്രൈമറി ക്യാമറ. 8 എംപി അൾട്രാ വൈഡ് ആംഗിൾ ലെൻസ്, 5 എംപി മാക്രോ ലെൻസ് എന്നിവയാണ് മറ്റ് ക്യാമറകൾ. 13 എംപിയുടെ ഫ്രണ്ട് ക്യാമറയും ഈ ഫോണിന് നൽകിയിട്ടുണ്ട്.

25W ഫാസ്റ്റ് ചാർജിംഗ് പിന്തുണയുള്ള 5,000 mAh ബാറ്ററിയാണ് ഈ ഫോണിൽ സാംസങ് പായ്ക്ക് ചെയ്തിരിക്കുന്നത്. ഫോണിന്റെ വാട്ടർ, ഡെസ്റ്റ് പ്രതിരോധത്തിന്റെ റേറ്റിങ് ആകട്ടെ ഐപി 67 ആണ്. ഇൻ-ഡിസ്‌പ്ലേ ഫിംഗർപ്രിൻ്റ് സെൻസർ, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ് എന്നിവയാണ് മറ്റ് സവിശേഷതകൾ. കഴിഞ്ഞ വർഷം ഇറങ്ങിയ ഫോൺ ആണെങ്കിൽ കൂടിയും മികച്ച ഫീച്ചറുകൾ വാ​ഗ്ദാനം ചെയ്യുന്ന ഫോൺ ആണ് സാംസങ് ​ഗാലക്സി എ 34 5ജി.

അതേ സമയം അടുത്തിടെയാണ് സാംസങ് ഈ ഫോണിന്റെ പിൻ​ഗാമിയെ ഇന്ത്യയിൽ അവതരിപ്പിച്ചത്. ​ഗാലക്സി എ 35 5ജിയിൽ നിരവധി അപ്​ഗ്രേഡ് ഫീച്ചറുകൾ ആണ് സാംസങ് നൽകിയിരിക്കുന്നത്. 120 Hz സൂപ്പർ AMOLED ഡിസ്‌പ്ലേ, 1000 nits പീക്ക് ബ്രൈറ്റ്‌നെസ്, എക്‌സിനോസ് 1380 ചിപ്‌സെറ്റ്, 50 എംപി പ്രൈമറി ക്യാമറ എന്നിവയാണ് ഇതിന്റെ പ്രധാന ഫീച്ചറുകൾ. 30,999 രൂപ മുതലാണ് ഈ ഫോണിന്റെ വില ആരംഭിക്കുന്നത്.