എഐ ഫീച്ചറുകൾ കണ്ട് ​ഗാലക്സി എസ്24 ഫോണുകൾ വാങ്ങിയാൽ പണികിട്ടും; കാശ് കൈയ്യിൽ നിന്ന് പോകും

കഴിഞ്ഞ ദിവസങ്ങളിൽ ടെക് ലോകത്ത് കേട്ട ഏറ്റവും വലിയ വാർത്ത ആയിരുന്നു സാംസങ്ങിന്റെ ​ഗാലക്സി എസ് 24 സീരീസ് ഫോണുകളുടെ ലോഞ്ച്. ​ഗാലക്സി എസ് 24, എസ് 24 പ്ലസ്, എസ് 24 അൾട്ര എന്നിങ്ങനെ മൂന്ന് ഫോണുകൾ ആണ് ഈ സീരീസിൽ സാംസങ് പുറത്തിറക്കിയിരിക്കുന്നത്.

ഇതിൽ ടോപ് എൻഡ് മോഡലായ എസ് 24 അൾട്ര ഈ വർഷത്തെ തന്നെ ഏറ്റവും മികച്ച ഫോണുകളിൽ ഒന്നായിരിക്കും. കാരണം അത്രയും മികച്ച ഫീച്ചറുകളാണ് ഈ ഫോണിനായി സാംസങ് തയ്യാറാക്കിയിരിക്കുന്നത്. സാംസങ്ങിന്റെ ആദ്യത്തെ എഐ ഫോണുകളും ഈ ഫോണുകളാണ്. നിരവധി ഫീച്ചറുകളിൽ സാംസങ് എഐ പിന്തുണ നൽകിയിരിക്കുന്നു. ക്യാമറ ഫീച്ചറുകളിൽ ഏറെ വിപ്ലവമുണ്ടാക്കിയ എസ് 23 അൾട്രയുടെ പിൻ​ഗാമിയാണ് എസ് 24 അൾട്ര.

MOST READ: നിങ്ങളുടെ കുട്ടികളുടെ ഭാവി അപകടത്തിൽ; മാതാപിതാക്കൾക്ക് മുന്നറിയിപ്പുപോലെ പുതിയ ഫീച്ചറുകൾ അവതരിപ്പിച്ച് മെറ്റ

എസ് 23 അൾട്രയേക്കാൾ നിരവധി അപ്ഡേറ്റും എസ് 24 അൾട്രയ്ക്ക് സാംസങ് നൽകിയിട്ടുണ്ട്. ജനുവരി 31 മുതൽ ഈ ഫോണുകൾ വിപണിയിൽ എത്തും എന്നാണ് സാംസങ് അറിയിച്ചിരിക്കുന്നത്. ഫോണിന്റെ എഐ ഫീച്ചറുകൾ തന്നെയാണ് ഏറ്റവും മികച്ച് നിൽക്കുന്നതായി ലോഞ്ച് വേളയിൽ സാംസങ് അറിയിച്ചിരിക്കുന്നത്. എന്നാൽ എഐ ഫീച്ചറുകളെക്കുറിച്ചുള്ള കൂടുതൽ വിവരങ്ങൾ ഇപ്പോഴാണ് കമ്പനി പുറത്ത് വിടുന്നത്. ഈ ഫീച്ചറുകൾ സൗജന്യമായി ലഭിക്കില്ല എന്നാണ് കമ്പനി പറയുന്നത്.

സാംസങ്ങിന്റെ ഔദ്യോ​ഗിക വെബ്സൈറ്റിലാണ് ഇക്കാര്യം വ്യക്തമാക്കിയിരിക്കുന്നത്. 2025ന്റെ അവസാനം വരെ മാത്രമെ സാംസങ് ​ഗാലക്സി എസ് 24 സീരീസ് ഫോണുകളിൽ എഐ സർവ്വീസുകൾ സൗജന്യമായി ലഭിക്കു എന്നാണ് വെബ്സൈറ്റിൽ കുറിച്ചിരിക്കുന്നത്. ഇതിന് ശേഷം ഈ എഐ സർവ്വീസുകൾ ആസ്വദിക്കണം എങ്കിൽ ഉപയോക്താക്കൾ പണം നൽകേണ്ടി വരും. വിവധ നിബന്ധനകൾക്ക് വിധേയമായി ആണ് ​ഗൂ​ഗിൾ സാംസങ്ങുമായി സഹകരിച്ച് എഐ സർവ്വീസുകൾ ഒരുക്കിയിരിക്കുന്നത്.

MOST READ: സാധാരണക്കാർക്കായുള്ള എസ്24 അൾട്ര റെഡി; 120x സൂപ്പർ സൂം ക്യാമറയുമായി റിയൽമി 12 പ്രോ സീരീസ് ഇന്ത്യയിലെത്തുന്നു

2025 നവംബറിന് ശേഷം ആയിരിക്കും ഈ സർവ്വീസുകൾക്കായി സാംസങ് പണം ഈടാക്കുക. അതു കഴിഞ്ഞ് ഉപയോക്താക്കൾ ഈ സർവ്വീസിന് പണം നൽകേണ്ടി വരും എന്നാണ് ഇപ്പോൾ അറിയാൻ സാധിക്കുന്നത്. എന്നാൽ എത്ര പണമാണ് ഇതിന് വേണ്ടി വരുക എന്ന കാര്യം സാംസങ് ഇപ്പോൾ വെളിപ്പെടുത്തിയിട്ടില്ല. അതേ സമയം നിരവധി ഫീച്ചറുകളാണ് എഐയുടെ പിന്തുണയോടെ ​ഗാലക്സി എസ് 24 സീരീസ് ഫോണുകളിൽ ഉള്ളത്.

കുറിപ്പുകൾക്ക്, ലാ​ഗ്വേജ് ട്രാൻസിലേഷന്, ​ഗൂ​ഗിൾ സർച്ചിന്, ക്യാമറയ്ക്ക് എന്ന് തുടങ്ങി നിരവധി കാര്യങ്ങൾക്ക് എഐ പിന്തുണ നേടാവുന്നതാണ്. സർക്കിൾ ടു സെർച്ച് എന്ന ഫീച്ചർ വഴി ഫോട്ടോയിലെ നിശ്ചിത ഭാ​ഗം കട്ട് ചെയ്ത് സർച്ച് ചെയ്യാൻ സാധിക്കുന്നതാണ്.‌ ഇതിന് പറമെ ക്യാമറ ഫീച്ചറുകളിലും സാംസങ് എഐ പിന്തുണ നൽകിയിട്ടുണ്ട്. ജനുവരി 17ന് ഇന്ത്യൻ സമയം അർത്ഥ രാത്രിയിൽ ആയിരുന്നു ഈ ഫോണുകൾ സാംസങ് പുറത്തിറക്കിയത്.

79,999 രൂപ മുതലാണ് ഇന്ത്യയിൽ ​ഗാലക്സി എസ് 24 സീരീസ് ഫോണിന്റെ വില ആരംഭിക്കുന്നത്. ഗാലക്സി എസ് 24ന്റെ 8 ജിബി റാം 256ജിബി സ്റ്റോറേജ് വേരിയന്റിനാണ് ഈ വില. 512 ജിബി സ്റ്റോറേജ് വേരിയന്റിന്റെ വില 89,999 രൂപയാണ്. ഗാലക്സി എസ് 24 പ്ലസിന്റെ വില പരിശോധിക്കുമ്പോൾ 99,999 രൂപ മുതലാണ് വില ആരംഭിക്കുന്നത്. ഫോണിന്റെ 12 ജിബി റാം 256 ജിബി സ്റ്റോറേജിനാണ് ഈ വില.

ഫോണിന്റെ 512 ജിബി സ്റ്റോറേജ് വേരിയന്റിന്റെ വില 109,999 രൂപയാണ്. എസ് 24 അൾട്രയുടെ വില ആരംഭിക്കുന്നത് ആകട്ടെ 129,999 രൂപ മുതലാണ്. 256 ജിബി സ്റ്റോറേജ് വേരിയന്റിനാണ് ഈ വില. ഇതിന് പുറമെ 512 ജിബി, 1 ടിബി എന്നീ വേരിയന്റുകളിലും ഈ ഫോൺ പുറത്തിറങ്ങുന്നുണ്ട്. ഇവയുടെ വില യഥാക്രമം 139,999 രൂപ, 159,999 രൂപ എന്നിങ്ങനെയാണ്.