ആകാശ ​ഗം​​ഗയിൽ ശിവനെയും ശക്തിയേയും കണ്ടെത്തി; കൈയ്യടിച്ച് ശാസ്ത്ര ലോകം

ആകാശ ​ഗം​ഗയിലെ രണ്ട് പ്രചീന നക്ഷത്ര കൂട്ടങ്ങളെ കണ്ടെത്തി ശാസ്ത്രജ്ഞർ. 1200 മുതൽ 1300 കോടി വർഷങ്ങൾ പഴക്കമുള്ള നക്ഷത്ര കൂട്ടങ്ങളെയാണ് ഇവർ കണ്ടെത്തിയിരിക്കുന്നത്. പ്രപഞ്ചത്തിന്റെ ആദ്യ കണിക രൂപപ്പെട്ടത്തുമുതൽ ഈ നക്ഷത്രക്കുട്ടങ്ങൾ ഇവിടെ ഉണ്ടായിരുന്നു എന്നാണ് ശാസ്ത്രജ്ഞരുടെ നി​ഗമനം. ഈ നക്ഷത്രങ്ങൾക്ക് നൽകിയിരിക്കുന്ന പേരാണ് ശ്രദ്ധേയം.

ശിവ, ശക്തി എന്നീ പേരുകളാണ് ഇവയ്ക്കായി ശാസ്ത്രജ്ഞർ നൽകിയിരിക്കുന്നത്. ജർമനിയിലെ മാക്സ് പ്ലാങ്ക് ഇൻസ്റ്റിറ്റ്യൂട്ടിലെ ഒരു കൂട്ടം ശാസ്ത്രജ്ഞർ ആണ് ഇത് കണ്ടുപിടിച്ചിരിക്കുന്നത്. ഖ്യാതി മൽഹാൻ എന്ന മുതിർന്ന ശാസ്ത്രജ്ഞൻ ആണ് ഈ ദൗത്യത്തിന് നേതൃത്വം നൽകിയത്. യൂറോപ്യൻ ബഹിരാകാശ ഏജൻസിയുടെ ഗയ്യ എന്ന ഉപ​ഗ്രഹം പുറത്ത് വിട്ട ചില വിവരങ്ങളും യുഎസ് സ്ലോൻ ഡിജിറ്റൽ സ്കൈ എന്ന സ്ഥാപനം നടത്തിയ ചില സർവ്വേ പഠനങ്ങളും ഈ ദൗത്യത്തിനെ സഹായിച്ചിരുന്നു.

MOST READ: 6,799 രൂപ മുതൽ സ്മാർട്ട് ടിവികൾ‌, 60 ശതമാനത്തോളം ഓഫർ; ഐപിഎൽ ആഘോഷമാക്കാൻ ആമസോൺ

ഈ രണ്ട് റിപ്പോർട്ടുകളുടെയും അടിസ്ഥാനത്തിൽ ആയിരുന്നു ഖ്യാതി മൽഹാന്റെ കീഴിലുള്ള സംഘം ​ഗവേഷണം മുന്നോട്ട് കൊണ്ടുപോയത്. ആകാശ ഗംഗ രൂപം കൊണ്ട കാലഘട്ടത്തിൽ ഇവ നക്ഷത്ര സമൂഹത്തിലേക്ക് കൂടിചേരുക ആയിരുന്നു എന്നാണ് ഈ പഠനം സൂചിപ്പിക്കുന്നത്. ക്ഷിരപഥത്തിന്റെ മുൻപതിപ്പിലും ഇവ ഉണ്ടായിരിക്കാൻ സാധ്യതയുണ്ട് എന്നും ഈ ശാസ്ത്രജ്ഞർ പറയുന്നു. നിലവിൽ ഒരു ലക്ഷം പ്രകാശവർഷങ്ങളാണ് ആകാശ ഗംഗയുടെ വ്യാസം.

ആകാശ ​ഗം​ഗ മാത്രമാണ് ഈ പ്രപഞ്ചത്തിലെ ഏക ​ഗാലക്സി എന്നായിരുന്നു ആദ്യ നാളുകളിലെ കണ്ടെത്തൽ പിന്നീട് നിരവധി പഠനങ്ങളുടെ അടിസ്ഥാനത്തിലാണ് ഈ പ്രപഞ്ചത്തിൽ കോടിക്കണക്കിന് ​ഗാലക്സികൾ ഉണ്ടെന്ന് കണ്ടെത്തിയത്. മാത്രമല്ല ആകാശ ​ഗം​ഗയുടെ പതിൻമടങ്ങ് വലുപ്പമുള്ള ​ഗാലക്സികളും ഇന്ന് കണ്ടെത്തിയിട്ടുണ്ട്. നിലവിലെ പഠനങ്ങളുടെ അടിസ്ഥാനത്തിൽ കണ്ടെത്തിയിരിക്കുന്ന ഏറ്റവും വലി ​ഗാലക്സി അൽസ്യോന്യുസ് ആണ്. ആകാശ ഗംഗയെക്കാൾ 160 മടങ്ങ് വലിപ്പമാണ് ഈ ​ഗാലക്സിക്കുള്ളത്.

MOST READ: 15,000 രൂപയുടെ ഫോണിലും ഡിഎസ്എൽആർ ക്യാമറയ്ക്ക് സമാനമായ ചിത്രങ്ങളെടുക്കാം; ഈ വിദ്യ പരീക്ഷിച്ചാൽ മതി

ഭൂമിയിൽ നിന്ന് 300 കോടി പ്രകാശവർഷം അകലെയാണ് അൽസ്യോന്യുസ് സ്ഥിതി ചെയ്യുന്നത്. ഏകദേശം 1.63 കോടി പ്രകാശവർഷം വീതി ഈ ​ഗാലക്സിക്ക് ഉണ്ട് എന്നാണ് റിപ്പോർട്ടുകൾ സൂചിപിക്കുന്നത്. അതായത് ഈ ​ഗാലക്സിയുടെ ഒരറ്റത്ത് നിന്ന് പ്രകാശം മറ്റെ അറ്റത്ത് എത്താനായി 1.63 കോടി പ്രകാശവർഷം എടുക്കും എന്ന് സാരം. സൂര്യന്റെ നാല് മടങ്ങ് പിണ്ഡമുള്ള ഒരു ബ്ലാക്ക് ഹോൾ അൽസ്യോന്യുസിന്റെ കേന്ദ്ര ഭാ​ഗത്തായി സ്ഥിതി ചെയ്യുന്നുണ്ടെന്നും പറയപ്പെടുന്നു.

ആകാശ ​ഗം​ഗയിലും ഇതിന് സമാനമായ ഒരു ബ്ലാക്ക് ഹോൾ സ്ഥിതി ചെയ്യുന്നുണ്ട്. എ സ്റ്റാർ എന്നാണ് ഈ ബ്ലാക്ക് ഹോളിന്റെ പേര്. ഭൂമിയിൽ നിന്ന് 25000 പ്രകാശവർഷം അകലെയാണ് ഇത് സ്ഥിതി ചെയ്യുന്നത്. ഇതിന് പുറമെ പത്ത് കോടിയോളം ബ്ലാക്ക് ഹോളുകൾ ആകാശ ​ഗം​ഗയിൽ ഉണ്ടെന്നും ചില പഠനങ്ങൾ സൂചിപ്പിക്കുന്നു. രസകരമായ പഠനങ്ങളാണ് വർഷങ്ങളായി ആകാശ ​ഗം​ഗയേയും മറ്റും ചുറ്റിപ്പറ്റി നടക്കുന്നത്.

നേരത്തെ സ്പെയിനിലെ വിഗോ സർവകലാശാലയിലെ ശാസ്ത്രജ്ഞനായ ആൽബർട്ടോ കാബല്ലെറോ എന്ന ശാത്രജ്ഞന്റെ പഠന റിപ്പോർട്ട് ഏറെ ശ്രദ്ധ പിടിച്ചു പറ്റിയിരുന്നു. ആകാശ ​ഗം​ഗയിൽ നിരവധി അന്യ​ഗൃഹ ജീവികൾ ഉണ്ടെന്നും വരും നാളുകളിൽ ഇവ ഭൂമിയെ ആക്രമിക്കും എന്നുമായിരുന്നു പഠന റിപ്പോർട്ടിൽ ഇദ്ദേഹം വ്യക്തമാക്കിയിരുന്നത്. എന്നാൽ ഈ റിപ്പോർട്ട് ശാത്രലോകം ​ഗൗരവത്തിൽ എടുത്തില്ല എന്നതാണ് സത്യം.