വിലക്കുറവാണെങ്കിലും ഫീച്ചറുകളിൽ കുറവൊന്നുമില്ല; ടെക്നോ പോവ6 പ്രോ 5ജി വിൽപ്പനയ്ക്കെത്തി, കൂടെ ഒരുപിടി ഓഫറുകളും

പ്രമുഖ ചൈനീസ് സ്മാർട്ട് ഫോൺ നിർമ്മാതാക്കളായ ടെക്നോ ഇന്ത്യയിൽ അവതരിപ്പിച്ച ഏറ്റവും പുതിയ ഫോണാണ് ടെക്നോ പോവ 6 പ്രോ 5ജി. മാർച്ച് 29ന് ആയിരുന്നു ഈ ഫോൺ ടെക്നോ ഇന്ത്യയിൽ അവതരിപ്പിച്ചത്. മിഡ് ബഡ്ജറ്റ് സെ​​ഗ്മെന്റിൽ പുറത്തിറങ്ങിയ ഈ ഫോണിന്റെ വിൽപന ഇതാ ഇപ്പോൾ രാജ്യത്ത് ആരംഭിച്ചിരിക്കുകയാണ്.

20,000 രൂപയ്ക്ക് താഴെ വില വരുന്ന സെ​ഗ്മെന്റിൽ ആണ് ഈ ഫോൺ ടെക്നോ അവതരിപ്പിച്ചിരിക്കുന്നത്. ആമസോൺ വഴിയാണ് ടെക്നോ പോവ 6 പ്രോ 5ജിയുടെ വിൽപന ഇന്ത്യയിൽ ആരംഭിച്ചിരിക്കുന്നത്. നത്തിങ് ഫോണുകളുടെ പിന്നിൽ കാണുന്ന മിനി എൽഇഡി ബീഡ്‌സ് പോലുള്ള ലൈറ്റിങ് സൗകര്യത്തോടൊണ് ഈ ഫോൺ എത്തുന്നത്. ഇതിന്റെ സഹായത്താൽ ​ഗെയിമിങ് അനുഭവങ്ങൾ മികച്ചതാക്കി മാറ്റാൻ സാധിക്കുന്നതാണ്.

MOST READ: സാംസങ്ങിനും ​ഗൂ​ഗിളിനും എട്ടിന്റെ പണി വരുന്നു; വൺപ്ലസിന്റെ എഐ ഫീച്ചറുകൾ ഈ മാസം മുതൽ

ഇതിന് പുറമെ ഫോൺ റിങ് ചെയ്യുമ്പോളും അറിയിപ്പുകൾ ലഭിക്കുമ്പോളും ഈ ലൈറ്റുകൾ തെളിയിക്കാൻ പാകത്തിൽ കസ്റ്റമൈസ് ചെയ്യാനും ഉപയോക്താക്കൾക്ക് സാധിക്കുന്നതാണ്. 19,999 രൂപയ്ക്കാണ് ടെക്നോ പോവ 6 പ്രോ 5ജിയുടെ അടിസ്ഥാന മോഡലിന്റെ വില ആരംഭിക്കുന്നത്. ഇതിന് 8 ജിബി റാമും 256 ജിബി സ്റ്റോറേജും അവകാശപ്പെടാൻ സാധിക്കുന്നതാണ്. ഇതിന് പുറമെ 12 ജിബി റാം 256 ജിബി സ്റ്റോറേജ് വേരിയന്റിലും ടെക്നോ ഈ ഫോൺ പുറത്തിറക്കിയിട്ടുണ്ട്.

21,999 രൂപയാണ് ഈ വേരിയന്റിന്റെ വില. വിൽപന ആരംഭിച്ചിരിക്കുന്നതിന്റെ ഭാ​ഗമായി ചില ഓഫറുകളും ഇപ്പോൾ ടെക്നോ പ്രഖ്യാച്ചിട്ടുണ്ട്. ബാങ്ക് ഓഫറിന്റെ സഹായത്തോടെ 2000 രൂപയുടെ അധിക ഡിസ്കൗണ്ട് ആണ് ടെക്നോ പ്രഖ്യാപിച്ചിരിക്കുന്നത്. ഇതിന് പുറമെ 12 മാസം വരെ നോ കോസ്റ്റ് EMI പേയ്‌മെൻ്റ് ഓപ്ഷനും ഉപയോക്താക്കൾക്കായി ടെക്നോ വാ​ഗ്ദാനം ചെയ്യുന്നുണ്ട്. ഇപ്പോൾ ഈ ഫോൺ സ്വന്തമാക്കുന്ന ഉപയോക്താക്കൾക്ക് ടെക്നോ സ്പ്യൂർ എസ്2 ബ്ലൂടൂത്ത് സ്പീക്കറും സൗജന്യമായി ലഭിക്കും.

MOST READ: വൺപ്ലസ് നോർഡ് സിഇ 4 5ജിയുടെ വിൽപന ഇന്ന് ആരംഭിക്കും; കൂടെ കിടിലൻ ഒരു സമ്മാനവും മികച്ച ഓഫറുകളും

ടെക്നോ പോവ 6 പ്രോ 5ജിയ്ക്കായി നിർമ്മാതാക്കൾ നൽകിയിരിക്കുന്ന പ്രധാന ഫീച്ചറുകൾ എന്തെല്ലാമാണെന്ന് വിശദമായി പരിശോധിക്കാം. 12 ജിബി വരെ റാമും 256 ജിബി സ്റ്റോറേജുമുള്ള മീഡിയടെക് ഡൈമെൻസിറ്റി 6080 SoC ആണ് ഈ ഫോണിന് കരുത്ത് നൽകുന്നത്. ദീർഘനേരം നീണ്ട് നിൽക്കുന്ന ബാറ്ററി ലൈഫ് ലഭിക്കാനായി 6,000 mAh ബാറ്ററിയും ഈ ഫോണിൽ പായ്ക്ക് ചെയ്തിട്ടുണ്ട്. 70W വയർഡ് ഫാസ്റ്റ് ചാർജിങ് പിന്തുണയോടെയാണ് ഈ ബാറ്ററി എത്തുന്നത്.

ഒരു ദിവസത്തിൽ കൂടുതൽ ബാറ്ററി ലൈഫ് ടെക്നോ പോവ 6 പ്രോ 5ജി സമ്മാനിക്കും എന്നാണ് പ്രതീക്ഷിക്കുന്നത്. ആൻഡ്രോയിഡ് 14 അടിസ്ഥാനമാക്കിയുള്ള HiOS-ലാണ് ഈ ഫോൺ പ്രവർത്തിക്കുന്നത് എന്നും ടെക്നോ അറിയിച്ചിട്ടുണ്ട്. 6.78 ഇഞ്ച് ഫുൾ എച്ച്ഡി പ്ലസ് AMOLED ഡിസ്‌പ്ലേയാണ് ഈ ഫോണിന് നിർമ്മാതാക്കൾ നൽകിയിരിക്കുന്നത്. ഇതിന് 120 Hz പുതുക്കൽ നിരക്കും 1,300 nits തെളിച്ചവും അവകാശപ്പെടാൻ സാധിക്കുന്നതാണ്.

ഡോൾബി അറ്റ്‌മോസിനൊപ്പം ഡ്യുവൽ സ്റ്റീരിയോ സ്പീക്കറുകളും ഈ ഫോണിന്റെ പ്രത്യേകതയാണ്. ഫോണിന്റെ ക്യാമറകൾ പരിശോധിക്കുമ്പോൾ പിൻവശത്തായി മൂന്ന് ക്യാമറകളാണ് ടെക്നോ നൽകിയിരിക്കുന്നത്. ഇതിൽ പ്രൈമറി ക്യാമറ 108 എംപിയാണ്. 2 എംപിയുടെ ഡെപ്ത് സെൻസർ, 0.08 എംപി ഓക്സിലറി ലെൻസ് എന്നിവയാണ് മറ്റ് ക്യാമറകൾ. ഈ ഫോണിനായി ടെക്നോ നൽകിയിരിക്കുന്ന സെൽഫി ക്യാമറ 32 എംപിയുടേത് ആണ്.

ഫോണിന്റെ അധിക സുരക്ഷയ്ക്കായി ഒരു ഇൻ-ഡിസ്‌പ്ലേ ഫിംഗർപ്രിൻ്റ് സെൻസറും കമ്പനി നൽകിയിട്ടുണ്ട്. ടെക്നോ പോവ 6 പ്രോ 5ജിയുടെ പൊടി, ജല പ്രതിരോധത്തിന്റെ റേറ്റിങ് IP53 ആണ് എന്നും കമ്പനി അവകാശപ്പെടുന്നു. നിലവിൽ രണ്ട് കളർ ഓപ്ഷനുകളിലാണ് ടെക്നോ ഈ ഫോണിനെ ഇന്ത്യൻ വിപണിയിൽ എത്തിച്ചിരിക്കുന്നത്. കോമറ്റ് ഗ്രീൻ, മെറ്റിയോറൈറ്റ് ഗ്രേ എന്നിവയാണ് ഈ കളറുകൾ.