വെറും 6,699 രൂപയ്ക്ക് 70,000 രൂപയുടെ ഐഫോൺ ലുക്ക്; കൂടാതെ എഐ ലെൻസും, ടെക്നോ സ്പാർക് ​ഗോ 2024 അവതരിപ്പിച്ചു

പ്രമുഖ ചൈനീസ് മൊബൈൽ നിർമ്മാതാക്കളായ ടെക്നോ തങ്ങളുടെ ഏറ്റവും പുതിയ സ്മാർട്ട് ഫോണായ ടെക്നോ സ്പാർക് ​ഗോ 2024 ഇന്ത്യയിൽ അവതരിപ്പിച്ചു. ബഡ്ജറ്റ് ഫ്രണ്ട്ലി സ്മാർട്ട് ഫോൺ എന്ന നിലയ്ക്കാണ് തങ്ങളുടെ പുതിയ ഫോൺ ഇവർ ഇന്ത്യയിൽ അവതരിപ്പിച്ചിരിക്കുന്നത്. വെറും 6,699 രൂപ മുതലാണ് ഈ ഫോണിന്റെ വില ആരംഭിക്കുന്നത്.

വില കുറവാണെങ്കിലും ഒരു മിഡ് റേഞ്ച് ഫോണിന് ലഭിക്കുന്ന ഫീച്ചറുകൾ ടെക്നോ സ്പാർക് ​ഗോ ഉപയോക്താക്കൾക്ക് വാ​ഗ്ദാനം ചെയ്യുന്നു. 6.56-ഇഞ്ച് ഡോട്ട്-ഇൻ ഡിസ്‌പ്ലേയുമായാണ് ഈ ഫോൺ അവതരിപ്പിച്ചിരിക്കുന്നത്. ഇതിന്റ് സ്ക്രീനിന് 90Hz റീഫ്രഷ് റെയ്റ്റും അവകാശപ്പെടാനുണ്ട്. മാത്രമല്ല DTS ഡ്യുവൽ സ്റ്റീരിയോ സ്പീക്കറുകളും ടെക്നോ സ്പാർക് ​ഗോ 2024ന്റെ പ്രത്യേകതയാണ്. UniSoC T606 Octa-Core SoC ആണ് ഫോണിന് കരുത്ത് പകരുന്നത്.

MOST READ: ഐഫോണിൽ ഇനി 'ഇന്ത്യൻ ഊർജം'! ആപ്പിളിനായി ജാപ്പനീസ് കമ്പനി ഇന്ത്യയിൽ ബാറ്ററി സെൽ നിർമിക്കും

പ്രധാനമായും മൂന്ന് വേരിയന്റുകളിലാണ് ഈ ഫോൺ ടെക്നോ അവതരിപ്പിച്ചിരിക്കുന്നത്. 3 ജിബി റാം 64 ജിബി സ്റ്റോറേജ്, 8 ജിബി റാം 64 ജിബി സ്റ്റോറേജ്, 8 ജിബി റാം 128 ജിബി സ്റ്റോറേജ് എന്നിവയാണ് ഈ വേരിയന്റുകൾ. 2023 ടെക്നോ ഹലോ എ 22ന്റെ പിൻ​ഗാമി എന്ന നിലയിലാണ് ടെക്നോ സ്പാർക് ​ഗോ 2024 പുറത്തിറക്കിയിരിക്കുന്നത്. ആയതിനാൽ തന്നെ നിരവധി അപ്ഡേഷനും പുതിയ ഫോണിലുണ്ട്.

അതേ സമയം ഫോണിന്റെ ഏറ്റവും വലിയ പ്രത്യേകത ഐഫോണുകളോട് സാമ്യമുള്ള ഡൈനാമിക് ഐലന്റാണ്. നോട്ടിഫിക്കേഷനുകളും മറ്റും ഈ ഡൈനാമിക് ഐലന്റിൽ ആയിരിക്കും പ്രത്യക്ഷപ്പെടുന്നത്. ഫോണിന്റെ ഡിസൈനോഡും ഈ ഡൈനാമിക് ഐലന്റ് നീതി പുലർത്തുന്നുണ്ട്. മറ്റ് സവിശേഷതകൾ പരിശോധിക്കുമ്പോൾ Octa-Core Unisoc T606 (2x A75 1.6GHz + 6x A55 1.6GHz) 12nm ആണ് ടെക്നോ സ്പാർക് ​ഗോയുടെ പ്രോസസർ.

MOST READ: പല തരത്തിൽ നിങ്ങളുടെ ഫോണിൽ വൈറസുകൾ ബാധിക്കും; പരിശോധിച്ച് ഉറപ്പാക്കാനും നീക്കം ചെയ്യാനും ​ഗൂ​ഗിൾ സഹായിക്കും

ആൻഡ്രോയിഡ് 13 ഗോ പതിപ്പിനെ അടിസ്ഥാനമാക്കിയ HiOS 13-ൽ ആയിരിക്കും ഈ ഫോൺ പ്രവർത്തിക്കുക. ഫോണിന്റെ ക്യാമറ ഡിപ്പാർട്ട്മെന്റ് പരിശോധിക്കുമ്പോൾ 13 മെ​ഗാപിക്സലാണ് ഇതിന്റെ പ്രധാന സെൻസർ. ഇതിന് f/1.85 അപ്പേർച്ചർ അവകാശപ്പെടാനുണ്ട്. ഇതിന് പുറമെ ഒരു എഐ ലെൻസും ഫോണിന്റെ പിൻഭാ​ഗത്തായി സ്ഥാനം പിടിച്ചിട്ടുണ്ട്. ഡ്യുവൽ എൽഇഡി ഫ്ലാഷും ഫോണിന്റെ പിൻ ക്യാമറയ്ക്കൊപ്പം നമ്മുക്ക് കാണാൻ സാധിക്കുന്നതാണ്.

സെൽഫികൾക്കും വീഡിയോ കോളുകൾക്കുമായി എൽഇഡി ഫ്ലാഷ് സൗകര്യത്തോടെ 8 എംപി ഫ്രണ്ട് ക്യാമറയും ടെക്നോ സ്പാർക് ​ഗോ 2024ൽ ഇടം പിടിച്ചിട്ടുണ്ട്. ഫോണിന്റെ സൈഡിൽ ആയിട്ടാണ് ഫിം​ഗർ പ്രിന്റ് ഓപ്ഷൻ നൽകിയിരിക്കുന്നത്. ബാറ്ററിയുടെ വിശേഷം പരിശോധിക്കുമ്പോൾ 10W ചാർജി​ങ്ങോടുകൂടിയ 5000 mAh ബാറ്ററിയും ഫോണിന് നൽകാനായി ടെക്നോ ശ്രമിച്ചിട്ടുണ്ട്. അത്യാവശ്യം മികച്ച ബാറ്ററി ലൈഫ് തന്നെ ഈ ഫോണിൽ നിന്ന് ഉപയോക്താക്കൾക്ക് പ്രതീക്ഷിക്കാവുന്നതാണ്.

ഫോണിന്റെ മിസ്റ്ററി വൈറ്റ്, ഗ്രാവിറ്റി ബ്ലാക്ക് എന്നീ കളർ വേരിയന്റുകളാണ് ടെക്നോ ഇന്ത്യയിൽ അവതരിപ്പിച്ചിരിക്കുന്നത്. ടെക്നോ സ്പാർക് ​ഗോ 2024-ന്റെ 3 ജിബി റാം 64 ജിബി സ്റ്റോറേജ് വേരിയന്റിന്റെ യഥാർത്ഥ വില 7499 രൂപ ആണെങ്കിലും ലോഞ്ചിന്റെ ഭാ​ഗമായി ഇവ 6699 രൂപയ്ക്ക് ലഭ്യമാണ്. ഡിസംബർ 7 മുതൽ പ്രമുഖ ഇ കൊമേഴ്സ് വെബ്സൈറ്റായ ആമസോണിൽ നിന്ന് ഉപയോക്താക്കൾക്ക് ഈ ഫോൺ സ്വന്തമാക്കാൻ സാധിക്കുന്നതായിരിക്കും.

ഉച്ചയ്ക്ക് 12 മണി മുതലാണ് ഫോണിന്റെ വിൽപന ആരംഭിക്കുന്നത്. അതേ സമയം ഫോണിന്റെ 8 ജിബി റാം 64 ജിബി സ്റ്റോറേജ്, 8 ജിബി റാം 128 ജിബി സ്റ്റോറേജ് എന്നീ വേരിയന്റുകളുടെ വില ഫോൺ വിൽപനയ്ക്കെത്തുമ്പോൾ വെളിപ്പെടുത്തും എന്നാണ് ടെക്നോ മൊബൈൽസ് ഇന്ത്യയുടെ സിഇഒ അരിജീത് തലപത്ര പറഞ്ഞിരിക്കുന്നത്. വളരെ കുറഞ്ഞ വിലയ്ക്ക് ലഭിക്കുന്ന മികച്ച സ്മാർട്ട് ഫോണായിരിക്കും ടെക്നോ സ്പാർക് ​ഗോ എന്നാണ് പ്രതീക്ഷിക്കുന്നത്.