മൂന്ന് ക്യാമറകളിലും 50എംപി സീസ് ലെൻസുമായി വിവോ വി 30 പ്രോ ഫെബ്രുവരി 28ന് എത്തും; മറ്റ് സവിശേഷതകൾ കണ്ടോ

വിവോ എക്സ് 100 സീരീസ് ഫോണുകൾക്ക് ശേഷം വിവോ ഇന്ത്യയിൽ അവതരിപ്പിക്കാൻ ഒരുങ്ങുന്ന സ്മാർട്ട് ഫോണാണ് വിവോ വി 30 സീരീസ് ഫോണുകൾ. പ്രീമിയം സെ​ഗ്മെന്റിൽ അയിരുന്നു വിവോ എക്സ് 100 സീരീസ് ഫോണുകൾ എത്തിയിരുന്നത് എങ്കിൽ മിഡ് ബഡ്ജറ്റ് സെ​ഗ്മെന്റിൽ ആയിരിക്കും വി 30 സീരീസ് ഫോണുകൾ എത്തുന്നത്.

വിവോ എക്സ് 100, എക്സ് 100 പ്രോ എന്നിങ്ങനെ രണ്ട് ഫോണുകൾ ആയിരുന്നു ജനുവരിയിൽ അവതരിപ്പിച്ച സീരീസിൽ വിവോ പുറത്തിറക്കിയിരുന്നത്. വിവോയുടെ തന്നെ ഏറ്റവും മികച്ച ക്യാമറാ ഫോണുകൾ എന്ന വിശേഷണവും ഈ ഫോണുകൾക്ക് വിവോ നൽകിയിരുന്നു. ഇതിന് പിന്നാലെയാണ് ഫെബ്രുവരി 28ന് തങ്ങളുടെ വി 30 സീരീസ് ഫോണുകൾ തായ്ലാന്റിൽ അവതരിപ്പിക്കാൻ വിവോ പദ്ധതിയിടുന്നത്. ഫോണിന്റെ ലോഞ്ച് തിയതി കഴിഞ്ഞ ദിവസമാണ് വിവോ പുറത്ത് വിട്ടത്.

MOST READ: സർക്കാർ സേവനങ്ങളെല്ലാം ഡിജിറ്റലായി ലഭിക്കും; ഈ അഞ്ച് ആപ്പുകൾ നിർബന്ധമായും നിങ്ങളുടെ ഫോണിൽ വേണം

ഫോൺ തായ്ലാന്റിൽ അവതരിപ്പിക്കുന്ന അതേ ദിവസം തന്നെ ഇന്ത്യയിലും അവതരിപ്പിക്കാൻ സാധ്യതയുണ്ട്. അല്ലെങ്കിൽ ഉടൻ തന്നെ ഈ ഫോൺ ഇന്ത്യൻ മാക്കറ്റിൽ എത്തും എന്നാണ് പ്രതീക്ഷിക്കുന്നത്. ഈ മാസം ആദ്യം തന്നെ ഈ ഫോണുകൾ വിവോ ചൈനയിൽ പുറത്തിറക്കിയിരുന്നു. ഇവിടെ നിന്ന് മികച്ച അഭിപ്രായമാണ് ഈ ഫോണുകൾക്ക് ലഭിച്ചത്. ചൈനയിൽ അവതരിപ്പിച്ച അതേ ഫോണുകൾ തന്നെ ആയിരിക്കും വിവോ ഇന്ത്യയിലും അവതരിപ്പിക്കാൻ സാധ്യത.

വിവോ വി 30, വി 30 പ്രോ എന്നിങ്ങനെ രണ്ട് ഫോണുകൾ ആയിരിക്കും ഈ സീരീസിൽ ഉണ്ടായിരിക്കുക. ഇതിൽ ഏറ്റവും ആകർഷണം വിവോ വി 30 പ്രോയ്ക്കാണ്. ഫോണിന്റെ ചില സവിശേഷതകളും കമ്പനി പുറത്ത് വിട്ടിട്ടുണ്ട്. പ്രോ മോഡലിന് 120Hz പുതുക്കൽ നിരക്കുള്ള 3D കർവ്ഡ് ഡിസ്‌പ്ലേ ആയിരിക്കും എന്നാണ് വിവോ അറിയിച്ചിരിക്കുന്നത്. ട്രിപ്പിൾ റിയർ ക്യാമറയും ഈ ഫോണിന് ഉണ്ടായിരിക്കും എന്നാണ് വിവോ നൽകുന്ന സൂചന.

MOST READ: 10,000 രൂപയ്ക്ക് താഴെ ഇതിലും മികച്ച ഫോൺ ഇനി ലഭിക്കില്ല; ഇൻഫിനിക്സ് ഹോട്ട് 40ഐ രണ്ട് ദിവസത്തിനുള്ളിൽ എത്തും

ഫോണിൽ ഇടം പിടിച്ചിരിക്കുന്ന 5000 എംഎഎച്ച് ബാറ്ററി മികച്ച ബാറ്ററി ലൈഫ് തന്നെ ഉപയോക്താക്കൾക്ക് സമ്മാനിക്കുന്നതാണ്. ഗ്രീൻ സീ, നൈറ്റ് സ്കൈ ബ്ലാക്ക്, പേൾ വൈറ്റ് എന്നീ മൂന്ന് കളർ ഓപ്ഷനുകളിലാണ് ഈ ഫോൺ പുറത്തിറങ്ങുക. ഫോണിന്റെ മറ്റ് വിശേഷങ്ങൾ പരിശോധിക്കുമ്പോൾ ക്യാമറ തന്നെയായിരിക്കും ഇതിൽ ഏറ്റവും ഹൈലൈറ്റ്. ഫോണിന്റെ പിൻവശത്ത് ഇടം പിടിച്ചിരിക്കുന്ന മൂന്ന് ക്യാമറകളും 50 എംപിയാണ് എന്നാണ് അറിയാൻ സാധിച്ചിരിക്കുന്നത്.

ഈ മൂന്ന് ക്യാമറയിലും സീസ് ലെൻസുകൾ ആണ് ഫീച്ചർ ചെയ്യുന്നത്. സെൽഫികൾക്കും വീഡിയോ കോളുകൾക്കുമായി വിവോ ഈ ഫോണിൽ നൽകിയിരിക്കുന്ന ഫ്രണ്ട് ക്യാമറയും 50 എംപി ആയിരിക്കും. ഈ ക്യാമറയിൽ ഓട്ടോ ഫോക്കസ് പിന്തുണയും ഉണ്ടായിരിക്കുന്നതാണ്. ഫോട്ടോ​ഗ്രഫി ഇഷ്ടപ്പെടുന്ന ആളുകൾക്ക് മിഡ് ബഡ്ജറ്റിൽ ലഭിക്കുന്ന മികച്ച ഒരു ഫോൺ ആയിരിക്കും വിവോ വി 30 പ്രോ.

MediaTek Dimensity 8200 SoC ആയിരിക്കും പുതിയ വിവോ ഫോണിന് കരുത്ത് നൽകുക എന്നും സൂചനയുണ്ട്. ആൻഡ്രോയിഡ് 14ൽ പ്രവർത്തിക്കുന്ന ഈ ക്യാമറയ്ക്ക് 12 ജിബി വരെ റാമും ഉണ്ടായിരിക്കും എന്നാണ് ചില റിപ്പോർട്ടുകളിൽ പറയുന്നത്. 12 ജിബി LPDDR5 റാം, 512 ജിബി UFS 3.1 സ്റ്റോറേജ് ആണ് ഈ ഫോണിൽ നിന്ന് പ്രതീക്ഷിക്കുന്നത്. നേരത്തെ സൂചിപ്പിച്ചത് പോലെ 5000 എംഎഎച്ച് ആയിരിക്കും ഈ ഫോണിന്റെ ബാറ്ററി.

80W ഫാസ്റ്റ്ചാർജിങ് പിന്തുണയിൽ ആയിരിക്കും ഈ ബാറ്ററി എത്തുന്നത്. 5G SA/NSA, ഡ്യുവൽ 4G VoLTE, Wi-Fi 6 802.11 ac (2.4GHz + 5GHz), ബ്ലൂടൂത്ത് 5.3, GPS (L1 + L5), USB Type-C, NFC എന്നിവയാണ് ഫോണിന്റെ കണക്ടിവിറ്റികൾ. ഫോണിന്റെ അധിക സുരക്ഷയ്ക്കായി ഫോണിന്റെ ഡിസ്പ്ലേയിൽ തന്നെ ഒരു ഫിം​ഗർപ്രിന്റ് സെൻസറും വിവോ നൽകിയേക്കും.