പ്രീമിയം ഫീച്ചറുകളുള്ള മിഡ് ബഡ്ജറ്റ് ഫോൺ, വിവോ വി30 സീരീസിന്റെ വിൽ‌പന ആരംഭിച്ചു; മികച്ച ഓഫറുകൾ അറിയാം

അടുത്തിടെ വിവോ ഇന്ത്യൻ സ്മാർട്ട് ഫോൺ വിപണിയിൽ അവതരിപ്പിച്ച പുതിയ ഫോണുകളാണ് വിവോ വി 30 സീരീസ്. വിവോ വി 30, വി 30 പ്രോ എന്നിങ്ങനെ രണ്ട് ഫോണുകൾ ആണ് ഈ സീരീസിൽ വിവോ അവതരിപ്പിച്ചത്. മിഡ് റെഞ്ച് സെ​ഗ്മെന്റിൽ എത്തിയ ഈ ഫോണുകളുടെ വിൽപന ഇപ്പോഴിതാ ഇന്ത്യയിൽ ആരംഭിച്ചിരിക്കുകയാണ്.

പ്രമുഖ ഇ കൊമേഴ്സ് വെബ്സൈറ്റായ ഫ്ലിപ്പ്കാർട്ട് വഴിയാണ് ഈ ഫോണുകളുടെ വിൽപന ഇന്ത്യയിൽ ആരംഭിച്ചിരിക്കുന്നത്. വ്യാഴാഴ്ച (മാർച്ച് 14) ഉച്ചയ്ക്ക് 12 മണിയോടെയാണ് ഈ ഫോണുകളുടെ വിൽപന ആരംഭിച്ചത്. ഈ സെ​ഗ്മെന്റിൽ ആദ്യമായി സ്‌നാപ്ഡ്രാഗൺ 7 Gen 3 SoC ഉപയോ​ഗിക്കുന്ന ഫോണാണ് ഇതിന്റെ സ്റ്റാന്റേർഡ് മോഡൽ. ZEISS ക്യാമറകളും ഈ ഫോണുകളുടെ കരുത്ത് വർധിപ്പിക്കുന്നുണ്ട്. അതേ സമയം നിരവധി ഫോണുകളാണ് വിവോ വി 30 സീരീസിനോട് മത്സരിക്കാനുള്ളത്.

MOST READ: വെറും 2,499 രൂപയ്ക്ക് പുത്തൻ പുതിയ പോക്കോ എക്സ്6 5ജി വേണോ? അതിശയിപ്പിക്കുന്ന ഓഫറുമായി ഫ്ലിപ്പ്കാർട്ട്

വൺപ്ലസ് നോർഡ് 3 5ജി, റെഡ്മി നോട്ട് 13 പ്രോ പ്ലസ്, നത്തിങ് ഫോൺ 2, ഓപ്പോ 11 5ജി എന്നിവയാണ് ഇതിൽ പ്രമുഖ ഫോണുകൾ. അതേ സമയം വിവോ വി 30 പ്രോ ആകട്ടെ സാംസങ് ഗാലക്‌സി എ 55 5 ജി, ഓപ്പോ റെനോ 11 പ്രോ 5 ജി, വൺപ്ലസ് 12 ആർ 5 ജി എന്നീ ഫോണുകളുമായും മത്സരിക്കും എന്നാണ് പ്രതീക്ഷിക്കുന്നത്.

വിവോ വി 30 സീരീസ് ഫോണുകളെ വിലയും മറ്റ് ഓഫറുകളും പരിശോധിക്കാം. സീരീസിലെ സ്റ്റാന്റേർഡ് മോഡലിന്റെ വില ആരംഭിക്കുന്നത് 33,999 രൂപ മുതലാണ്. ഫോണിന്റെ 8 ജിബി റാം 128 ജിബി സ്റ്റോറേജ് പതിപ്പിനാണ് ഈ വില വരുന്നത്. ഇതിന് പുറമെ 8 ജിബി റാം 256 ജിബി സ്റ്റോറേജ്, 12 ജിബി റാം 256 ജിബി സ്റ്റോറേജ് വേരിയന്റിലും സ്റ്റാന്റേർഡ് പതിപ്പ് പുറത്തിറക്കിയിട്ടുണ്ട്.

MOST READ: യൂട്യൂബ് പോലെ വാട്സ്ആപ്പിലും മോണിറ്റൈസേഷൻ വരുന്നു; ഈ വർഷം വാട്സ്ആപ്പിൽ സംഭവിക്കാൻ പോകുന്ന മാറ്റങ്ങൾ

ഇവയുടെ വില യഥാക്രമം 35,999 രൂപ, 37,999 രൂപ എന്നിങ്ങനെയാണ്. വിവോ വി 30 പ്രോയുടെ വില പരിശോധിക്കുമ്പോൾ 41,999 രൂപ മുതലാണ് വില ആരംഭിക്കുന്നത്. ഫോണിന്റെ 8 ജിബി റാം 256 ജിബി സ്റ്റോറേജ് പതിപ്പിനാണ് ഈ വില. 12 ജിബി റാം 512 ജിബി സ്റ്റോറേജിനാകട്ടെ 46,999 രൂപയാണ് വില വരുന്നത്. പ്രധാനമായും മൂന്ന് നിറങ്ങളിലാണ് ഈ ഫോണുകൾ പുറത്തിറങ്ങുന്നത്.

ആൻഡമാൻ ബ്ലൂ, പീക്കോക്ക് ഗ്രീൻ, ക്ലാസിക് ബ്ലാക്ക് എന്നിവയാണ് ഈ നിറങ്ങൾ. എന്നാൽ പ്രോ പതിപ്പിന് പീക്കോക്ക് ഗ്രീൻ വേരിയന്റ് ഉണ്ടാകില്ലെന്നും വിവോ അറിയിച്ചിട്ടുണ്ട്. ഫ്ലിപ്പ്കാർട്ടിന് പുറമെ വിവോ ഇന്ത്യയുടെ ഇ-സ്റ്റോറുകളിൽ നിന്നും ഔട്ട്ലെറ്റുകളിൽ നിന്നും ഈ ഫോണുകൾ ഇന്ന് മുതൽ ലഭ്യമാകുന്നതാണ്. അതേ സമയം പുതിയ ഫോണുകൾക്കായി വിവോ ഒരുക്കിയിരിക്കുന്ന ഓഫറുകൾ എന്തെല്ലാമാണെന്ന് പരിശോധിക്കാം.

എസ്‌ബിഐ, എച്ച്‌ഡിഎഫ്‌സി എന്നീ ബാങ്കുകളുടെ കാർഡുകൾ ഉപയോ​ഗിച്ചാണ് നിങ്ങൾ ഈ ഫോണുകൾ വാങ്ങുന്നത് എങ്കിൽ തൽക്ഷണമായി 10 ശതമാനം ഡിസ്കൗണ്ട് നിങ്ങൾക്ക് ലഭിക്കുന്നതായിരിക്കും. വിവോയുടെ ഔദ്യോ​ഗിക വെബ്സൈറ്റിൽ നിന്ന് ഫോണുകൾ വാങ്ങുമ്പോൾ എച്ച്ഡിഎഫ്സി, ഐസിഐസിഐ എന്നീ ബാങ്കുകളുടെ കാർഡിന്റെ സഹായത്തിലും സമാനമായ ഡിസ്കൗണ്ട് ഉപയോക്താക്കൾക്ക് സ്വന്തമാക്കാൻ സാധിക്കുന്നതാണ്. പ്രത്യേകം എക്സ്ചേഞ്ച് ബോണസും ഈ ഫോണുകൾക്കായി വിവോ ഒരുക്കിയിരിക്കുന്നു.

4000 രൂപ വരെയാണ് ഇത്തരത്തിൽ എക്സ്ചേഞ്ച് ബോണസ് വഴി നേടിയെടുക്കാൻ സാധിക്കുന്നത്. രണ്ട് ഫോണുകളും ആൻഡ്രോയിഡ് 14-ൽ ആണ് പ്രവർത്തിക്കുന്നത്. Snapdragon 7 Gen 3 SoC ചിപ്സെറ്റ് സ്റ്റാന്റേർഡ് മോഡൽ അവകാശപ്പെടുമ്പോൾ പ്രോ മോഡലിന് കരുത്ത് നൽകുന്നത് MediaTek Dimensity 9200+ SoC ചിപ്സെറ്റ് ആണ്. രണ്ട് ഫോണുകൾക്കും 50 എംപി ഫ്രണ്ട് ക്യാമറയും 5000 എംഎഎച്ച് ബാറ്ററിയും അവകാശപ്പെടാനുണ്ട്.