ട്രിപ്പിൾ റിയർ ക്യാമറയുമായി മറ്റൊരു ഫോൾഡബിൾ ഫോൺ എത്തുന്നു; അണിയറയിലൊരുങ്ങുന്ന വിവോ എക്‌സ് ഫോൾഡ് 3 പ്രോ

ഇപ്പോൾ ഫോൾഡബിൾ സ്മാർട്ട്ഫോണുകളുടെ കാലം ആണല്ലോ. സാംസങ്, വൺപ്ലസ്, മോട്ടറോള, ഓപ്പോ തുടങ്ങി മുൻനിര കമ്പനികളെല്ലാം തങ്ങളുടെ ഫോൾഡബിൾ ഫോണുകൾ വിപണിയിൽ ഇറക്കിയിട്ടുണ്ട്. ഈ പട്ടികയിലേക്ക് പുതിയ ഒരാൾ കൂടി എത്തുകയാണ്. പ്രമുഖ ചൈനീസ് സ്മാർട്ട് ഫോൺ നിർമ്മാതാക്കളാ വിവോ ആണ് പുതിയ ഫോൾഡബിൾ ഫോൺ അവതരിപ്പിക്കാൻ തയ്യാറാകുന്നത്.

വിവോ എക്‌സ് ഫോൾഡ് 3 പ്രോ എന്ന പേരിൽ ആയിരിക്കും വിവോ തങ്ങളുടെ ഫോൾഡബിൾ സ്മാർട്ട് ഫോണിനെ വിപണിയിൽ എത്തിക്കുന്നത്. വിവോ നേരത്തെ ചൈനീസ് വിപണിയിൽ അവതരിപ്പിച്ച വിവോ എക്സ് ഫോൾഡ് 2വിന്റെ പിൻ​ഗാമി എന്ന നിലയ്ക്കാണ് പുതിയ ഫോണിനെ കമ്പനി അവതരിപ്പിക്കുന്നത്. പുതിയ ഫോണിന്റെ സവിശേഷതകളെ കുറിച്ച് ചില ലീക്കഡ് റിപ്പോർട്ടുകളും പുറത്ത് വരുന്നുണ്ട്. പ്രമുഖ ചൈനീസ് ടിപ്പ്സ്റ്റർ ആണ് ഈ റിപ്പോർട്ട് പുറത്ത് വിട്ടിരിക്കുന്നത്.

MOST READ: ഐക്യൂവിന്റെ നിയോ 9 സീരീസ് എത്തി; ക്യാമറ ഫീച്ചറുകളിലും ബാറ്ററി ലൈഫിലും പുലി, ബജറ്റും കുറവ്

ഇദ്ദേഹം പുറത്ത് വിട്ടിരിക്കുന്ന റിപ്പോർട്ട് പ്രകാരം സ്‌നാപ്ഡ്രാഗൺ 8 Gen 3 SoC ചിപ്പ്സെറ്റ് ആയിരിക്കും വിവോ എക്‌സ് ഫോൾഡ് 3 പ്രോയ്ക്ക് ഉണ്ടായിരിക്കുക. ഈ ഫോണിന്റെ ഒപ്പം വിവോയുടെ ടാബ്ലെറ്റായ വിവോ പാഡ് 3യും പുറത്തിറക്കും എന്നും സൂചനയുണ്ട്. ചോർച്ച റിപ്പോർട്ട് പ്രകാരം വിവോ എക്‌സ് ഫോൾഡ് 3 പ്രോയ്ക്ക് ഉണ്ടാകാൻ സാധ്യതയുള്ള പ്രധാന സവിശേഷതകൾ എന്തെല്ലാമാണെന്ന് വിശദമായി പരിശോധിക്കാം.

2K റെസല്യൂഷനും 120Hz റീഫ്രഷ് റെയ്റ്റും അവകാശപ്പെടാനുള്ള LTPO ഇന്നർ ഡിസ്പ്ലേ ആയിരിക്കും ഈ ഫോണിനായി വിവോ നൽകുക. ഇന്നർ ഡിസ്പ്ലയിലും ഔട്ടർ ഡിസ്പ്ലേയിലും അൾട്രാസോണിക് ഫിംഗർപ്രിന്റ് സ്‌കാനർ ഉണ്ടാകാൻ സാധ്യത ഉണ്ടെന്നും ഈ റിപ്പോർട്ട് സൂചിപ്പിക്കുന്നു. പുതിയ ഫോണിന്റെ മുൻ​ഗാമി ആയിരുന്ന വിവോ എക്സ് ഫോൾഡ് 2നെ അപേക്ഷിച്ച് പുതിയ ഫോണിന് മെലിഞ്ഞ ഡിസൈൻ ആയിരിക്കും വിവോ നൽകാൻ സാധ്യത എന്നും പറയപ്പെടുന്നു.

MOST READ: ജിയോ ഉപയോക്താക്കൾക്ക് കോളടിച്ചല്ലോ...; ഉടൻ തന്നെ എഐ സേവനങ്ങൾ എത്തിക്കുമെന്ന് ആകാശ് അംബാനി

279 ഗ്രാം ആയിരുന്നു വിവോ എക്സ് ഫോൾഡ് 2ന്റെ ഭാരം എന്നാൽ വിവോ എക്‌സ് ഫോൾഡ് 3 പ്രോയ്ക്ക് 250 ഗ്രാമിൽ താഴെ മാത്രമായിരിക്കും ഭാരം എന്നാണ് റിപ്പോർട്ട് സൂചിപ്പിക്കുന്നത്. പുതിയ ഫോണിന് 100W വയർഡ് ചാർജിങ്ങും 50W വയർലെസ് ചാർജിങ്ങും ഉണ്ടായിരിക്കും എന്നും സൂചനയുണ്ട്. ട്രിപ്പിൾ റിയർ ക്യാമറ യൂണിറ്റ് ആയിരിക്കാം വിവോ ഈ ഫോണിനായി തയ്യാറാക്കുക. 50 എംപി സെൻസർ ആയിരിക്കും ഇതിന്റെ പ്രൈമറി ക്യാമറ.

ഇതിന് ഒപ്റ്റിക്കൽ ഇമേജ് സ്റ്റെബിലൈസേഷൻ പിന്തുണയും ഉണ്ടായിരിക്കാം. സോണി LYT-900 ക്യാമറ സെൻസർ ആയിരിക്കും ഇതിനായി ഉപയോ​ഗിക്കാൻ സാധ്യത. ഇതിന് പുറമെ 4x ഒപ്റ്റിക്കൽ സൂമും അൾട്രാ വൈഡ് സ്‌നാപ്പറും ഉള്ള 100mm പെരിസ്‌കോപ്പ് ടെലിഫോട്ടോ ലെൻസും ഈ ക്യാമറ ഡിപ്പാർട്ട്മെന്റിൽ പ്രതീക്ഷിക്കുന്നുണ്ട്. അടുത്ത വർഷത്തിന്റെ ആദ്യ പാദത്തിൽ തന്നെ പുതിയ ഫോൺ പുറത്തിറങ്ങും എന്നാണ് റിപ്പോർട്ടുകൾ നൽകുന്ന സൂചന.

അതേ സമയം വിവോ എക്‌സ് ഫോൾഡ് 3 പ്രോയ്ക്കൊപ്പം പുറത്തിറങ്ങുന്ന ടാബ്ലെറ്റായ വിവോ പാഡ് 3യ്ക്ക് MediaTek Dimensity 9300 SoC ചിപ്പ്സെറ്റ് ആയിരിക്കും വിവോ നൽകാൻ സാധ്യത. ഈ വർഷം ആദ്യം ആയിരിന്നും വിവോ എക്‌സ് ഫോൾഡ് 3 പ്രോയുടെ മുൻ​ഗാമി ആയിരുന്ന വിവോ എക്‌സ് ഫോൾഡ് 2 പുറത്തിറങ്ങിയത്. 8,999 ചൈനീസ് യുവാൻ ആയിരുന്നു ഇതിന്റെ വില. അതായത് ഇന്ത്യൻ മാർക്കറ്റിലെ ഏകദേശം 1,07,500 രൂപ.

8.03 ഇഞ്ച് E6 AMOLED LTPO ഇന്നർ ഡിസ്‌പ്ലേ ആയിരുന്നു ഈ ഫോണിന് വിവോ നൽകിയത്. 6.53 ഇഞ്ച് AMOLED ഔട്ടർ സ്‌ക്രീനും ഈ ഫോണിന് അവകാശപ്പെടാനുണ്ടായിരുന്നു. സ്‌നാപ്ഡ്രാഗൺ 8 Gen 2 SoC നൽകിയ ഈ ഫോണിന്റെ പ്രധാന ക്യാമറ 50 എംപി ആയിരുന്നു. 120W ഫാസ്റ്റ് ചാർജിങ്, 50W വയർലെസ് ചാർജിങ് പിന്തുണയുള്ള 4,800mAh ബാറ്ററി ആയിരുന്നു എക്‌സ് ഫോൾഡ് 2ന് വിവോ നൽകിയിരുന്നത്.